also vom 7ni/8ti bis am 6i am morge, a eim stuck, schlafter erscht so sit endi 4te / afangs 5te monet ... vorher ischer IMMER ca. um di 3 cho, für en shoppe :)
dä tag dur schlafter ebe gar nöd so viel (ussert ht hätter vollgas gäh) meischtens am morge um di 10ni ume e halb stund, dänn am mittag nachem esse öpe 1 stund und am spate namittag nomal e halb stund! wämer aber go laufe gönd, id läde oder so, nickter dänn im chinderwaage au no chli i aber viel isch es dä tag dur nöd grad, hätter aber scho immer so gha, isch keis baby gsi wo mega viel schlaf brucht hät dini meitlis??
ja gäll, t wuche rast a eim verbi - unglaublich!! danke vielmal (weg dä taufi) :-* hanem geschter no es schöns outfit zäme pöschtelet hihi wird dänn e flüge alegge wenn händ ihr dänn taufi plant? bi eus wirds aber nur im chline chreis si (eltere und gschwüschterti) däfür machemer dänn im summer a sim erschte geburi es grosses fescht mit allem drum und dra
wow, mega super vo dine mädels, sie machet das ja wüki meega guet, sooo schön !!!! ischmer dänn richtig stolz uf die chline, gäll? :)

Jö lilly, mit flüüge so härzig! Mir taufed mitti märz. Mit all dene gottis und göttis hend mer früeh für es datum gluegt mini schwimu hed jo immer vo glismete taufchleidli gred(schad gids keis kotzsmiley). Irgendwenn hani do gseid, ich findi das gruusig und ich leggi ihne denn eifach öppis härzigs, normals aa. Sithär gid sie zum glück rueh... Mängisch schnallt sie also scho ned dass mir inzwüsche im johr 2015 aacho sind mir hend eifach gottis und göttis und d family iiglade...

Eusi schlofed de tag dure immer wieder. Mol länger, mol chürzer. Ich find sie schlofed rächt viel... Aber wirklich so en rhythmus dunkts mi, hends am tag ned. Bim spaziere schlofeds meischtens. Am obe sinds denn alle rächt k.o. Ich glaube das duurt nochli bis mer wirklich chli en gfeschtigtere rhythmus hend. Mich dunkts das wächslet immer wieder chli, au wenns vo mir uus chönnti so bliibe jo, me isch alle wirklich stolz nur hütt morge hani müesse schimpfe be geschter in d rückbildig und mine maa hed sie müesse füettere und is bett bringe und er isch denn total gfruschtet gsii, hend beid mega wenig trunke und richtig blöd do mine maa stresst das alle mega, er hed mer richtig leid do, de armi

Hallo mitenand

Ohhh elea so schön, denn gahts würkli nüm lang freumi denn scho uf dini Babynews und wünsch der en guete Endspurt, s chunt alles guet und bald hender eues Schätzeli bi eu, sonen wunderschöne Moment!!!

Euses Böhnli het sich gester zum erste Mal vom Buuch uf de Rugge dreht sooo herzig, han mega Freud und er glaubs au, hanen hüt morge wieder uf de Buch ta und schwups het er sich mitemene riese smile drüllt und au mir sind ade Taufi dra, sie findet Endi März statt au im chlinste Chreis.. jöö lilly s Outfit isch sooo herzig, mir werdet wohl au ä Flüge montiere, hend noneini vode erste Hochziit vomer mitem gsi sind (vo Gotti und Götti) und bald fangemer mitem erste Breili a, nimmt mi mega Wunder wiener de Ersatz vonere Stillmahlziit ufnimmt ohhh ja d Zit flügt definitiv!!!

Do ech bem Thema Chend ned cha metrede halt es anders Thema:

Wohnig: Mer send au emmer chli am luege!
Eigentlech wäge Bauland aber im Momänt esch no nüt ome! Nöchst Woche chömer mou bi de Gmeind alüte ond froge wies usgsäch!

Letscht Woche hani en Wohnig gseh gha wo Neubou wär en 4 1/2er aber leider halt chli zwit wäg, mi Ma hät nocher 5 Min Arbetswäg ond ech 1h! Darum hani gseid mer warted no! Es wär zum gliche Pris wie die womer jetzt hätted! Aber halt es Zemmer meh! I dere Region womer jetzt wohned zahlt mer halt eifach en 1000er meh för es Zemmer meh! Ond das esch mer zvell bzw eus! Mer wönd ned nome go schaffe för en schöni Wohnig....

guete morge zeme

canoa, luege der de eifach em Ort woner jez wohnet wege bouland oder au bez die dörfer rechs ome?
jo da met 1h arbetsweg fänd i jez e zuemuetig! das wer mer veeeeell zwiit!

ou himbi, das tönt jo wörli fascht so as wörd nöm lang go bes ehr afönd plane wenn din schwiva scho en Architekt het guet di ganz planig und au de Bou cha sech jo recht zieh. so wie bide dandi, wos jo Emmer weder änderige ge het etc.

Guete Morge zäme

Mälde mi au wieder mou
Bi de Theme Wohnige und Bouland chani eher mitrede als bim Thema Chind

Canoa, aso 765.- pro m2 wär mir au ztüür. Das esch scho sehr vöu Gäld. Do verstohni aso guet, dass der witerhin umelueget. Wie vöu m2 möchtet dir de öppe?

Himbi, schön hesch au wieder einisch inegluegt. Das tönt spannend be euch wägem Hus. Planigsphase esch sehr interessant und me lehrt ganz vöu neui Sache. Freuet euch druf! Heit der de scho konkreti Vorstellige wie s'Hus söu usgseh? Eher modern oder lieber klassisch?

Eg freue mi, dass mir jetz de ändlich mou chöi go Sache ussueche füre Inneusbou, wie z.B. Plättli, Parkett usw. Das wird sicher cool!