Eg be au mou is Yoga gange, das het mer aber nid so passt. Esch aber glaubs au chli wäge der Lehrerin gse. Jetz goni sit 3 Johr is Pilates und be begeisteret.

pilates hani au scho usprobiert, im fitness. bi sogar recht regelmässig gange. aber yoga passt mer glaub doch besser. guet ich find es chunnt würkli extrem uf de lehrer und s studio ah... bi jetz gspannt wies wird. aber mir chönd erst am 22. gah, vorher langeds leider nöd.

ich hoff au ich wird nöd chrank, das wär sehr doof. höchstens vilicht mal en tag oder so, das wär no entspannend ;-)

Pilates findi au cool das machi au sit 4 Johr, ha immer einisch pro Wuche Pilates und einisch Yoga. S Pilates machi eher usem "sportliche" Gedanke, s Yoga nur für d Seele, das entspannt mi eifach mega und ha viel weniger Rüggeweh wenis regelmässig mache . Aber es stimmt, es chunt total ufe Lehrer / Lehrerin drufa, wenn do d Chemie ned passt denn esch es nüt.

Hihi jo gäll so 1 oder 2 Täg chrank sind amigs no oke, übel findis wenn me eifach grad wochewiis flach lieht.

Hallo zäme

Ou nei, nöd chrank werde... wünsch eu ganz ä gueti Besserig! Ich han zwar au Chopfweh hüt morge und brennendi Auge, aber das Wetter hilft ja au nöd würkli fit z'blibe, so grusig!

Defür hani sit langem wiederemal duregschlafe YESSSS!

Ich bin au en mega Fan vo Pilates und Yoga, gahn jetz is Schwangerschaftsyoga und s tuet würkli mega guet...

Zuletzt bearbeitet am 10.07.14 08:38

Sooo ech ha jetzt grad so rechtig fein zmögelet im Büro! =)
Kaffijogurth met Flöckli! =) Hmmmmmmmmmm

Jetzt muessi mech om dommi Liste kömmere! pääääääh

huhu zäme! mini motivation haltet sech au in gränze... vorher hani den usversehe no es dokumänt glöscht - so ärgerlich, und es isch ned mol meh im abfallchorb gsii! so blöd vo mir, jenu, ha no d vorgängerversion gha und es isch jetzt wieder gmacht. aber ich hätt mi chönne ohrfiige...

wünsche allne chränkelnde gueti besserig! eigentlich jo ned erstuunlich be dem wätter... hihi, mir göhnd nöchscht mittwoch id ferie, und gnau denn wirds wieder schön (hoffentli hed de wätterbricht rächt). euses wocheänd wird sicher au trotz wüeschtem wätter schön - s hotel hed jo e grosse, neue wellnessbereich

geschter hani no im outlet zwöi riiiiiesegrossi faserpelzjäggli kauft und en windjagge (grössi L für männer...) will ech kei jagge meh ha woni zuebringe und be dem wätter isches eifach z brrrr ohni... sind riese pläche - aber irgendwo muess dä buuch jo hi... ha statt 320 franke no 80 franke zahlt für alles, ha richtig freud a dene flauschis und vor allem bini jetzt parat für d ferie i de bärge