lilly, du hesch scho rächt. e dänke allzu lang sött me nid warte. eg ha im dezember die nochschti kontrolle bi mim fa und falls eg bis denne noni schwanger sött si, wirdi das thema uf jede fau aspräche. er weiss jo au, dass eg möcht schwanger werde und e glaube, er wird das thema sogar selber aspräche.

eg ha aso mis chleid au noni lo reinige. no schlimmer: es hanget immer no so am schrank, wien egs nach eusem hochzit ufghänkt ha

glaube oft wend eim d FA au bez abspiese ond wend no warte met undersuechige. aber i fende au, eventuell eschs jo wörkli nor öpis ganz chlises wome liecht cha behebe, und de wers schad wenn me ziit und nerve verlührt...
ha neulech grad es Podcast glost vomene paar wo lang nach de ursach gsuecht het. bes de usecho esch dass d frau eifach e schlechte bluetzuckerspiegel het. und das het me eifach met emne tablettli chöne reguliere. und das esch de ganz grond gsi!

hihi, dandi, i ha mis chleid emmerhen ipackt :D aber ade töre hangets glich emmerno.
aber gleb es geht so en Weisheit, dass es glöck brengt wenn mes 1johr ned loht lo reinige!

i wets scho lo reinige (wiso au Emmer ), aber i müsst halt mol mis füdle ufe becho...

muss sege die ussga esch au ergendwie doof. es heisst jo Emmer, bes zomene johr sig "normal". unbewusst macht me sech dur das jo scho mol druck. well me doch denn denkt, aso alles wo öber das johr use goht esch ned normal... :/
am wochenend het mer mini cousine au öpis verzellt zo dem Thema. wosi förs erste chend güebt hend, hend sis mega locker gno und de hets superschnell nach 4mt scho igschlage! si send de mega happy gsi und sehr selbstbewusst! wos oms 2te gange esch hend si genau welle e bestemmte abstand zwösche de chender. und wi gseit wells jo bim erste mol so tifig klappet het, hend si denkt si chöne das jez genau berechne so dass es denn "stemmt". und denn hets öber es johr duret bes es igschlage het. si het gseit, bim erste hend so sech absolut ke stress gmahct und bim 2te hends Emmer em hinderchopf gha dass doch ned zvell abstand zwösche de chender döf si. und si esch sech secher dass es dorom länger duret het. aber ebe das esch so eifahc gseit "mach der ke drock".... debi esch das doch öpis vom shwerigste öberhaupt. chasches jo ned abschalte... und i glaube das muss me jo au ned, vorfreud esch jo öpis schöns!

jo es esch schad esch das so es tabu Thema. well es geht soo vell paar wo Problem met dem hend. und wenn das bez bekannter wörd werde, de wösst me ebe dass es ebe ned "normal" esch dass me innerhalb vo paar mönet cha es chend züge...
ha am wochenend grad vomene bekannte päärli vernoh (aber au nor öber 2 egge), dass si set 3 johr dra send. und i vermuete au dass de brüeder vo mim ma und sini frau au scho sehr lang dra send (i gspühres a ehrere Reaktion vo mini Schwangerschaft)... drom fendis toll wenn öper do offe cha dröber rede. denke mengisch nome scho wenns usgsproche esch helfts eim. so höre au die nervige froge uf denki!
de arbetskoleg esch set 3,5 johr am üebe met sinere frau (set 2 johr in behandlig die KiWu Klinik). und erst vor paar mönet hend si sech Familie und frönde avertrout. ond er seit er hetti das scho vell früehner selle mache! es heigi so guet do entli ehrlech zsi zo allne und d lüt trampe so au nöm i fettnäpfli bi ehne...

nei i het d chraft au ned zom 3,5 johr de weg zgo ganz ehrlech! aber i glaube es esch nie falsch wenn me sech scho vorher gedanke macht wie wiit dass me wet go! mer hend das scho vor de hochzit sehr oft besproche. was mache mer wenn mer kei chend chöne becho? wie wiit wörde mer go?
wasi gwlsst ha esch, dass mer ganz secher ned ohni chend chönte lebe. aber för eus eschs nie wechtig gsi obs die liibliche send oder ned...
mi arbetskoleg het ebe gseit, ehne eschs sehr wechtig dass d chend liiblich send, de hends lieber kenni as adoptierti.. aber ebe wechtig esch, egal wie me do dröber denkt, dass beidi di glich istellig hend. soscht esch de weg secher sehr schwerig förd bezihig...

mir hei au scho drüber gredt und mir hei gseit, dass mer gärn chind möchte aber nid um jede pris. wenns de haut nid sött klappe, de hets haut eifach nid söue si. und es chind adoptiere chunt für eus nid in frog.