Hallo zäme

Au vo mir allne äs guets Neus, hoffe eu gahts allne guet! Mir hend ganz gmüetlichi Festtäg verbracht, euse chli isch es Engeli gsi und mir hends sehr gnosse (und natürli au zviel gässe!) er pläuderlet jetzt wienen grosse s isch so schön mit ihm zspiele und zschwätze, er isch sonen Sunneschii und scho bald 4 Mönet "alt".

Ui elea, bi dir gahts würkli nüm lang, sich mär gar nöd bewusst gsi d Ziit rast eifach! Wünsch der ganz en guete Endspurt, gnüss di letzte paar Wuche mitem runde Buch und dis Schätzeli wo sich mit chline Lebensszeiche meldet und ich verstahn di absolut, wür au gar nüd riskiere und lieber en plante KS vorziehe... s wird alles guet cho, freumi scho uf din Bricht!

Jöö sonne, so herzig und so guet wie's dini zwei Mädels machet... super dass das so guet klappet im Synchron euse het au sehr frühe agfange dureschlafe, hans mega gnosse.. jetzt isch er am zahne und d Nächt sind wieder bitz astrengender worde, aber es ghört halt au dezue und wird bestimmt wieder besser :)

Ich gahn morn s erst mal id Rückbildig, bin gspannt... kenne d Hebamme wo's leitet no vode Schwangerschaft her und sie isch sone tolli, drum wird's sicher cool (aber au astrengend, han ghört dases gar nöd so eifach isch)

Hallöchen zäme! Rückbildig esch cool gsii freu mi scho ufs nöchschte mol!

Elea, ech verstoh di, hätt mer au en natürlichi geburt gwünscht aber wos denn em zweite baby ned so guet gange esch, esch das alles gar nümm wichtig gsii. Ech be eifach glücklich und dankbar dass die zwei gsund und putzmunter sind. Mi maa und ich hend zwor gfunde wenn d vorussetzige für e normali geburt guet sind denn mached mer kei plante ks, aber mir sind eus einig gsii dass mer sofort ks mached wenn irgend es risiko würd bestoh. Mine maa hätt en plante ks au understützt wenn ich das hätti welle. Ich find dini iistellig super und wünsch der jetzt scho nume s beschte für de ändspurt und de grossi tag!

Ech goh hütt wieder mol eusi zwärge goh mässe usw. Be jo gspannt ob die chlii d 5kg marke au scho knackt hed

Wow elea, das isch jo unglaublich was für es aaa...!!! Los uf dis gfühl!!! Ich persönlich würd das NIE riskiere. Isch doch en riesetölpel wenn er ned uf euch iigoht und euchi bedänke ned ärnscht nimmt!!! Würd au uf d fa lose, und allefalls sogar s spital wächsle, wenn das nötig isch... E mim spital gsähnds das übrigens gaaanz anderscht... Loh di ned verunsichere!

Hallo zemeee

Ui elea uere doof daser so gredt hed... Klar ish wichtig dass er ehrlich isch aber so euch halbe ōppis welle adreie wo ehr ned wend...

Ich wūrd au keis risiko welle igoh und wūrd au zu KS tendiere i dere situation. Losed uf eues gfūhl... Und schlussendli tūend ehr entscheide...


was macht mer eig. i de Rūckbildig? Ha do zum erste mal was defo ghōrt... Mues me das mache? :-/ hani ned gwūsst...


Ha no en anderi frog... Hend ehr en muetterpass becho? Ich lese im internet emmerweder vomene muetterpass aber ich han das gar ned :-/

Dankeeee

Huhu zäme! Loh wieder mol es grüessli do und hoff es goht allne guet! Mini ladies mached grad es verdauigsschlöfli und ich mach mi as badputze

Wow elea, endi nöchscht woche!!! So schön, denn dörfed ehr euches büebli bald i de arme ha!!! oh, ziit rast, jetzt isch es be der au scho so wiit. Mir chunds vor wie geschter womdu gschriebe hesch dass ihr nochwuchs erwarted!!! Ganz e guete räscht no!!!

Wägem putze: putzwahn würdi dem ned säge, aber mit zwei babies no zum hushalte cho isch ned ganz eifach. Darum muesch ihri näppli-pause nutze wett no jed "vergrüüsele" und im staub versticke