@snet: momentan lässt es sich schlecht abschätzen, wie lange wir in der zwischenwohnung leben würden, vielleicht erledigt sich das thema ja in den nächsten monaten noch... wir halten einfach mal die augen offen und entscheiden spontan ;) meine ideallösung wäre ja schon ein direkter umzug von hier ins haus, aber das ist wahrscheinlich schon utopisch. es muss nicht unbedingt ein neubau sein, nein... vielleicht probieren wir einfach mal aus, wie lange die jetzige wohnung passt. und eben, der einzige umzugsgrund wäre die familienvergrösserung, und das ist momentan noch nicht der fall ;-)

Guete Morge zäme

Eve, das freut mi dass es bi dir nüt Schlimms esch. Das beruhigt extrem gäu. E kenne das Gfühl :-)
Eg mues nöchscht Wuche au no go e Ultraschall mache. Be jo gspannt wie das esch. Hi hi.
Ohh, du hesch morn dis Geburtstagsfest? So cool! Wird sicher e tolli Party. Mini Schwöschter het morn Geburtstag. ;-)

Mi Ma het au kabellosi Kopfhörer zum game Sini si vo Sony und si si aso au super!

Snet, das tönt unagnehm mitem Chöpfli vo euchem Büebli i de Rippi. Aber jetz gohts jo zum Glück nümme lang und de chasch du euchers Schätzeli i de Arme hebe und es drück nüt me i dim Buch

Himpi, das Truthahn-Esse tönt jo mega witzig. Fendi e cooli Idee. Eg ha au scho Truthahn gässe, aber dä esch chalt gse. Esch aber au fein gse.
Für d'Planig vomene Hus mues me sich scho gnue Zit loh. Mir hei ursprünglich jo scho vor zwöi Johre mou agfange, heis de aber wieder chli vertagt, wöu mer zerscht hei wöue hürote. De si mer im Februar 2014 wieder mitem Architekt zäme ghocket und so wies jetz usgseht, chöi mer im März der Ushueb mache und evtl. im Herbst 2015 izieh. Aso eg würd guet 1 1/2 bis 2 Johr rächne vo Afang Planig bis Umzug. Je nachdem natürlich au, wie schnell dass dir euch für öppis chöit einige, wie schnell dass der Architekt esch und wie schnell alli Igabe und so duregöi. Es esch wichtig, dass me sich die Zit nimmt, so dass me schlussendlich würklich sis Traumhus het. Mängi Sache mues me sich au guet überlegge und das brucht eifach Zit.

Mir hei geschter Besprechig mitem Architekt undem Elektroingenieur gha. Dört hei mer der ganz Elektroplan besproche, wo Steckdose häne chöme, wo Belüchtig usw. Esch astrengend gse aber sehr guet gloffe. Sithär beni wieder vöu positiver igstimmt und würd am liebschte grad wieder go Sache aluege und usläse

hallo zeme

Eve, das send jo super News!!!!! freut mi wörkli mega zghöre!!!!!!!!!!!!!!!!!!!!

mm himbi truthan! so fein!!! bi eus hets das mol a wiehnachte ge und sesch soo guet gsi (vorallem d föllig! ,mmmmmm!) :)

dandi, cool weg de besprechig gester! jez esch wie weder e schrett vorwerts! fende das mega spannend wend alles am huus selber chasch bestemme! bis zode lag vode steckfose! do macht me sech secher plötzli gedanke om Sache wo vorher gar nie dröber noh denkt hesch :) hoffe dass si de em märz chöne loslegge! ha höt ghört es sell e melde winter ge, das chiem euch i demfall jo grad entgege!!!!!

Guete Morge Zäme

Ich hoffe dir händ es schöns Week-end gha?

Dir glaubeds ned, aber ich ha am Wocheändi erfahre dass ich schwanger bi ! Bi fast hinde usekippt und chas immer nonig so richtig glaube, fühlt sich grad total surreal ah . Ich hoffe ganz ganz ganz fest, dass s Baby bliebt und alles guet goht, bi jo jetzt wörkli gaaaaaaaaaaaanz am Afang (allwäg jetzt denn medizinisch 5. Woche oder eso) und me seit jo s esch bis zum 3. Monet unsicher. Aber ich freu mi jetzt eifach mega und wot gar ned dra dänke das öpis chönt schief go, ich säge im Chline immer innerlich so machs dir jetzt gmüetlich und tue di guet irichte do unde . Bis jetzt hani gar kei Beschwerde, schmöcke echli besser als sust und bi eifach extrem müed, ha gester de ganz Tag gschlofe. Aber schlächt eschs mir zum Glück bis jetzt ned, hoffe das bliebt eso.

@Himbi: Hei ha euchi Truthahn Föteli uf FB gseh, het jo hammer usgseh !

Was geht's sust so neus bi euch?

Aso s esch eso gsi, ich ha jo am Friitig die Party gha. Denn hani am Morge dänkt ich mache sicherheitshalber glaub mol e Test eifach wägem Alk etc. am Obe. Mini Chatze sind scho die ganz Wuche so ahänglich gsi und immer bi mir a Buch gläge mit em Chöpfli und ich ha total wildi Träum gha, denn hani no dänkt ev. beni jo schwanger. Uf jede Fall bini am morge am 5i ufgwacht und ha nüm chöne schlofe und bi de Test go mache. Denn het me nur gaaaanz e fiine Streife gseh, ha denn ned gwüsst öb ich mir alles nur ibilde. Am liebste hätti mi Maa grad gweckt, hane denn aber loh schlofe und ehm de Test zeigt wo er denn ufgwacht esch. Er esch aber au ned sicher gsi öb das wörkli e Streife esch oder ned. Guet ha denn beschlosse dass ich eifach mol vorsorglich ned trinke zobe. Bi eifach de ganz Obe mit emene Cüpli i de Hand umegeloffe und ha chli dra gnippt, esch also niemertem ufgfalle . Am Samstig hani denn no e 2. Test kauft und de am Sonntig am Morge gmacht zums bestätige. Die doof Linie esch und esch ned cho, aber ich ha sit am Friitig sones Zieh und Drücke im Buuch gha und bi voll überzügt gsi dass ich schwanger bi. S het mir kei Rueh gloh und ha gfunde mues nomol e Test mache. Mi Maa hani ned welle wecke will er voll k.o. gsi esch unds erst morge am halbi 8ti gsi esch, aber beni is Auto und uf d Suechi nach emene Schwangerschaftstest. Ha diversi Tankstelle abklapperet ohni Erfolg und denn esch mir i Sinn cho dass d Apothek am Bahnhof am Sonntig au offe het. Also beni det het gfahre, ha mir e Clearblue gholt und no im Bahnhof ufs Klo go teste (voll gaga ). Uf jede Fall het de wieder positiv azeigt und do ich bis jetzt mini Täg ned übercho ha gangi devo us, dass dä gstumme het. Zobe deheime hämmer denn gseh, dass ufem Test vom Morge au ganz e fiine Striich sichtbar esch, aber am Morge hani dä nonig gseh.

Woni heicho bi esch mi Maa mega erliechteret gsi, er het wo er ufgwacht esch nur de negativ Test gseh und het dänkt jetzt hegis mir voll de Gong gä und ich sig irgendwie neume ane zum mi wieder fange *g*.

Eusi Party esch hammer gsi, d Deko und alles esch genau so worde wie mir's eus vorgstellt händ und d Lüt händ sich mega Müeh gä bi de Kostüm, esch ächt toll gsi. Eifach total sträng, aso ich hät am halbi 11i scho im stoh chöne ischlofe (ebe allwäg dur d Schwangerschaft). Aber mir sind denn am Schluss am morge am 3 is Bett.

Snet das glaub ich dass du langsam k.o. bisch dänke die letschte Wuche sind eifach immer mega sträng. S wird sicher chli komisch am Afang wenn denn so es Mönschli ume esch, aber wirsch gseh dir wärded euch ganz schnäll dra gwöhne und e Routine entwickle.

Dankeeee vilmol ich chas gar nonig richtig fasse . Eusne Eltere und Gschwösterti hämmers teilwyys scho gseit resp. säge mirs no am nächste Wucheändi will ich cha so Sache überhaupt ned für mich bhalte, und falls öpis schief söti go denn bruch ich mis Mami zum drüber rede, dorom hämmer gfunde ehne säge mirs scho au wenns no mega früeh esch.