sorry, wänn ich mich da ine mische... aber mängisch studieret d lüt gar nöd sowit!!! ich weiss das, wil ich au sone fettnäpflihüpfer bin... ich ghöre zu däne lüt wo immer en dumme spruch mached, und zbsp. au bi lüt wo hüratet au mal en spruch gheie lahn: "und wänn ichs jetzt sowit"? da gahts mir aber nöd drum, zum öpper blossstelle oder z nöch trätte, und bi mim umfäld, bezw. bi mine fründe isch das au nie es thema gsi... (ämäl nöd dassi wüsst)... .

han zbsp. e fründin wo vor 2 jahr ghürate hätt, am hochzit hätt sie immer wieder uf eusi dumme sprüch gantwortet: dass das dänn nöd so schnäll gaht oder planet isch... puff, es paar wuche spöter hätt sie eus dänn verzellt, sie isch schwanger. und da sind natürli die dumme sprüch cho :) aber für sie hätts gstumme und drum ischs ja au guet so.

mängisch muen mer versueche, au wänns schwierig isch, nöd alles persönlich z näh... mer macht sich süscht nämli nur s läbe unnötig schwer. ich weiss, isch nöd eifach und vorallem wänns eim sälber betrifft unds nöd klappet (was mer übrigens meeega leid tuet!!). ich chan dä wunsch verstah und würd i sore situation au zu dä anderne säge: "setz dich nöd so unter druck" aber ich weiss, es würd genau nix bringe, sondern nur s gägeteil bewürke und das ganze no schlimmer mache... .

ich mein, wänn mich d lüt fröget, säg ich halt eifach: ide nächste paar jahr dänn... wil schliessli machts ja kei sinn, dass zwei chind es eigets chind überchömed... :) ich bin halt au - wänni ahgsproche wird, wili doch jetzt au scho mit mim fründ über 5 jahr zämä bi und mir verlobt sind - sehr schlagfertig und find dänn immer: "ja irgetswänn dänn, wänn mer no gaaanz viel sache erlebt händ unds gfühl für eus passt"
dänn lönd eus eigentli alli in rueh ;)

ich wünsch eu würkli, dass dä wunsch vom eigete chind in erfüllig gaht!!! versueched positivs dänke, und ebe, jede tag sex isch au ke schlächti möglichkeit ;)

ich hoffe, ihr nähmed mir mini direkte wort nöd bös... ;)
klar, ich find au so sprüch vo schwangere teilwis zimli unahbracht, vo wäge: "was dänksch, wänn mich mitm buch gsehsch"? sorry, wänn sie ja scho weiss, dass du dir das so sehr wünschisch, gaht das gahr nöd. für mich tönt das eher nach "unter-dnase-ribe" so nachem motto "ätschibätsch"... ich mein, was wöttsch uf so öppis antworte? ich würd a däre stelle dänn glaub so öppis säge, wie "weisch, mir gahts super, ich hohl jetzt grad mal en schnaps und bin grad e grossi reis am plane" :)

ich wünsch eu alles gueti!! und kopf hoch... wänns eu zfest närvt bi däne lüt, säged doch eifach "gaht dich gar nünt ah" :)

Jö dir sind mega lieb danke vilmol für d Ufmunterig s goht mir grad besser .

Jea danke au für di Text, aso ich cha jetzt nur für mich schwätze aber bi mir esch ned s Problem dass ichs i dem Sinn persönlich nehme, es macht eifach es Stück wiit weh wenn me s Gfühl het jetzt mues me öper abwimmle wo eim es mega privats Thema a Chopf rüehrt will me ned jedem wot verzelle jo ich hät gärn es Chind aber es klappt ned. Denn mues me quasi e Usred finde ebe nachem Motto jo mir nähmes easy s geht denn scho mol Chinder aber ned grad jetzt, debii het me jo die Istellig ned sondern me wet mängisch am liebste loshüle und säge jo verdammt ich hät gärn eis aber s schloht ned i. Glaube das esch das wo so a eim afangt nage, s quasi müesse de Wunsch verlügne nach usse damit me ned no meh bombardiert wird. Weisch wasi meine? Aso emel bi mir eschs eso.

Zuletzt bearbeitet am 24.09.14 14:40

eve, danke für dini erklärig... han ich scho vermuetet, dasses um das gaht. aber das wäge "usred" oder verlügne find ich jetzt überhaupt nöd... wil wänn mers vilicht gäg usse so seit, nimmt mers innerlich mit dä ziit au chli lockerer. aber - weiss jetzt nöd, obi es durenand mach - ihr sind ja würkli noni lang am üebe, oder?

ich verstah, dass dir mängisch wäg däm zum brüele isch... mire meinig nache gitts da eifach drü möglichkeite:
1. entweder du stahsch däzue, dass ihr zwar am üebe sind, und seisch halt uf so ussage, "ja ich will chind, und leider klappts bis jetzt nöd, aber das chunt schono... "
2. du seisch "sorry, gaht dich nünt ah" (vorallem bi bekannte, bi fründe würdi klar ufs 1 tendiere...)
3. du seisch halt würkli: "ja, irgendwänn dänn mal".

klar chunts da au immer ufd person drufab, aber ich wär halt dänn eher die, wo ufs 1 tendiert bi mine fründe und ufs 3 bi däne wo nur bekannti sind, aber weder kollege/fründe no familie.
und wäns halt immer wieder fröget, würdi halt säge, dass dänn das scho kommuniziersch, wänns sowit isch.

durch ebe dass du dir soviel gedanke machsch und soviel glöcheret wirsch, setzisch du dich nohmeh unter druck und sorry dassi das säg: das CHAN nöd guet cho... . versuech, wie die andere scho gseit händ, dich andersch z beschäftige und vilicht au ebe mit dä FA mal z rede, wänns di so fertig macht. wil nix isches so wärt, dass du dich so quälsch! ich wünsch dir würkli vo herze, dasses bald klappet... .

ich persönlich han no kein stress und ebe, zerscht wird mal im 2016 oder 17 ghürate und dänn irgendwänn mal chind... aber ohni stress (haha, sägi jetzt no... vilicht änderet das dänn au ;) ) .

mini istellig zum läbe, wases mir sehr vereifacht hätt die letschte jahr: es hätt alles sin grund und jede sin wäg. klar chan mer mängisch e abzwigig verpasse, aber s ziel bliebt glich s gliche. ich bin dä meinig, dass alles ufe art vorbestimmt isch.

was ich halt au immer schlimm finde, dass meistens die, wo sichs nöd so wünsche, schnäller chind händ, wie die, wo's die gross erfüllig isch...

Ich finde das ist Quatsch mit "es funktioniert nicht, wenn man sich unter Druck setzt". Ich bin ja das lebende Beispiel für die Antithese. Obwohl ich mir vor dem Üben schon Druck gemacht habe und es ja dann aufgrund der FG immer nur noch schlimmer wurde, wurde ich trotzdem immer im 1. ÜZ schwanger.

Das einzige was man halt positiv beeinflussen kann, ist dass es einem psychisch besser geht. Aber auch heute werden Frauen in Kriegsgebieten unter den widrigsten Umständen schwanger und das dürfte dann ja rein psychologisch auch nicht gehen...

eve, das miteme projekt, findi e super idee und wird dir sicher au mega viel gäh, so dass du dich mal wieder chli ablänke chasch, dänn passiert s andere vo ellei :)

wiiterhin viel spass und vorallem glück!!

ja, finds au schlimm, han i mim fründeskreis 2 fäll, wos länger gange isch oder gar nöd klappet hätt...
die eine händ nacher dänn welle es chind adoptiere, aber mit dä ganze untersüech und alles hätts dänn plötzli gheisse, dass sie z alt sind. DAS findi gaht au gar nöd! vorallem wil sie au gseit händ, sie müessted nöd es baby adoptiere, sondern würded au es grössers näh... aber nei, kei chance. isch zwar in östrich gsi, aber trotzdem. isch eifach huere härt...
die sind dänn zerscht mal es paar mönet go reise und händ alli ihri zält abbroche, damit sie wieder chli zur rueh chömed und das ganze chönd verarbeite... DAS wünsch ich niemertem!

ich han mit mim partner au scho drüber gredt, was isch wänns nöd klappet und mer sind eus zum glück au einig, bezw. chönteds eus im moment vorstelle, es chind z adoptiere, aber au das chan sich im lauf vo dä jahr wieder ändere... im moment isch das eifach eusi istellig. ich weiss, ich würd nöd bis zum letschte gah mit künstlicher befruchtig und so... untersueche lah, klar, das würdi scho mache, wänns nachere längere ziit nöd würd klappe. aber ich würd nöd min körper völlig kaputt mache und mich sovielne sache ussetze. aber au das muen jede für sich sälber entscheide!

Ou Jea das esch jo au e mega krassi Gschicht mit dem Paar, das esch jo voll die Härte !

Aso mi Maa und ich sind eus im Momänt au einig dass mir eher wörde adoptiere als künstlichi Befruchtig, willi weiss wie heftig das cha wärde, aber au do muesi säge kei Ahnig wie sich das no chönt ändere falls es jetzt tatsächlich Johrelang ned wörd klappe.