Hallöchen Zäme

Mich geht's au no, ich has mega sträng momentan bim Schaffe drum chumi ned so zum schriebe. Ich hoffe aber, s goht euch allne guet ?

Hei Elea so cool wägem Trauzüginneamt, das wirsch sicher super mache du weisch jo jetzt uf was es achunt !

Gschänk Hochzyytstag: Ich ha mir au mega lang überleid was ich mim Maa chönt schänke, ich ha jetzt es Liebesschloss bstellt mit eusne Initiale druf und em Hochzyytsdatum wo ich mit ehm a eusem Hochzyytstag neume wet go abringe. S geht glaub paar Ort wo's nonig verbotte esch, finde das no es schöns Symbol . Sust weisi au ned, mir gönd allwäg eifach no zäme i euses Resti go ässe hani dänkt .

guete morge zeme

hey eve, schön voder zghöre! ui hoffe di streng ziit em Büro esch ned vo duur. das metem liebesschloss fendi en mega schöni Idee för de erst hochzitstag! eifach e tolli erennerig ond es witers plätzli wo ehr chönet he go ond bez in erennerige schwelge :)

gester hemmer weder e Termin bide fa gha ond het ganz lang s Baby döfe aluege. ui esch das gwachse ond het sech bewegt und gmacht wi weld. d fa het gseit alles gseht normal und gsond us, ond das esch s gröschte gschenk öberhaupt gsi. ond es esch ganz es liebs gsi ond het schön beinli vo enander gha ond alles zeigt!
es schiint as leggi wörkli bez öpis ide Loft, wel i reihe mi zode velle 2013ner Brüt i wo es Büebli bechöme

Guete Morge Elea

Wooooow was für News soooo schön, hei ich gratuliere dir vo ganzem Härze, haha s 2014 esch offebar wörkli es richtigs Buebejohr ! Au super dass alles gsund und normal usgseht und sich de chlini Pfupf so guet entwicklet .

@me: jo bi mim Job eschs ebe immer eso, äntwäder ich ha fast nüt z tue oder mega viel, aber so es Zwüschedure geht's fast ned. Aber macht nüt, wenigstens hani e Job do wäre vieli anderi froh drum und d Lüüt do sind super .

Nei das esch doch ned kitschig...das esch eifach normau!
Dänki mou...ech gloube erst wemer i dere Situtaion esch merkt mer was werklech wechtig esch! =)

Be mer esch weder chli meh los, werum weissi au ned...guet hend jetzt lang en Flaute gha...
Mer send 25 Lüt be eus, so rechtig Multi Kulti...hufe Dütschi, denn Amerikaner, Slowene, Russe, Schwizer...es esch eigentlech intressant, aber ech gloube weni werklech wösst dassi s läbe lang jetzt müesst do schaffe wördi mer öbis anders sueche...

Das esch eso mit em Hauptsach gsund, me merkt erst wie wörkli elementar wichtig das esch wenn me i dere Situation esch. Mi Maa und ich händ au scho riese Diskussione gha was wär wenn ich mol schwanger bi und me gseht dass öpis ned i.o. esch, aso ich hoffe eifach inständig dass mir nie i die Situation chöme, finde gaaanz schwer, weiss ned wie das denn eusi Beziehig wörd beiflusse, mir händ do chli anderi Asichte.

Übrigens wäge mim Geburi, mir händ jetzt e coole Ort gfunde wo mir reserviert händ, in Erlinsbach geht's e Ruum zum miete wo Wygärtli heisst, megaaa schön gmacht und het ächt alles drin was me so brucht (Chuchi etc.). Mir händ jetzt beschlosse, dass mir wörkli e Mottoparty mache mit dem Thema Hollywood, freu mi mega zums organisiere etc. .

Nei i dere Firma goht so vöu ab, es esch eifach rächt en schregi Ferma, sie send extrem grosszögig, bi de Löhn, Bonus, Sozialleistige etc...aber äbe was mängisch so ab goht esch eifach nome zum de Chopf schöttle...

Ergendwenn werdi jo eh it Garage vo mim Ma istige, darum werd sech das do denn eh eröbrige...osserdem esch euse Standort so chli, euse Chef muess so all 2-3 Johr weder belege werums eus no brucht, evt esch das au nome e Frog vo de Ziit...
Und äbe in Lozärn und Umgäbig gehts chum Paralegalstelle...

Mottoparty: Mi Ma werd am 16.11. au 30gi är hed sech jetzt förs Motto 80er Johr entschede...är hed eifach es Schötzehuus reserviert....Am Obig gehts den Raclette...

Eve wie machsch es du met de Gschänkli? Schriebsch no öbis uft Iladig? Das esch be "eus" not Frog...Wenn mi Ma sech äntlech wörd entscheide weles Sätzli uft iladig zschriebe hätti sie scho längst drockt!

Für den Fall, ihr wollt dran denken, mir eine Kleinigkeit zu schenken.
Macht es euch doch nicht so schwer, legt einfach ein paar Taler ins Kuvert

Wer meint, er müsste etwas schenken, braucht übers "wie und was" nicht nachzudenken. Statt des Geschenkes nehmt ein Brieflein klein und legt uns einen Taler rein.

Damit das Geschenke suchen nicht wird zur Qual, ist Geld die allerbeste Wahl

Geschenke tragen ist sehr schwer, drum nehme ich gern ein Kuvert!

Ich brauche keine Blumen, im Garten wachsen viele, ich brauche kein Parfüm, kein Handy, keine Spiele. Doch etwas Geld, das wäre toll, ich brauche nicht sehr viel, dann wird mein Sparschwein voll.

Oder hed vo euch no öbert e Idee was mer chönt dri schriebe?