Danke fürs Dume drücke .

Es git glaubs eifach ke richtige Zitpunkt zum Schwanger si. Irgendwie findet me immer no öppis, wo me doch no hätt wöue mache bevor dass me Chind het. Be eus eschs z.B. so, dass mir vorussichtlich im Herbst mit eusem Husbau aföi und de äuä nöchscht Johr im Früehlig oder Summer chönte izieh. Ha zu mim Ma scho gseit, das egs eigentlich no schön fänd, der erschti Summer im Huus no ohni Chind chönne zgniesse. Das esch aber eifach sone Vorstellig und e weiss jo absolut nid, obs de so wird si. Aber e glaube, wenn me de schwanger esch, freut me sich riesig und de esch alles nur no e Istelligssach. Schliesslich het me sich jo Chind gwünscht.

Eg würd eifach versueche, di nid zfescht uf das Thema z'fixiere. Es git so veli "Was wäre wenn...", aber erschtens chunts andersch, und zwöitens als me dänkt. E findes guet wenn me sich im vorus Gedanke drüber macht, schliesslich eschs scho e riesigi Verantwortig wo me de het. Aber es bringt nüt, wenn me sich zu viel Gedanke oder Sorge drüber macht. Wenn de öppis sött si oder öppis nid guet wär, de cha me sich de no gnue dermit befasse. Wieso also scho im Vorfeld möglechi Komplikatione irechne? Nimm der nid d'Freud dra, das bringt nüt. Versuechs eifach möglichscht glasse zneh, und so zneh wies chunt.

Weisch, eg mues mir au immer wieder säge, dasi mi nid z'fescht darf i öppis inesteigere, nur wöus be eus nach 8 Mönet noni igschlage het. Es esch jetz eifach so und irgendwenn wird's de scho klappe.

Snet, velecht müesse di Kater und eg jo de die gliche Medis neh wäge der Schilddrüese
Nei, eg hoffe natürlich dass ihm nüt fehlt und dass es ihm guet goht. Drücke der Dume!

@Snet: ou nei ich hoffe dim Kater fehlt nüt schlimms, das esch jo ächt mega komisch wenn er eifach immer dünner wird. Also ich kenne das scho dass Chatze im Alter abnähme aber ned grad rasant innerhalb vo paar Woche.


@Dandi: jo do gib ich dir rächt, ich wot mi au niene inesteigere oder eso, ich bi eifach e Mönsch wo am liebste alli Siite wörd aluege und abwäge und guet vorbereitet esch. Aber dir händ alli voll rächt es bringt nüt sich Sorge um öpis z mache wo gar nonig passiert esch, me söts wörkli nä wies denn chunt und denn luege wie me wiiter reagiert. Und was de Chinderwunsch abelangt fühli mi ächt au nonig gstresst, wie gseit mir händ erst grad agfange und de Monet ned emol bewusst gluegt, ich ha eifach irgendwie nüm dra dänkt dasi jo d Pille gar nüm nehme und denn eschs eifach passiert und im Nachhinein hani denn gmerkt dass ei Teil zyytlich genau ufe Eisprung mues gheit sii. Aber wie gseit, au weni erst imene Johr schwanger wär, es wär überhaupt keis Problem mir händs ned pressant .

komischer wiis hani au gar no ke loscht zom bebe züg chaufe... i denke ebe au, do geht's e vel gschenkli ond so.
aber i chader so nofühele eve, i be topf genau glich. i muss jedi entscheidig hondermol abwäge und dorrestudiere, ond mache mer gedanke um Sache wo no ewigs lang ned aktuell send, eifach welli mer irede i muss of alles gfasst si. i gebe mer mega müeh bez me nach dem spruch zlebe:
"worrying does not take away tomorrow`s Troubles, it takes away today`s Peace!"
aber ebe wenn me so esch, de esch me so

Snet, nei ha kei witeri Chrankschriebig öbercho...esch mer au rächt, ech ha jo ned Schmärze oder so! Sie hends jetzt no igscheckt ond de H-Arzt tued no metem Spezialist telefoniere...

Tumbler: Mi Ma fendt Tumblere möchi t Kleider kapot, esch mer jo au klar, aber mini Wäschtüechli woti eifach tumbleret ha, ond är hed alli ufgänkt ond ech hasse dass de sends so "hert" darum heder gfunde är müessi jetzt total schwerig tue...so onnötigs züg...beni so hässig worde!!!

Me & Baby: Ech weiss ned rächt de Spezialist hed mer gseid noch zwe Mönet noch de OP chöned mer loslegge aber ergendwie hani angst, dass die Endometriose gli weder chond ohni Hormon ond wöu out Blose no ned guet esch hanis gfühl das seg grad chli vöu för de Körper...vellecht nehmi de haut länger dere Hormon...

Guete morge zäme

Elea, bin froh für eu dass de Untersuech geschter guet gange isch, so herzig! Hender es Bildli übercho? Weg de Übelkeit und s elevit, ich han mich vom elevit immer müesse übergeh, s Gynefam isch ä gueti Alternative fallsd merksch dases au nöd vertreisch

Ich bin demfall echli s Gegeteil vo eu, han nachem 3. Monet richtig afange pöschterle, 3 Mönet vorem Geburtstermin staht scho zimli alles, s Chinderzimmer isch jetz au cho :) uf vieli Chleidli hemmer aber verzichtet will da sicher no s einte oder andere a Gschenk chunt... und zude Erstustattig, ich glaub das merkt mär mite Ziit was no fehlt oder unbedingt no bsorgt werde muess, mir hend jetzt eifach mal s nötigste..