Merci vilmol Dandi i hoffe au s esch nüt, esch eifach mega doof so öpis no vor de Ferie ufläse .

guete morge zeme!

dandi, super dass alles guet esch met de schleddrüse... hmmm velecht hesch ergendwie öpis met de Lebensmittel... es geht doch lüt wo empfindlech send of gwössi Produkt und die denn au wie schlapp mache! weisch wini meine?

ou nei eve, zegge send e Plog aber nei du heshc secher nüt gmacht wo din maa chrank macht! wenn de zegg scho so voll gsoge gsi esch, denn esch egal wasd machsch em Prinzip! aso musch der definitiv kei vorwürf mache! well d bakterie send jo em speichel vom zegg. ond de heter eh scho chöne ine l. einzig wenn de zegg besse het (aber nonid voll gsoge esch) ond me denn de chopf denne loht, esch doof. aber so ned. aber super send ehr jetzt grad zom Arzt gange! dasch wechtig!!!!
dönd eifach d besstell met wasserfestem steft markiere unds jede tag beobachte! so bald sech öpis veränderet det grad am Arzt sege! esch di maa de gempft geeg fsme?
nei i verstoh dini angts so, (ha jo vor paar Woche angst gha wege fsme). sesch echt de Horror! aber es schlechts gwösse musch der ned mache gell!!!!

Aso mi Maa esch jetzt bim Dokter gsi und de het em de Chopf wo tatsächlich no drin gsi esch usegno. Er het ehm au gseit er sölls eifach beobachte und wenns irgendwie so ringförmigi Verfärbige geht denn söll er Antibiotika hole. Ich ha ned emol so Schiss dass er sich öpis igfange het aber mi Maa het hüt am Morge mega Kriese gschobe wäge Boreliose etc., gimpft wäge FSME esch er ned. Ich hoffe jetzt, dass ne de Dokter chli het chöne nachhaltig beruhige, d Asteckigsgfohr esch jo eigentli bi allem minim und me mues ächt grad nochli Päch ha damit das passiert.

Mir esch eifach so de Lade abe will ich irgendwie am morge am 7ni de Zägg ha welle usenä und nachhär zerst dänkt ha super wenn jetzt öpis esch bi ich gschuld dra will ichs ned richtig gmacht ha. Aber wenn du seisch Elea dass er sowieso scho agsteckt worde wär falls öpis wär denn chani de Gedanke zumindest mol wägtue. Het mi eifach au agschisse so öpis grad vor de Ferie und im dümmste Fall denn die ganze Ferie merke dass mi Maa im Hinterchopf das mitschleift.

Danke vilmol ehr sind mega lieb !

Was lauft sust so bi euch, händ ehrs sträng? Ich söt no paar Sache vor mine Ferie fertig mache, aber glaube das passt ziitlich scho no .

Hallo mitenand

Wie gahts oi? Ich ha hüt frei und gah mit minere Fründin und Ihrne zwei Jungs id Badi freui mi mega.

ah und den mussi oi au na öpis verzehle: ha vorgester ä Nachricht vo oisem HZ-Fotograf becho, er wür gern mit mir (und mim HZ-Chleid ) es Shooting mache. Er wot sich meh uf HZ-Fotografie konzentriere und ä neui HP mache und gern es paar spezielle Föteli ha und da heg er ah mich denkt. meeega lieb und ich freui mi riiiiiiesig dass ich namal es Shooting mit mim Chleid chan mache. Nächst Weekend isch es schowiet. Und das Gratis

Wünsch oi en super letzte Tag vo de Wuche und den es tolle Weekend.

Ja würkli es richtige Highlight Ja klar, zeig oi die denn.

Nei er hätt nöd hauptsächlich HZ fotografie gmacht, er isch en Hobby Fotograf wet sich glaub jetzt uf das spezialisiere, so hanis Verstande.

ja isch würkli hammer, ha ja eigentlich mit mim Maa es Trash the Dress wellä mache aber irgendwie passt ziitlich grad nöd so dri drum bini grad namal happier das es so klappet.