snet: Dini Trauzüügin und d'Fründinne sind ja herzig

Reebee: Ich denk äs isch guet möglich, dass me sich aifach mit de Ziit ä chli i anderi Richtige entwicklet.
Und weme nöd 100% mit sich zfriide isch, brucht me würklich nöd no öpert, wo aim das no quasi "vorhebät", da chani di echt verstoh.

@valeria: I hoff, dass ihr morn e wunderschöne heit, u das es Dir närne umi besser geit.

@reebee: Verschiede muess aber ebe nit negativ si. Inwiefern de verschiede? Isch de mau öbis gsi, wo sechs plötzlech gänderet het, oder isch es e schlichende Übergang gsi? Ishc de bi öich öbis speziells gsi?

Aber das kenn i leider ou. Si wo ig immer gseit, wenn i hürote wird si mini Trouzügi hani Ostere 2011 zletscht mau gseh, u denn nume ganz kurz... U wo ni se vorher mau gfragt ha, was los isch, het si sech unwissend gstellt, u gmeint es segi aus ok. Guet si isch viu ga reise, u i paar mau züglet, aber Hallo, kenne tüe mr nand scho nes Läbe lang, dr Intensivst Kontakt hei mir mit so 15 bis öbe so 21-22. U plötzlech isch de tot gsi, aso dr Kontakt. Dür ihri Reisene isch es mau chli weniger gsi, aber wo si de wieder ir Schwiiz isch gsi, isch Funkstilli gsi.

Aso mit dr Figur bisch de nit 100% zfride, oder mit was?
Es luegt doch jede wo rouckt, das er Nichtroucker nit irouckt, isch doch säubstverstaändlech, aber wes de gar nüt darf si, muess me sech fasch isoliere...

Aso dFrünschschaft wo sich veränderet het, oder was meinsch mit alles??

nicht registriert

buuuh bin au da =)

@lula
ja, i denk i bi nid meh oder weniger kritisch mit mim körper als anderi fraue. drum meini nid 100% z'friede.
ja, d'fründschaft hett sich scho veränderet. ich bin ja wegzoge vo det womer ufgwachse sind (isch zwar nid wiit eweg, kei 10 minute mitem auto), aber nachane hani halt min schatz gha und eusen kollegekreis und da ghört sie eigetli au nid so dezue. und i dene sechs jahr hemmer eus nid so viel gseh, eher recht wenig was sicher au zumene teil a mir liit, will ich vermuetli unbewusst de nervige themene usgwiche bin. naja, i han eigetli denkt das chan eusere fründschaft nüt a ha. aber anschinend doch.
das isch au schad mit dinere fründin :( mängisch wärs denn scho spannend zum wüsse, was genau s'problem gsi isch. anderersiits ischs halt scho so, dass sich mitem lebe immer wieder änderige ergebed und d'fründschafte wechslet. hmm...

@malu
im moment magi nid mit ihre rede, i han angscht dasi öpis chönt sägä woni spöter bereue. vermuetli ischs halt würklich so, dass mir gar nid befründet wäred wenn mer eus under andere umstände troffe hetted. mir sind nid nur verschiede, i han langsam s'gfühl es sind zwei welte.

@zibesa
gugus :) gads dir wieder besser?

@zibesa: Hallo u willkomme zrugg

@reebee: De het si ja gar nüt zmotze...
Wieso ghört si de nit zu öichem Kollegeskreis? U i mein 10 Minute si ja nüt. Welne närvige Themene?

genau.. in guten wie in schlechten....