@Dandi: Wir suchen kein Zuhause auf Zeit, sondern ein komplett neues Daheim. Es ist einfach nicht zumutbar mit Schimmel zu wohnen und dann auch noch mind. 6 Wochen das Zuhause verlassen zu müssen.

Ich drücke dir trotzdem alle Daumen, dass du nächste Woche positiv testen kannst. Beim Arzt ist ja in der Blutabnahme damals kein auffälliger Wert rausgekommen, oder?

@valey: Im Inseratetext ist gestanden, wie kinderfreundlich alles ist. Da ist doch ein Paar mit Kind ein guter Mieter, oder? Ausserdem müssen wir ja sogar noch die Wohnung wegen der Renovation verlassen... Vielleicht läuft es ja über die Mitleidsschiene

Aso alli wo sich beiflusse löhnd vo negativ Sache sötte das gschiiter ned läse wasi jetzt schriebe, wet ned no anderi abezieh, aber s beschäftiget mi mega.



S sind eifach diversi Sache, einersiits Beziehige wo keini meh sind nachdem d Chinder paar Johr alt sind, die erste sind sich scho wieder am trenne, und denn het mir am Friitig no eine gschriebe wo jetzt ganz früsch im Mai Papi worde esch und het gseit er sig mega unzfriede und sini Frau gfalli ehm sit de Geburt eifach nüm sie machi ehn voll nüm ah (eifach zum säge, sini Frau het e super Figur, esch also ned irgendwie 30 Kilo schwerer oder eso!), weiss ned das het mir eifach no de Räste gä. S schockiert mi eifach irgendwie will ich das nie dänkt hät. Has mim Maa verzellt und ha denn gseit weisch als Frau hesch ächt d Arschcharte zoge, döfsch monatelang Zuesatzgwicht umeschleppe und Geburt duremache etc. und denn als Dank bisch nachhär abgschriebe, hani ächt Müeh demet.

Guet mues säge uf das bezoge trau ich mim Maa so öpis überhaupt ned zue, er esch ganz e andere Typ Maa und ich bi sicher dass er mi nie wörd loh hocke will sich mi Körper veränderet, aber s esch mir trotzdem voll igfahre. Und ebe au die viele Trennige wo grad laufe, die Chinder tüend mir eifach au so leid und ich froge mi wie händs die Lüüt nur so wyyt chöne cho loh und sich eifach überhaupt nüm um d Beziehig kümmere. S passiert leider schnäller als me dänkt dass me sich usenand läbt und vor dem hani e riese Respäkt.

Hei so cool wäge de Doppelhuushälfti, das wär jo super !

jöö valey, das hesch jetz aber ganz schön gschribe. eg cha das würklech nur unterstriche wo du seisch.

eve, es git leider immer wieder so fäll wome mitüberchunt. aber bei dir und dim ma eschs doch wieder ganz e anderi situation. e dänke au, dass es wichtig esch, dass du dich uf euch konzentriersch und nid uf die andere lüt. wie d'valey au gschribe het, dänki au, dass bi dene lüt sicher scho vor de chind öppis nümme gstumme het. cha mir nid vorstöue dass so öppis eifach plötzlich do esch. das bahnt sich über johre a. dorum würdi säge, dass du dir do keni sorge muesch mache. dir heit enand jo gärn und das esch s'wichtigschte. klar gits au inere glückliche beziehig immer wieder öppe riibereie oder problem. aber das ghört eifach derzue und es esch haut eifach wichtig, wie mer dermit umgoht.
dänk doch eifach: zum glück esch das be eus nid so und mir si glücklich zäme. es bringt nüt drüber nochezdänke was chönt si wenn... denn erstens kommt es anders und zweitens als man denkt.

@Eve: Ohje, dass ist aber wirklich nichts schönes, was du da mitbekommen hast. Aber eben, es hat überhaupt nichts mit euch zu tun. Wir haben uns auch in den Ferien gefragt, weshalb teils Paare im Restaurant gar keine Gespräche mehr führen? Es schien so trostlos zwischen diesen Parteien zu sein. Aber umso mehr könnt ihr es ja dann besser machen.

Ich habe auch Respekt davor plötzlich Mutter zu werden, oder den Wandel von Frau zur Mutter durchzumachen, bin aber der Meinung, dass man das als Paar schon noch steuern kann und auch weiterhin auf der Paarebene existiert.

@me: So, ich habe nun einen Besichtigungstermin am Sa abgemacht. Meinen Mann kackt das Ganze ja unglaublich an und das nervt mich so. Von wegen ich mag keine Besichtigungstermine, etc. aber in einer Schimmelwohnung zu bleiben, die man dann auch noch temporär verlassen muss, dass ist anscheinend kein Problem?!

Jo ich weiss es ned, ich dänke mir denn halt amigs au die Paar sind sicher alli mol devo überzügt gsi dass ehne so öpis nie wird passiere. Naja, me cha sälber nur versueche das besser z mache, ich dänke au wichtig esch dass me wörkli offe cha zäme drüber rede und sich ev. im Vornherein überleid, was me möchti mache damits ebe ned eso chunt (z.B. jede Monet mol eilei zäme wäg zobe oder so). Ich wirdes gseh, wie d Dandi gseit het me weiss eh nie wie's chunt das stimmt.

@snet: wieso schissts denn di Maa so ah? Wär doch viel besser wenn dir schimmelfrei wörded wohne und ev. hätte dir denn sogar chli meh Platz?

Wäge minere Geburiparty gohts super vorwärts, mir sind flissig am plane für d Deko etc. aber glaube s chunt ächt guet, am Mittwoch gömer nomol i Ruum wo mir miete und tüend alles usmässe damit mir wüsse für wo mir überall Deko bruche, ich freu mi mega .

@eve: Weil er einfach keinen Zusatzaufwand möchte. Er hat lieber eine Wohnung die nur 93m2 gross ist, von Schimmel überzogen und sonst auch in einem doofen Zustand ist, statt sich auf die Suche nach etwas Neuem zu machen. Und erst recht hat er keine Lust irgendetwas zu zügeln.

Mich nervt das einfach ganz entsetzlich, vor allem auch immer wieder diese Ermahnung, ich soll alles locker sehen. Das nervt mich am allermeisten! Und wir brauchen definitiv mehr Platz!