Der Vater ist katholisch...

Guete Morge zäme

E hoffe dir heit aui ganz es schöns Weekend gha und heits gnosse!
Mir heis gmüetlich gno. Am Samschtig si mer go Chuchine aluege und hei chli Idee gsammlet. Geschter si mer der ganz Tag deheime gse. Das het au wieder einisch guet do.

Wünsche euch e tolle Wuchestart!

Guete Morge Zäme

Ou cool Dandi, ich finde Chuchine öpis vom töllste zum aluege, geht sooo viel cools Züüg i dem Bereich .

Snet dis Wucheändi tönt jo au toll, Outdoorbar het immer so chli Ferieflair findi .

Mis Wucheändi esch ned sooo toll gsi, ha die ganz Zyyt übelsti Buchchrämpf gha und bi nur ufem Sofa umegläge mit mim heissgliebte warme Chriesisteisäckli ufem Buuch. Voll ausgenockt beni gsi. Und ah jo, aso schwanger beni au ned, ha nämli denn am Samstig Nomittag mini Periode übercho (3 Täg z früeh). Aber s esch ok so, jetzt chani deför bi mim Zahnitermin no Röntgebilder mache woni unbedingt no ha welle und wenigstens hani mini Periode übercho, sprich mi Zyklus funktioniert vo ellei, esch jo au ned sälbstverständlich nach so vilne Johr Pille nä .

Guete morge mitenand

Freut mi das ihr ä schöns Weekend gah hend!

Eve, mir isches ähnlich gange wie dir, bin ide Nacht vom Fritig ufgstande willi so starki Magekrämpf gah han, mir hend das Weekend aber imene Wellnesshotel im Tessin verbracht (no en HZ-Guetschii iglöst) und drum hani mi müesse ufraffe, am Samstigmorge isches mir immernonig guet gange mite Krämpf und Buchweh, geschter isches denn aber wieder guet gsi - gaht echt öpis ume?

Suscht hends mir mega gnosse in Locarno, s Wetter isch leider au det nöd so de Hit gsi, aber mir hend gsprudlet und bädelet und fein gässe und eifach nochli d Zweisamkeit gnosse :)

Ou nei, eg wünsche aune wo verchältet si oder Buchweh hei ganz gueti Besserig!

Emma, schön dass dir s'Weekend trotzdem heit chönne gniesse. Sones Wellnessweekend esch eifach ab und zue Gold wert fendi.

Himbeer, schön besch au wieder do. Wünsche dir e guete Start hüt!

Es git würklech ganz tolli Sache für id Chuchi. Ha au ganz cooli Dunstabzugshube gse, woni nid emou gwüsst ha dass es so öppis git. Ha eifach be so coole Sache immer s'Gfühl, dass es mega tür esch und mir eus das eh nid chöi leischte...

Guete Morge zäme

Mer hend ned vöu schlaus gmacht das Weekend. Am Samstigmorge semer uf Lausanne go es Auto choufe! Ond denn hei ond denn hani so Röggeweh öbercho! Mini Verdouuig louft im Momänt gar ned, jetzt esch es 5 Woche super gange noch de OP ond jetzt das. Hoffe es werd gli weder besser!

Gester hemer gar nüt gmacht ossert TV gluegt ond e chorze Spaziergang...

Ohhh Eve ech cha der so guet nochempfende...Nehmsch denn au Magnesium? Das macht de ganzi Buchrum weicher ond set mache dasst weniger Chrämpf hesch! Mer hends gseid am beste nehmsch bi so Chrampftäg emmer grad ei Tablette a de andere...damet de Schmärz gar ned cha cho! Das esch för mech am Afang au mega komisch gseh aber mettlerwile machis au so!
Ech be scho mega gspannt wies werd sie jetzt noch de OP met de Schmärze, eigentlech setted jo die wäg si...aber wär usgröschtet...ha so velli Medis deheime...sogar Morfiumähnes Züg...

Ohhh Emma sooo schön...