ja ein sehr grosser Star Wars Fan!

Guete Morge Zäme

Ich läbe au no und ha au wieder emol chli Zyyt zum do umeschneugge. Has rächt sträng gha nach mine Ferie aber jetzt söts wieder ruhiger wärde .

Wie gohts euch allne eso? Händ ehr es schöns Week-end gha?

Haha oje Snet jo Männer chöne ächt extrem wehliidig sii wenn sie chrank sind, wie wörde die nur e Schwangerschaft überläbe ??

Hei so cool, wohe gönd ehr jetzt id Ferie, händ ehr chöne öpis fix bueche oder fahre dir jetzt eifach mol druflos?

Ich bi im Momänt am überlegge öbi söll es Fest schmeisse will ich im Herbst 30gi wirde, bi chli hin- und härgrisse. Mini best Fründin het im Novämber au de 30. und jetzt simmer am überlegge öb mir ev. zäme öpis sölle mache, aber wird langsam scho knapp mit Rüüm wo no verfügbar sind etc., läck ha dänkt das esch im Winter keis Problem aber esch rächt viel scho usbuecht.

Jo mir sind ebe am sueche was so geeigent wär, wenn mirs zäme wörde mache wäre mir allwäg öpe 40-50 Persone, und wenns goht wörde mirs gärn z Aarau und Umgäbig mache will mir beidi vo dete chöme und eusi Familie au no dete wohne. Mir händ jetzt mol de Roschtig Hund is Aug gfasst und sind no am wiiterluege, sind ebe scho rächt viel Date usbuecht im Oktober und Novämber.

Mir wüsse au gar nonig so richtig was mir füre Party wänd mache, ich fänd s Motto 80er cool will mir jo 80er-Johre-Kids sind, aber es händ scho zwöi Kolleginne vo minere Fründin so Partys gmacht grad i dem Johr drum wet sie das ned unbedingt. Hmmm irgendöper kreativi Idee ?

esch de roschtig hond ned bez z chli (kennes ebe nor vom ghöre sege). oder s 11a? dasch au e cooli Location!
da metd e 80er Party kenni au, aber fendes glich no wetzig! hmm, soscht hani ke erfahrige met Motto Partys :)

snet, wiso "mal wieder" hesch das schomol gmacht? :)

Wägem Roschtige Hund, jo do beni ebe au ned ganz sicher, mir müesste ne allwäg no go aluege, aber chönt grad öpe länge. D Halle 11a hämmer au no gseh gha im Internet aber det esch d Mieti ebe so höch, und ich wet eigentli ned unbedingt x tuusig Franke am Schluss usgä für das Fest.

Hmm hei Hollywood esch au no es cools Motto, das schriebi mir grad uf merci Snet .

Wow das tönt jo schön mit euchne Ferie, hoffentli eschs det au nochli wärmer als do. Iiiiih findes so schlimm grad das am Morge amigs so Herbststimmig esch wenn me ufstoht, hät aso ächt gärn chi Sommer gha .