Hey super, danke scho mou für euchi Tips!

Eve, ui de hesch aso grad es paar Sache müesse abkläre. Scho no krass, dass sich done Zälle so schnäll cha zum negative verändere. Eg ha das au mou gha und de hani eifach au halb Johr zum FA müesse. Nach öppe zwöi Johr eschs de zum Glück wieder guet gse. Jetz muesi wieder nur no all Johr go.
Die Flüssigkeit esch würklech schräg. Aber esch sicher guet het si dört au no grad e Prob gno. De weisch nachhär wora dass besch.

Oje Dandi jo demfall händ das wörkli no paar Fraue, bi froh esch bi dir au alles oke jetzt. Ich ha das irgendwie voll unheimlich gfunde damals, bi de erste Kontrolle het sie no gseit gha ach do müend sie sich no kei Gedanke mache das händ ganz viel Fraue uf dere Stufe und das goht i de allermeiste Fäll vo elleige wieder ewäg, und bi mir esch das ganze irgendwie innerhalb vo 5 Mönet uf Stufe 3 gheit, bi ächt froh dass ichs ha chöne go useoperiere und sit do gohts mir guet. Ha au kei Bedänke wägem mol schwanger wärde ich glaube fest dra dass das wird klappe wenn d Zyyt deför stimmt .

Snet wäge de Irichtig bi euch, das wörd sicher no cool usgseh zu dem Wyys wennd no mit Hellgrau schaffsch das chani mir sehr guet vorstelle .

Zuletzt bearbeitet am 15.07.14 11:04

Eve, genau das het mir mi FA dazumal au gseit. Und es esch glaubs würklich verbreiteter als me dänkt. Mini Kollegin hets drum au gha und jetz esch au wieder guet. Mi hei eifach die halbjährliche Kontrolle gnärvt und jedesmou het me ghofft, dass es jetz wieder guet esch. Und d'Ernüechterig esch de cho, wenns sich doch no nid zum positive veränderet het. Aber wie gseit, jetz eschs jo wieder ok.
Hoffe fescht für de, dass alli Teschts guet usechöme, bzw. dass alles ir Ornig esch!

Guete Morge Zäme

Ich hoffe, s goht euch guet ? Aso ich ha gester zobe no Bscheid übercho vo minere FA, schiins esch alles guet, nur Toxoplasmose beni negativ teste worde, müessti also chli luege wäge Chatzechistli mache weni denn mol schwanger wär, sust alles oke.

Läck gester hani 2 ganz heftigi Dokus gseh, bi immer no voll erschütteret. Uf Arte esch zerst öpis cho wo sie im Fairtrade Güetesiegel nochegange sind und aso mues säge ich bi total enttüscht, bi immer fest devo überzügt gsi, dass ich öpis guets mache weni so Produkt chaufe. In Würklichkeit verdiene aber d Arbeiter ned wörkli wesentlich meh und au sust d Läbensumständ sind sehr bedänklich.

Nachhär esch no e Doku cho über es Usschaffigsgfängnis in Gänf, det sitze offebar ganz viel Lüüt i wo in sogenannter Administrativhaft sind. S esch soooo krass gsi, det sind Familievätere zeigt worde wo teilwyys scho sit x Johr i de Schwyyz sind, do gschafft und AHV etc. zahlt händ, die wärde ohni Familie abgschobe obwohl sie integriert sind. Die sind transportiert worde wie Schwerverbrächer obwohl sie sich no nie öpis zu Schulde händ cho loh, mit Hand- und Fuessfessle aso s het usgseh wie imene schlächte Hollywoodfilm. Ich ha nur no brüelt vorem TV, ganz ehrlich das esch mir so mega igfahre und ich hät nie dänkt dass so öpis i de Schwyyz möglich esch! Meine klar, die Doku het jetzt eifach ei Siite zeigt, aber ha müesse säge au wenn alles nur halb de Tatsache wörd entspräche was me det gseh het wärs no mega schlimm.

Jo genau Textaid esch genau au so öpis, ich finds eifach e Frächheit dassd als Konsument so verarscht wirsch, wotsch öpis guets mache und am Schluss verdiene eifach d Detail und Zwüschehändler meh, aber die arme Sieche wo müend jede Tag irgendwie Banane ernte oder so die gsänd gar nüt vo dem. Boa bi richtig hässig, ich weiss ned wie die Lüüt wo das z verantworte händ eigentli no chöne i Spiegel luege .

Has au dänkt, meine ich bi au absolut deför, wer sich ned korrekt verhaltet i de Schwyyz de söll verreise, aber das wo do gester zeigt worde esch het gar nüt mit Kriminelle z tue gha, das sind alles Lüüt gsi wo guet französisch gschwätzt händ (esch imene Gfängnis in Genf gsi) und gschafft händ. De eint z.B. esch sit 20 Johr i de Schwiiz und het do e Familie, jetzt söll er zrugg i Kosovo, hää?? Das verstohni überhaupt ned, de het de unde jo gar nüt, findi eifach total schräg dass me öper nach sonere lange Zyyt i de Schwyyz no uswiist.

Jo s esch doch eifach leider eso, Geld regiert die Welt . Ich glaube ich mues jetzt denn eifach ufhöre Zyytig läse und TV luege, rege mi immer so mega uf.