Hallo Zäme

Bi grad zrugg vo de FA. Ich mues bi de nächste Periode nüchtern de Hormonspiegel go mässe und sie überwiest mi für ne Spezialultraschall i Spital. Aber sie het gmeint es chöni guet sii dass de Körper eifach no durenand sigi vom Pille absetze aber sie welis trotzdem sicherheitshalber no loh aluege vom Spezialist, positiv esch sicher emol dass es nie Bluet debii het, aso hoffi jetzt eifach s esch nur e Störig durch das Hormon Uf- und Ab nachem Pille absetze.

So am Nomittag hani no e Sitzig und bi ev. nüm do inne, wünsche euch e schöne Tag .

hallo zäme

meld mi au wieder mal

manokasa herzlichi gratulation zu dinere zweite schwangerschaft :) so schön! wie alt isch dänn eues chline jetzt? also s erschte mir sind eus ebe au scho am gedanke mache wenn mer mitem zweite mal söllet afange üebe hihi ... wartet scho no es ziitli (dä luis isch jetzt 3 mönet) aber au nöd eeewigs! :)

himbeer, das muess imfall gar nüd heisse wegem nöd regelmässige zyklus etc. ich han au nüd gha, kei mens, NÜD und bin glich schwanger worde hätti au NIE dänkt !!! grad hüt hani en fa termin gha und hani sie gfrögt wie lang ich dänn bim zweite söll warte mit verbi gah (sie isch ebe uf hormon spezialisiert) und dänn hät sie gfunde dur das dass es s erschte mal relativ schnell gange isch söllemer eus dänn es halbs jahr ziit lah, aber nöd länger, sie vertröschtet nie uf es jahr / zwei! findi no guet ... hät aber au gfunde dass sie das mier jetzt so seit willi no recht jung bin, bi öpertem wo scho um die 35gi isch wür sie nöd so lang warte ...

sonne, schön z lesä das es dier / eu guet gaht :) machet sich eui mädels dämfall guet? huut ab (mit zwei) ich chönd mers däfür mit 'zweine' gar nöd vorstelle chch obwohl ich mir IMMER zwilling gwünscht han, aber jetzt bini froh hani zerscht mal nur eis vorallem wüsst ichs au gar nöd wie mache mitem ufnäh und umeträge !?! mir gheit amig jetzt scho fascht dä arm ab wenn ich euses schätzli z lang am träge bin (ok, er isch au scho über 6kg) geschweige den mit all däne sache womer jedes mal ipacke und umeschleppe muess :p

snet bi dier gahts ja voooll nüm lang!!!!!! bisch scho nervös? :)

@Eve: Das klingt doch ziemlich nach Entwarnung bei dir. Das ist auch toll, dass sich deine FA so gut um dich kümmert und dich sogar zum Spezialist überweist. Kann mir gut vorstellen, dass durch jahrelange Pilleneinnahme der Körper doch ein Momentchen braucht um sich wieder einzupendeln.

@Lilly: Du denkst schon an ein zweites? Ich bin überhaupt nicht gerne schwanger und fühle mich so kugelrund und hässlich. Von mir aus kann es gerne bei einem bleiben...

Ich bin noch gar nicht nervös, weil ich noch gar keine Zeit habe, mich mit der Geburt auseinanderzusetzen. Bin noch ziemlich im Schuss von der Arbeit her und das bleibt leider die nächsten Wochen noch so, ausser die Ärztin schreibt mich krank (ohje, dann bleibt alles ein wenig unfertig!).

snet:
ja mir sind zumindescht über s zweite am rede :) also muess natürlich nöd sofort si aber wend au nöd z lang warte! es chan natürlich wieder so schnell gah wie bim luis, muess aber nöd, das muess eim ebe scho au bitz bewusst si ... und min ma und ich wend beid kein z grosse altersunterschied vo eusne chind (also ebe, mer weiss ja nie wie was chund i däre sach) aber hät natürlich so bitz sini vorstellige mal luege :) ich hans ebe schön gfunde schwanger z si, han mich au guet gfühlt ... aber natürlich muess das au nöd heisse das es bim zweite glich si wird !? uf jedefall freu mi aber wenni dänn wieder schwanger bin, uf t geburt nöd so aber das ghört halt au däzue! ihr wend dämfall eher nur eis?

wür mer jetzt aber no bewusst t ziit für dich näh snet, tuen dich nöd z fescht stresse ... mach no alles wo häsch welle erledigt ha und wür mich gedanklich scho au bitz mit dä geburt usernandersetze ! danach gahts dänn ruckzuck und ihr werdet 24h beschäftigt si ;) mir hät das glaubs no ghulfe, han mer scho wuchene vor dä geburt intensiv gedanke gmacht und mier bewusst igredt das es jede tag sowiit chönd si, dänn hani wie kein 'schock' gha wo dä chli dänn cho isch! bi dier gahts ja nur no 4 wuche ... tuet dich dini fa nöd uf 100% chrankschriebe? ich han zwei mönet vorem termin scho es 50% zügnis gha und dänn schnell emal es 100% bzw. mit mim chef so veribart!

Lilly, eusi "chlii", s zweite vo de beide (2kg) hed d wehe ned guet vertreit. Und d geburt esch nor seeeehr langsam vorwärts gange (muttermund noch 9h immer no be 2cm). Geburt hätt also no sehr lang duuret und fürs zweite wärs eh no de grösser stress gsii wills ebe erscht als zweits draa gsii isch. Denn hend d ärzt zumene kaiserschnitt grote. Schiinbar hed denn die chlii au scho stuehl im fruchtwasser gha, es düütlichs zeiche dass sie stress gha hed. Luut chefarzt hätt sie ernschthafti schwierigkeite becho wenn mer die natürlich geburt wiiterzoge hätted. Ich be denn sehr froh gsii hend mer eus defür entschiede... Mine maa isch mir en enormi hilf und en super papi! Chuum zum glaube dass är chinder früehner am liebschte ned aglängt hed

Snet, ich finds krass dass du ned chrank gschriebe wirsch! Ich finde chli ziit für sich vor de geburt extrem wichtig! Und ich finds au wichtig, sich nochli z erhole!

Eve, ich drück der düüme dass alles guet isch und "nur" hormonbedingt!!!!

Gspüres immer no, aber ned schlimm. Was no gspässig isch, isch dassi kei gfühl ha a de huut rund um d narbe. Es ziitli lang esch das schiins normal, aber es send jo scho bald 6wuche... Naja, ha jo bald wieder undersuech bim fa...