em Chef hemmers scho gseit. ond d sekretärin het gfrogt (welli Emmer ofs wc gange be).

jo gell früehner hend sis of ned gwösst. mis mami het au gseit of de ultraschell bilder hesch genau nüt erkennt.
jo Emma, da denki ebe au, d vorbereitig esch eifach wenn me s gschlecht kennt. alles gschlechtsneutral z chaufe esch schwerig :)de hets Baby nome wiis und gelb a :D

ihihi super henders im Gschäft verkündet, di einte oder andere hends demfall gahnt... das blöde ufs WC renne jedesmal

das isch so, aber s beschte isch ja dases gar nöd soviel Uswahl het in neutrale Farbe, s isch echt nöd eifach... hend am Afang au nur wiiss/beige/gäll kauft aber s gitt nöd würkli viel, nöd dasi jetzt alles in blau wür chaufe aber glich sind d Chleidli eher Meitli/Buebe aghucht... :)

Ou ja das verstahni, s isch nöd so en eifachi Situation :( also ich hans au nöd gross verkündet, hans zerscht am HR und mim Chef gseit und denn nah dis nah grad dene wo's grad passt het, z.B. mal bim zmittag oder inere Pause und irgendwenn hends denn alli gwüsst...

Also mir bhaltet s Gschlecht ja für eus, s wüsset nur d Grosseltere und eusi Gschwüsterti wases gitt, und verplapperet hemmer eus bis jetzt nöd :) aber im Nachhinein würis glaubs au andersch mache und vo afang a grad allne säge, s machts scho viel eifacher... es isch au viel schöner chöne offe drüber rede, eso müemmer eus immer echli zruggbhalte und das isch gar nöd so eifach, aber es gaht ja nüm lang und denn isch euses süesse Gheimnis glüftet :)

Ich glaub mir würets jetzt andersch mache, ja... mir hend zerscht denkt es macht sicher allne Freud wenns ä Überraschig gitt aber di meiste hend sich ab dem nur gnervt nur wenigi hends eso ufgfasst dass mär sich ufd Überraschig chan freue, hetti nöd denkt aber bi eus im Umkreis isches so gsi.

De Name bhaltemer au für eus, genau usem gliche Grund... vilicht isches nöd mal bös gmeint wenn mal en negative Kommentar sötti cho, aber ich find de Entscheid isch doch eifach nur de Eltere überlah :) s isch eh scho gnueg schwierig sich für en Name z'einige :)

ui ich ha am weekend de name vo mim ungeborene göttichind erfahre und ich finden super! freu mi scho meeeeega und es macht s ganze eher nochli meh fassbar.

Mir hend eus definitiv geeiniget elea, eigentli scho lang... sit mär wüsset wases gitt :)

ihihi ebe genau so Sache möchti vermiede, am Schluss heissts denn eifach so und fertig. Mir hettet au scho sit Eeeewigkeite de Meitliname gah und de kennt glaubs jede i eusem Umkreis, so oft hemmers gseit ahaha