ja gäll, das isch wüki no guet ... als wenn mer bis zum letschte tag müsst schaffe, nei danke ! finds vorallem guet das mini fa das eh bi jedere schwangere macht ... isch echt uh erliechterend !

oke, dänn isch ja guet! will wenn mer natürlich nur no am erbreche isch verlürsch au all vitamine etc. und chans dänn scho nöd so guet für s baby si :/
folsüri isch super (isch ja wegem offene rugge) du wirsch vermuetli no s elevit becho am mentig, die nimmt mer die ganz schwangerschaft dur, hät b vitamine drin, isä und alles wichtige für s baby ;) aber wenns där so schlecht isch chans au si dass e anderi / ähnlichi bechunsch, aber sicher öpis, das bruchts nämli! ich han ebe nöd so mühe gha mit übelkeit, drum isch s elevit guet gsi, aber bi dä emma weissi z.b. dass sie wie du bitz glitte hät am afang :( und dänn e anderi/ähnlichi tablette becho wos nöd no verschlimmeret hät! gsehsch ja dänn am mentig hihi

hehe nei nei, isch imfall voll nöd schlimm wenn dä ma däbi isch also bi mier isch immer so gsi das er hinde a mier gstande oder au gsesse isch und 0 mitbecho hät was sie det une so verastaltet hät und ebe, t auge sind eh die ganz ziit uf dä bildschirm grichtet, isch also überhaupt nöd unagnehm! muesch där da kei gedanke mache ;)

aso i kenns vode kolegine au so, dass di meiste so 3-4woche vor de Geburt gar nöm gschaffet hend. und alli send brutal froh gsi drum. wel si eh nöm mögge hend...

muss me de d folsüri ned di ganz Schwangerschaft öber neh?
i hasi leider erst ab de 5te Woche avo neh welli vorher ned gmerkt ha dasi schwanger be.

und so bim gspröch met de fa esch er denn det au debi oder nor bim Ultraschall?
sorry mini domme froge

@elea: Blöd, dass die Übelkeit noch nicht besser geworden ist. Ich glaube der erste Ultraschall wird nicht komisch, wenn dein Mann dabei ist. Er sieht ja nur den Bildschirm.

@lilly: Supi, dass du nur noch 50% arbeiten musst. Und bald musst du ja gar nicht mehr hin. Wirst du nachher wieder zur Arbeit zurückkehren? Ich habe auch mit meinem Chef gesprochen und möchte 1 Jahr Pause machen. Er versucht es möglich zu machen, obwohl wir nur zu dritt sind.

@me: Mir geht es so viel besser, dass ich heute 6 Stühle neu bezogen habe :-)

Elea, mine isch bim erste Termin au debi gsi und chunt eigentli jedes Mal mit und d FÄ het nie blöd gluegt oder so, im Gegeteil sie isch amigs mega herzig mit ihm und gitt ihm d US Bildli demit er no stolzer isch ich han bim erste Untersuech au en vaginale gah, nacher immer über de Buch... und det isch er au hinter mir gsi, also het au nöd mitübercho was sie det une alles gmacht het :) also mach der kei Sorge, s isch nöd unagnehm :)

Ich han hüt morge leider di schlechti Nachricht übercho dass mini Afrag nachem 40% schaffe nachem Muetterschaftsurlaub nöd bewilligt worde isch, han 4 Mönet uf das Gspröch müesse warte und denn hends mi innerhalb vo 10min abgefertigt.. bin mega hässig und enttüscht, aber mittlerwile hani mi wieder gfange, defür chani meh Ziit mit eusem Schätzeli verbringe und chan mi ganz ufs Mami si istelle

Ich muess nachem Muetterschaftsurlaub chünde elea, hett wieder zude gliche Konditione zruggdörfe, also nachem Muetterschaftsurlaub im Januar wieder 100%... aber da hani nur glachet, also bitte was isch denn das für en Vorschlag!?!?

Bin würkli enttüscht, het ghofft dass mär mitenand ä gmeinsami Lösig gfunde hettet aber ich bin eifach vor vollendete Tatsach gstellt worde und 100% gahni sicher nüm zrugg, wett mis Baby doch gnüsse, finds fast ä Frechheit dass mär mir so öpis überhaupt abütet... janu, wird scho wieder öpis passends finde...

aso sorry, genau nor onder einere bedingig wörd ich das agmesse fende. wenn si d 100% bedreutig vom chend wörde zahle. genau nor denne "döfes" der das abüte. aber nei das goht gar ned.... so öpis onflexibel! esch scho hemmeltrurig wie eim stei i weg gleit werde wenns om das goht!