wow snet, scho im dritte wüki krass !!! t ziit lauft wahnsinnig schnell ... gnüssets drum no ganz bewusst ;) ich han am schluss au viel usgruebt, grelaxet etc., das hät mer richtig guet ta, als wenn mer no umesecklet etc. ... wegem gwicht, also bi mier sinds ja im total 12/13kg gsi (gaht no) bin aber au viel go schwümme, han aber au nöd wüki uf mini ernährig gachtet :p uf jedefall nach dä geburt verlürt mer sofort 6-8kg, machet eu drum kei sorge, es gaht sooo schnell und mitem stille nimmt mer au ab, vorallem chund mer am afang gar nöd wüki zum esse zum glück chan min ma choche, suscht wür mi nur vo chaltem zügs ernähre klar gits au tage womer bitz meh ziit hät (wo die chline guet schlafet) aber git au tage wo s gfühl häsch chunsch zu nüd und ebe, au nöd zum esse ... also ich bin jetzt nur no 3kg überem startgwicht und das isch eigentlich grad guet so, will mis startgwicht isch mer eineweg bitz z wenig gsi ...

ou das tönt jo wörkli super! hihi, do chani nor hoffe dass mer au sones pflegeliechts bechöme wie ehr wie lang het denn din maa jetzt no ferie? so schön chöne der die afangsziit z 3te gnüsse!

nöchst Woche hani weder e Termin womer velecht gsend was es wird. mer send sehr neugiirig (aso vorallem ich ) ond s gschlecht werde mer de secher au verrote! nemmt mi jetzt scho wonder obi wie all 2013ner brüt e bueb bechome oder obi do us de reihe tanze (i tippe jo of es meitli ;)

haha, dass mer eus of vell gaggi mönd gfasst mache hani au scho ghört
ou wow das esch super grosszügig vom gschäft dass si ehm 2 Woche gend! ond natürli toll dass ehr jetzt 4 Woche so chönet zeme verbringe! das esch Gold wert!

morn beni 18 Woche. aso d helfti hani gli :) d ziit goht so schnell verbi :) ond jetzt eschs rechtig lässig (wenns eim nöme so miis goht)
jo i brechte denn was usecho esch. be so gspannt! aber i glaube jo es bezeli dass mers ned werde gseh, well bes jetzt hets bide Ultraschall eus Emmer de rögge zuetreit. gleb es esch schüch oder so
jetzt wods erwähnsch, es esch ned nor em Forum es buebe-johr kenne 2 wo da johr no es Baby bechöme ond die hend au bed es büebli.
wenn de johrgang 2014 id schuel chont wird's akute buebe öberschoss ge

hallo zäme

Dandi schön vo der zghöre, aber die News send auso gar ned schön!
Ech könne das met Agina, ech ha zwar t Mandle dosse aber ech ha rächt lang emmer witers Angina gha...wönsch der ganz schnöu ganz gueti besserig!

PS: s Whatsapp beantworti der de no has ned vergässe! =O

Jo genau mer gönd uft Maledive, Sun Island hend es super Agebot gfunde hed sech glohnt chli omezluege...Es hed sogar es Medical Center dete das beruhigt mi grad extremst!
Wets jo ned müesse nötze...aber mer weiss jo nie...

Ou Canoa, du hesch Angina gha obwohl d'Mandle dusse gse si? Das esch jo schräg Esch es de jetz besser? Mi Arzt het gmeint, falls me drü Infektione innerhalb vo eim Johr het würds evtl. Sinn mache d'Mandle usezneh. E hoffe doch dass es jetz besser wird und eg das nid mues operiere.

Oh so schön, Sun Island. Das tönt scho toll! Wenn göit der genau?

Eg mues inere Stund abfahre zum Arzt. Hüt Nomitag esch nid mi Husarzt dört sondern e Ushilf. Be jo gspannt was die meint. Da eg mit mim Arzt sowieso nid so zfriede be, esch das evtl. gar nid schlächt. Mou luege ob die evtl. besser esch.

Also t Mandle hani i de erste Klass usegnoh gha ha emmer Angina gha als Chend...ond vor paar Johr hani werklech 2-3x Angina gha ond de esch zor Diskussion gstande nomou nochezschnide aber das esch de zom Glöck ned nötig gseh!

Mer gönd am 18.9. i genau 22 Täg! =)

Jo so zwöit Meinige send mängisch ned schlächt! Hoffe es chond guet!