elea und emma: jo genau, eg due pfiffe und so nachem zwöite oder dritte mou pfiffe hört er uf :-)
das het mis mami früehner scho immer bi mim papi gmacht und eg has jetz sozsäge überno. hi hi

canoa: eg kenne leider niemer wo die pille nimmt :-(

snet: ach, so diskussione kenni. das goht be eus ame au so. mi ma macht leider au nid sehr viel im hushalt. na ja...

Aso ich ha mit mim Maa scho vieli Diskussione wäge dem gha. Ich glaube s esch eifach denn es Problem, wenn ned beidi glich ticke. Z.B. ich ha amis scho nach 3-4 Tag s Gfühl so jetzt söt me wieder putze, mim Maa fallt das überhaupt ned uf und ich glaube er fändis allwäg denn so nach 2 Woche oder so mol nötig. Wills ehn ned stört cha er jo au gar ned gseh dass me öpis söt mache will für ehn esch es keis Problem. Dänke do mues me eifach versueche irgendwie Kompromiss z finde.

Ich dänke ich mache was das abelangt def. au meh deheime, aber immerhin macht er mit weni ehm säge hei bitte tüemer hüt ufrume und putze. Dänke mit dem muesi mi z friede gä . Deför dänkt er amigs dra s Auto z putze (was ich IMMER vergisse) und chocht amigs, das het er ächt bös im Griff und do beni sehr froh drum .

Aso der Burner esch letscht Wuche passiert: eg be nachem schaffe meischtens früehner deheime als er. Dorum hani afe ufgrumet, be vorhär no go poschte und ha kochet. Ihm hani es sms gschribe, dass er doch bitte no söu d'post mitufeneh. Woner de hei cho esch esch er doch tatsächlich gnärvt gse, nur wöu er het müesse go d'post hole. Eg has fasch nid glaubt! Be aber zum Glück so guet druffe gse, dasi ke Szene gmacht ha süsch wäre sicher d'Fätze gfloge

Haha Dandi hei nei das esch wohl ned di Ärnst?? Boa do wäri glaub überegheit!

Früener hani mi amigs so mega ufgregt und ha immer dänkt er esch eifach z fuul und dänkt sich allwäg jojo chum die ander machts denn scho. Aber so esch es glaub wörkli ned, sondern s esch eifach so dass ers ned dräckig oder unordentlich empfindet und dorom nüt macht. Ha mir denn müesse säge, wenn jetzt öper wörd zu eus heicho wo mit em Geodrüeck putzt und alles fiinsüberlich aordnet und sone Museumswohnig het, de wörd au Zueständ öbercho wenn er eusi Wohnig wörd gseh wo mine Verhältnis entsprächend ufrgrumet und putzt esch, und das wörd ich jo denn au ned eso empfinde.

Eg be selber erstuhnt gse dasi so cool reagiert ha. Ha ihm scho gseit, dasi jo nid nüt gmacht ha und dass d'Post hole sicher weniger ztue git als das won eg scho alles gmacht ha. Aber nachhär esch wieder guet gse.

Eve, es esch doch genau so wie du schribsch. Sie gsei das eifach nid, dorum merke si au nid dass es eus scho nervt. Mi Ma seit jo immer, dass er eifach es anders "Stör-Level" het, was Staub und Dräck abelangt.

Eve777:

---

Jo s esch doch bi mega viel Sache eso, z.B. au a Geburtstäg dänke vo Kollege und Gschänkli bsorge etc. Ganz am Afang hani mi amigs irgendwie verantwortlich gfühlt, denn hani müesse säge Momänt ich bi ned sini Sekretärin, wenn ers verhängt bi sine Kollege öpis z schriebe oder es Gschänk z sueche denn eschs ned mis Problem.