Valey, ech be au allgemein versicheret. Be jo denn vo friitig bis samstig (8täg) im spital gsii. Bis am mäntig z zweite im zimmer, mit ere ganz coole frau. Denn isch die hei und ich be ellei gsii. Wo sie denn öppert neus hend welle e mis zimmer tue hani gseid ich weig es einzelzimmer will ech gmerkt ha dass es mir guet tued chli rueh ha und für mich/eus sii... Ech ha de müesse 1000stutz goh hinderlegge. Schlussändli hed de das upgrade 200franke pro nacht koschtet, das ischs mer wert gsii!!! Aber im voruus hani das ned gwüsst unds eifach uf mech zue cho loh. Viellicht gnüssisch es mit andere fraue grad so, isch halt sehr individuell und abhängig devo wies der goht. Ech ha ziemlich de babyblues gha und ha eifach rueh brucht. Vor allem bini au körperlich extrem erschöpft gsii und de ischs eifach am beschte gsii so... Erkund dich doch mol ob das em spital womdu gebärsch au möglich isch?

Hihi emma, ech be soooo froh gsii esch de buuch wäg gsii, aber vermisses trotzdem mängisch au chli

Ah jo, ech find mer hend die schnusigschte, liebschte babies ever, wie halt alli eltere also ich find die beide macheds super, klar - au sie brüeled aber ich finds ned schlimm. Isch wohl aasichtssach, mine maa finds ned immer aber sie hend en guete tag-nacht-rhythmus und i de nacht e längeri schlofphase. Das isch meega! Aber es esch ned immer gliich... Wenn öppos lernsch mit chinder isch es glaub, alles vorewäg z näh, ned z gross z plane und dich immer wieder uf neus iizstelle

Snet, ich glaube wenn die merken dass du ausrastest, unruhig bist etc, dann geben die dir eh was. Mir war plötzlich übel. Ich sagte dann: mir ist schlecht. Zack war eine schale da und ein paar sekunden später sagte sie bereits: das sollte gleich besser werden, wir haben ihnen was gegeben

hallo zäme
jetzt hani au grad wieder bitz ziit zum schriebe :) (min chline schatz macht grad sies mittags-schlöfli)

snet: scho nöscht wuche?!? wow, das isch jetzt meega schnell gange :-) sooo schön!! sinder sicher scho mega ufgregt? ;) wies nacheme ks gnau si wird chani nöd säge (han ja spontan gebore) aber im kurs händs eus au gseit dass t babys dänn zum papi uf t bruscht gleit wird, segi wichtig, will s mami ja no zämegneit wird etc. ... bi mier händs dä chli natürlich sofort zu mier gleit und dänn zwar au no bitz umegwurschtlet a mier, aber das hani ehrlich gseit gar nöd wüki mitbecho

eve: die schmerze hani am afang au mega gha und han dänn au schnell mal magnesium becho ! dänk dänn fescht a dich am 19te :D <3 hät au wie du nöd länger chöne warte wär wahrschindli so e kandidatin gsi wo no schneller hät welle gah :)) hihi

valey: bin au allg. versicheret und han aber es einzel zimmer gnoh (würs au immer wieder so mache) choschtet halt bitz öpis ... aber mini überleggig isch eifach gsi, 1. isch es ja eineweg e völlig neui situation und han mer voll nöd chöne vorstelle wie ich mich fühle, wie ich mit dem ganze umgah wird etc., dänn hani dänkt isch sicher besser bini allei imene zimmer däzue ane chund no das min ma recht e grossi und luuti familie hät und drum hani dänkt störi so au niemert und nomal e überleggig isch gsi das wenn mis baby schlaft isch bestimmt s andere wach und umgekehrt haha also 24h geschrei :p s guete isch dänn au gsi das min ma am abig nachem schaffe cho isch und uh lang bliebe isch, das hät mer mega guet ta, so hämer au niemert gstört, wäri mit öpertem anderem im zimmer gsi, wär das bestimmt nöd möglich gsi! und am zweite tag im spital hani nämli so en 'afall' gha und SOFORT hei welle dänn isch umso besser gsi isch min ma bis spat am abig bi mier gsi, suscht wäri usgraschtet also das sind jetzt mini erfahrige gsi, zum glück sind nöd all glich

sonne: babyblues? schlimm gsi? vo dem hani au bitz angscht gha ... aber zum glück nüd gsi!
jöö mega herzig eui zwei meitlis sie machets ja dämfall richtig guet

Sorry zäme mues schnäll e doofi Frog id Rundi rüehre, ich bi grad schwangerschafts paranoid. Ha jo ebe sit am Friitig das extreme Zieh im Buch gha. Jetzt beni hüt am Mittag hei und ha einisch mega fest müesse nüsse, debii hets mir eis i unteri Rügge ghaue und sit denn hani det eifach mega Rüggeweh aber gspüre nüt meh im Buch ?! Findi so schräg, meine nur durs Nüsse esch im Baby scho nüt passiert oder?

eve, au wenn me s gfüehl het dass es s Baby mengisch waaaaahnsennig muss dorreschöttle, esches mega guet gschötzt em frochtwasser! det woni mol 2 Woche chrank gsi be und ghueschtet ha bes zom erbreche hend mer sogar d buchmuskle weh do vom ewige hueschte. hamer de au sorge gmacht, ond denkt das cha doch ned guet si förs chline. aber mini fa het mer versecheret dass es ganz guet gschütz esch und ehm nüt cha passiere!!! gleb du musch der kei sorge mache! speziell am afang hends jo no sooo vell frochtwasser om sech ome!

ebe gäll sonne han das au super gfunde! min ma isch immer uh lang bliebe und bin sooooo froh gsi !!! oke ... tönt gar nöd schön :( und chasch eifach nüd dägege mache, das isch s härte!! wird au mit dä hormon z tue ha dä babyblues, od.? aber s guete isch: es gaht wieder verbi :) wämers hät muess mer glaubs eifach a das dänke :) und uh schön vo dim ma hät er dich so guet unterstützt und so viel verständnis zeigt s einzig womer i dem moment brucht!

ah jetzt weissi wieder was no han welle säge bzw. min senf däzue gäh vermiss min buch also au es bitz ! jedes mal wenni e schwangeri gseh dänki: OU SOO SOO SCHÖN, WOT AU WIEDER chchch :) ja, freu mi richtig wenni dänn mitem zweite sternli schwanger si wird :o) <3 obwohl ich am schluss au froh gsi bin hani min buch los gha, vorallem s erscht mal wieder ufem buch schlafe, hach, isch das schön gsi, aber isch dänn schnell gange bis ichs vermisst han :p
mitem gwicht hani zum glück au nöd so mühe gha, han ja 14 kilo zuegnoh, aber nach dä geburt grad ca. 8 verlore und dä reschte dänn mitem stille au automatisch, han jetzt no 2 kilo meh als mis usgangsgwicht und bin meh als zfriede (ohni das mer öpis hät müesse mache) hani aber scho vo paarne ghört gha das es automatisch wieder verlürsch ... klar, wenn mer 30 kilo zuenimmt, dänn isch es wohl bitz schwieriger :/ aber au das bringt mer dänn ane! und irgendwie isch es au voll nöd wichtig findi natürlich isch es super fühlt mer sich schnell wieder wohl, abe ebe ... :)

ou mis schätzli verwacht glaubs !!
wünsch eu allne no en schöne nami ... gahn nachher no zu dä nachbarin go kaffi trinke