| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 179 .. 355 356 357 358 359 .. 2058 .. 3757
10.07.12 14:22
CoRa 

Re: Bräute 2013

Ech hoff ich döf mich üchere Gruppe aschliesse
Han am 24.05.12 en wunderschöne Atrag becho.
Mir hürote nöchscht Johr am 12.08.13 nach genau a üsem 11. Johrestag und am 17.08.13 kirchlech Mer fröided öis rissig und üsi familie au. händ jetz scho mol der rum reserviert.
Mir händ unabhängig vo nag rüm gsuecht - damet jede sini idee/ wönsch chan ibrenge.
Ech han im internet sicher öber 300 rüm aglueget (ömu gfüehlti) und zwöi dervo händ mer gfalle.
Ond rotet mol, min schatz het genau die gliche 2i uf siner liste ka- wenn das ned es Zeiche esch :-)
1 Rum esch bereits vergä gsi (meine gütte! han dänkt mer sige 14 mönet im vorus früeh dra?!) und der zwöiti rum hämer jetz. im nachhinein hetsech usegsellt das dä perfekt zo üsem hochzitsthema passt Eigentli hättemer am usprönglech am 08.08.13 zivil und 10.08.13 kirchlech welle, aber well beid rüm usbuecht gsi sind hämer das äbä gwächselt. aber ou d'date sind im nachhinein besser. de nämmer de 12.08.13 wo so oder so scho üse johrestag isch grad au als hochzits datum

So liebi fraue, wönsche üch aune en wunderschöne tag!

liebe gruess
10.07.12 14:28
Lula 

Re: Bräute 2013

@Valeria: Wieso chunnsch Du dir blöd vor?
Müesstr oder weit dr soviu Lüüt ilade?

@CoRa: Härzlech Willkomme bi üs... Aber Achtung, sForum macht süchtig!!
Was heisst e wunderschöne Artag? Verzell mal. Mir si hie aui chli nöiigirig...
Weiss nit, obs scho gseh hesch, mir hei im fau ou e Gwundernaseliste...
10.07.12 15:57
haerzli86 

Re: Bräute 2013

Hey zäme!

Gits under üch au dettigi wo im 2013 nid nume hürate wänd sondern au ufene chugelrunde buuch hoffed?

falls ja de chömed doch is swissmom-forum bim "Baby & Hochziit - üses 2013!!" thread cho mitschriibe! Gibe üch d'Adi gern per PN!

Liebs Grüessli a üch aui!
10.07.12 16:09
Reebee 

Re: Bräute 2013

@MaLu
evtl. fragi mini cousine, aber erscht wenn alli strick riissed. i wart etz mal ab, für de moment ;)

@haerzli86
nope, definitiv kein runde buuch in planig ;) im 2014, 15, 16 usw. au nid :)
muesch mal luege, es hett glaub au i dem forum en separate teil für familieplanig u.ä.
10.07.12 16:39
CoRa 

Re: Bräute 2013

Lula, härzleche dank fürs willkomme heisse
Hihi, gwundernase dönt guet, bi au eini!
Bevor dasi das cha verzelle, muenni no paar sache im vorus zu mim frönd schribe. Är het vor ca 13 Johr vo sim grossvater bi üs im dorf am waldrand land geerbt (landwertschaftlechs). Uf däm land het ca 54 Nussbäum und no paar anger früchtebäum. Min fründ esch zemmlech en naturburst obwohl är im büroschaffet und im momänt im letzte Johr in witerbildig zum betrebsökonom esch.
Vor paar mönet het är mer gseit är möcht uf sim Land s'Holzbänli ersetze und zuesätzlech no en dreifuess grill chaufe dametmer mol obe chönd grilliere etc...
Am 24.05.12, bini de am obi hei cho und ha nüt anders welle als uf couch patato z'mache. Mini besseri hälfti hetmer denne grad en strich dör d'rächnig gmacht.

Ech auso, wenn muess si chummi haut met. Guet ufem land acho, böckt er sech plötzlech abe (de rögge gäge me) und ech froge waser im höche gras suechi?! Är meint är heig en blindschliche gse wonermer wett zeige *kreisch* ech hasse aues schlangeartige! I däm momänt geite ruf d'chnöi, het en schatule vom KURZ Schmuck ir hand, metmene wunderschöne wissgold ring und diamant. Deheter mi ganz ufgregt gfrogt öbi sini frau wett wärde ond met ehm dörs läbe go wörd, är liebi mech öber aues! *schluchz*heul* und JAAA!!! Är het mi denne zum Bänkli gfüehrt wo natüli s'alte und ohni grill gsi esch…derför het döte en chline bistrotisch ka, wiss deckt, metere rose und cherze drufe. Usem gebüsch heter en chorb gholt met champagner, lachsbrötli, parmesanmöckli - mega härzig. Und de heter no gseit, so, dass esch jetzt üses land sooo schön (ömu för mech)
und nomol sorry för dä Roman!
10.07.12 17:11
Reebee 

Re: Bräute 2013

wow, das isch ja voll romantisch i finds immer schön, wenn sich eusi manne so gedanke mached und ihri romantischi adere zeiged :)
10.07.12 17:22
MaLu 

Re: Bräute 2013

Mime:


at MaLu: werum isch de das datum nid guet? dr wäutungergang isch ja sowieso no das johr...

wie gross si euchi hochzitsgseuschafte so, weni frage darf? u de gits no vüu lüüt vo vereine oder so derzue?



nei z datum isch äbä guet, aber üsi location weiss no nid, öbs se nächst jahr no git....
mir si bim apéro ca. 110 persone und am abe när no ca. 60

@ lula, ja du hesch scho recht. mau luege, mir finde sicher e wäg..

@ valeria, isch ämu mega cool, sone riese gsellschaft z ha

@ Cora, herzlich willkomme

@ haerzli nei, i wirde im 2013 ke grosse buuch ha. de isch scho lang düre
de hesch du ja es mega-jahr vor dir. sooo schön! gratuliere!

Zuletzt bearbeitet am 10.07.12 17:23
10.07.12 18:03
Lula 

Re: Bräute 2013

@CoRa: Wow, so schön!!! Her er guet gmacht Din Schatz...

@Haerzli: Nee runde Buuch gits de ersch nach am Hochzyt...
10.07.12 18:18
Elise 

Re: Bräute 2013

CoRa, was für ein toller Antrag

10.07.12 19:14
Sterndli04 

Re: Bräute 2013

@ mime und Cora: Au es härzlichs Willkomme vo mir Ja, wär no schön, wenn ihr euch id Gwundernaseliste Bräute 2013 würdet iträge, mir si ja langsam scho so vell Und es gibt no en Treat "Brauttreff 2013". Mir hend dänkt, mir würdet eus gern mal träffe..

@herzli: Wenns nach mir wür gah, hätti en grosse Buuch, das isch aber nid im Plan vo mim GG De wartemer nochli.. Han au no i 5 Jahr Freud

Mir werdet sowohl am Apero wie au am Ässe zwüsche 60 und 70 sii. Mir hend nid nur Apèrogäst..
 1 .. 179 .. 355 356 357 358 359 .. 2058 .. 3757
Kollegin   Zeremonie   Zuletzt   himbeer   schnell   Problem   natürli   natürlich   Hochzit   irgendwie   vorallem   eigentli   gspannt   einfach   schaffe   wirklich   bearbeitet   langsam   richtig   eigentlich