jo i weiss wad meinsch. i gomer met em gjommer au scho ofd nerve. ond au wenn mi maa nie öpis seit, er esch secher au froh wenni mol paar täg ned jommere

Ebe gäll, aber isch halt klar.. s schlat eim soo ufd Moral wenn mär eifach jede Tag nöd fit isch, und eusi arme Männer müend mitliide

vergessed nöd, es hät no unschwangeri wo mitläsed

Guten Morgen Miteinander

@Dandi: Also mir war dagegen fast nie schlecht, kommt also immer auf die Person drauf an.

@me: Ohje... ich habe wieder Hals- und Ohrenschmerzen. Doof, dass das nicht richtig auskuriert.

Eve, das kenni im Fau. Mi erscht Zyklus nach Absetze vo der Pille esch au nid ganz ohne gse. Ha währendem Eisprung rächti Schmärze gha (wasi süsch nie gha ha, au nid vor der Pille) und während der Mens au grossi Stimmigsschwankige. Das het sich aber bereits bim zwöite Zyklus wieder ipendlet und esch jetz wieder ganz normal. Was no cool esch bi mir: d'Schmerze woni während der Mens ame gha ha ohni Pille si nümme zrugg cho. Ha ame scho chli Buch- und Rüggeweh aber nie me so schlimm wie vorher ame. So cool, be mega froh! :-)

Ach Dandi denn chani jo no hoffe, cha im Momänt sälber nüt mit mir afange und ha s Gfühl ich bi mi de ganz Tag lang nur am zämerisse damit ich ned voll überegheie wäge de chlinste Sache.

Ich ha bevor ich d Pille gno ha nie gross Schmärze gha bi mine Täg und de Eisprung hani erst rächt nie gmerkt. Mit Pille hani denn so nach 2 Johr Periodebeschwerde becho, aber het sich im Rahme ghalte.
De 1. Eisprung letscht Monet hani ächt mega schlimm gspürt und bi 2 Täg wie ausgenockt gsi, ha mi eifach nur eländ gfühlt. Bi minere Periode jetzt au wieder Horror, läck so schlimmi Buchchrämpf hani glaub nonie gha, bi am Samstig morge no schnäll go poste mit mim Maa und zmitzt im Lade hets mi fast zämegleid, s esch mir grad de ganz Chreislauf zämegheit will ich so Chrämpf becho ha, mi Maa het gseit ich heg usgseh wie es Liintuech. Hoffe aso ächt dass das jetzt ned immer so esch findi denn gar ned witzig .

So und jetzt fertig gjommeret, immerhin esch mini Periode jetzt am abklinge und dänke morn eschs denn ganz dure.