Ui eve, härzliche glückwunsch!!!!! Hihi, chas au guet nochefühle dass es sich ned real aafühlt, aber das chunnt scho no! Wobii, mängisch dunkts mi hütt no irgendwie unreal, und die beide sind scho 8!!! Wuche alt und 4.5, bzw 3.7 kg schwär! Ich wünsch der alles gueti und e superschöni, beschwerdefreii schwangerschaft! Mine ss-test hed damals scho am tag nochem usbliibe vo de mens gaaanz dütlich aazeigt, aber schiinbar ischs au so dass dä wert wo be dene tescht ebe gmässe wird (ischs hcg?) be zwilling schnell höcher isch... Hui, cha mi no guet a dä momänt erinnere

Hey snet, bald z dritte! Wie ufregend!!!! Be mer hed mer währed de ss nüd gseh vo streife, de buuch esch eifach ultra gspannt gsii. Jetzt heds no viel vörigi huut und me gseht au dass sie um de nabel grisse isch... Jenu, überraschend ischs jo ned be dere monster trummle woni gha ha! Aber grad das wucheänd hend mer zwei persone gseid ich gsächi super uus hihi, super isch schwär übertriebe (ha nonie super usgseh) aber chli gfreut hed mi das komplimänt trotzdem es goht mer jo au supi

Zuegnoh hani i de ss 21 kilo, noch vier wuche sind no 3 devo übrig gsii, die halted sich jetzt aber ich mach au absolut kei diät oder so, bruucht nämmli scho chli energie, das mami-sii, sogar ohni stille. Ich fühl mi aber sehr wohl und freu mi wenni wieder darf afoh chli sport mache!

jo die erste 3 mt chöne eim lang vorcho. emo mer eschs so gange. i hamer de eifach igredet, es esch d Natur wo jez bestemmt und i muss vertroue druf ha dass alles guet chont, und wenn ned, de het d Natur en grond dezue gha...
ah jo genau de impfuswiis, stemmt! esch gar nondi lang her, und glich weissis scho nöm :)

jo i be au sone paranoidi met de ss-streife. debi eschs total doof, me het jo eh ke iflosss druf ob die chöme oder ned!
wow sonne, du hesch bes of 3kg shco weder alles donde? dasch jo de wahnenn! het secher au en ifloss druf dass du vorhr so sportlech gsi besch. emo i ha scho ghört de sig me schneller weder in form...

also mier isch es so ca. ab dä 9te wuche schlecht gsi ... aber nimm a isch au wieder bi jedem ganz unterschiedlich :) und muess nöd heisse dass es dier au schlecht si wird! viellicht häsch du ja das glück und wird där guet gah

chan das nur bestätige! euse chli isch am 3.12. scho 4 mönet unglaublich! isst scho sini erschte breilis (ja bin bitz frühe dra) aber er isch soooo en fress-sack nei er liebts eifach! und au suscht, mer entdeckt irgendwie fascht jede tag wieder öpis neus jetzt weissi warum all gseit bzw. immerno säget ich söll jedi minute gnüsse !!

he du wirsch dämfall au es auguscht baby uf t welt bringe chchch

morge zeme

eve, bi mer het d Übelkeit die 7te Woche agfange.
jo die angst esch gleb wörkli normal. ebe dass einigi si usprägter hend as anderi. i hami eifach di erste 12woche gar ned rechtig getrout mi zfreue. mini schwimu het mer mega früeh es buech gschenkt, i ha das abglehnt und gmeint si sells mer nachem 3te monet ge. welli Emmer sgfüehl gha ha i mole de tüfwl ad wand weni scho Baby Sache ha, abers no gar ned fix esch. aber ebe do goht jede anderst demet om.
snet wie gsehsch du denn die streife unde am buch. i verrenke mi Emmer mega aber i gseh det nöm dronder ond wenni e Hand spiegel nemme gsehni nome hoseabdröck (wid lilly) ond meine denn dass sends d streife
hender demfall jez es zügelunternehme gfonde ?
i ha gester zom erste mol i minere ganze ss de fa müsse alüte weg emne "wehwehli"... so doof, i ha as Teeny es buchnabelpiercing gha, aber has nach 2johr scho weder usegno wells mi gstört het. jetzt hani di letschte 10johr nüt me denne gha und jetzt die ss hani plötzli mega Problem demet. (Achtung grusig:) jetzt eiterets mer plötzli und dud weh. be voll gnervt und verstoh ned wiso da jez plötzli problme macht. ha denkt i ganges lieber rasch go zeige au wenni mer doof vorchome wege dem extra zode fa go (aber hamer de denkt, es send secher scho fraue weg döferem gange) so gnueg grüsligi Infos vo mer am früehe morge

öpe das gseht me:
https://www.google.ch/search?q=9+week+fe...=1&imgdii=_
aso wie es chlises erdnössli wo es herzli schloht
haha ev i het au sele dra denke e deal z mache metem bebe minere fröndin (si esch jetzt 18woche wiit) esch nie schlecht gsi und i ha ehre Emmer gseit si seg en glöckspelz. de het si Emmer gmeint ere wer gern schlecht, well si de wösst das es am Baby guet goht. de hani Emmer müsse sege schatzgottes du hesch keeee ahnig was du för en seich verzellsch

hesch du de stecker demfall au nöm denn? gell komisch!!! i has wörkli set 10johr (!) niemeh denn gha, ha denkt das sigi zuegwachse. i ha gester zobe aglüte und de het si gmeint i sell höt verbi cho unds zeige si müss es aluege bevor si cha sege wiso und werom. ha im Internet glese dass das schiins no öpedie vorchont das fraue die ss bez problme demet hend. weiss ned obs wegem spanne vode huut esch ke ahnig... aber natürli het de chlii höt es speziells bedörfniss Emmer grad bim buchnabel z boxe

jo das zieh hani au gha, am afang ganz starch. zerst vom ineschte und nachetene vode mueterbänder wo sech dehne. was am beschte helft esch Magnesium! das esch es Wundermittel gege alles hani gmerkt (wachstumsschmerze, Problem met de verdauuig, chrämpf....)
aber di ganze 9mt wersch es ned ha. das esch au weder mega underschedlich. i has vorallem im erste Trimester gha. em 2te eschs de nor no so all 2 Woche gsi dassi so wachstumsschmerze gha ha. ond jez hani set öpe 4 Woche gar nix me. esch sehr underschedlich. musch es aber as guets zeiche probiere zgseh!

jo das cha guet si dass es nie ganz zuewachst. esch jo sone stell wie bide ohre... aber ha nie probiert ob no öpis dorre goht oder ned... doofi jugendsünd