aso ebe wenn mi ma oft gschäftlich weg wer, denn wer das bi eus secher au anderst glaubi!

aso gnüsse chanis scho wenni met minere fröndin öpis mache. well ebe met enre fröndin redet me denn halt au mol öber Sache wome metem maa ned so redet. oder halt wenn eim de maa ufgregt het esches schön bez dampf abzloh und zghöre dass sech d fröndin mengisch au öber ehre maa ufregt oder so. denke das mache jo d manne amigs genau glich au wenn si zeme send

Guete Morge Zäme

Ou Himbi demfall willkomme im Club vo de Üebende Gäll s esch ächt komisch, fast vo hüt uf morn dänkt me doch jetzt beni parat jetzt wetti es Baby. Mir gohts hüt scho viel besser, mini Periode söt gli verbii sii und PMS esch dementsprächend nüm so schlimm. Das esch z.B. au öpis woni früener nie gha ha, velecht chli Buchweh oder so aber ich bi nie es närvlichs Frack gsi nur weli Periode gha ha, sit ich d Pille nüm nehme eschs amigs ächt e Katastrophe, mi arm Maa .

Wäge Ferie ich gange au gärn mol ellei wäg, ned grad unbedingt e ganzi Wuche will ich i de Regel nie vörigi Ferietäg ha haha aber z.B. im Sommer gangi amigs as Moon and Stars 2-3 Täg mit mine Schwöstere und mine Cousine, so Sache sind mir mega wichtig und finde das tuet mim Maa und mir amigs guet (er macht amigs au mol Wucheändwyys öpis elei). Ich bi öper wo viel Freiheite brucht sust fühli mi igsperrt und denn drülli dure *g*.

Phu wet au gärn id Ferie, mir händ im Oktober e Übernachtig buecht i de Seerose, mir händ ebe uf d Hochzyyt e Guetschiin für sones Romatikspecial übercho, freu mi mega . Sust esch grad ned so viel plant Feriemässig.

Ich wörd gärn nächst Johr ev. mit paarne zäme e Finca miete in Mallorca oder eso, het do per Zuefall öper Erfahrige demet / Empfählige?

haha ja elea, ich has echt au komisch gfunde, es isch ziemlich vo hüt uf morn plötzlich gaaaanz dringend worde mit dem baby... aber ich ha mi wieder beruhigt jetzt

das isch ebe au öpis wo mi am afang so verruckt gmacht hät. ich ha ja mit de pille jahrelang nie PMS gha und plötzlich hät mir s chrüüz meeega weh tah, d brüst, de buuch, eifach alles... und das zwei wuche lang. aber lustigerwiis isches im zyklus druf wieder ganz anders gsi. das findi halt au komisch, dasses irgendwie jede monet anders isch im moment. uf nüt cha mer sich verlah... hahaha.

ich ha sehr gueti erfahrige gmacht mit airbnb. mir sind det inere wohnig gsi dasjahr, halt in palma, aber es hät sehr viel cooli agebot gha. ich würd det mal stöbere. ich ha au italie nächst jahr det buecht.

Haha jo die doof PMS aso ächt vorhär mit Pille hani ehrlichgseit amigs für mich chli dänkt mein Gott hei die Fraue söle sich doch chli am Rieme risse cha doch ned sii so doof go tue, und jetzt Klugscheisser-Karma wo zueschloht und ich die voll Breitsiite PMS abbechome *g* .

Bi mir esch au jede Monet sit ich d Pille abgsetzt ha Andersch, im erste Monet hani so Brustweh gha dasi ned ohni BH ha chöne schlofe und immer so e mega komische Zuug im Buuch (det hani ebe gmeint jetzt beni scho schwanger), de nächst Monet hani gar nüt so gha, aber immer Lust uf mi Maa, denn de 3. Monet wieder öpis anders mit gar kei Bock meh, denn wieder de Monet druf wie e umkehrte Händsche in Teeniestimmig, eifach total dureknallt. Esch krass wenn me merkt was so Hormon alles durenand bringe chöne und unterdrücke!

Jo ich durchstöbere au grad s Internet im Momänt wäge Fincas, s het vieli Siite aber s esch no schwer bi dene viele Agebot de Durchblick überzcho.

die letzte zwei mönet sind au wieder besser gsi bi mir mit PMS. aber genau de monet wo mer s erst mal würkli "probiert" händ isch am schlimmste gsi, ich ha natürli au scho halbe denkt ich seg schwanger... jetz nimmis eifach wies chunnt. ich ha afang november no en termin bimene neue frauearzt und denn luegi mal was de seit, find min monsterzyklus jetz au nöd grad lustig...

oh garte und so isch doch super, 105 dunkt mi gar nöd so chli und en garte isch mega viel wert!

Guet Snet mich dunkts s chunt amigs no mega drufa wie denn d Wohnig gschnitte esch, wenn d Ufteilig vo de Rüüm super esch denn chöne 105m2 sehr viel si. Und garte wär natürli super wäge de Chatz .