Jo genau im Egger! Ech wär zwar is Wohncenter gange aber mi Ma hed i Egger welle!
Mer hends Sofa scho vo dete! Super Berotig gha!

Mer hend emmer nos Bett vo mim Ma wo jetzt öber 12jährig esch!
Darum esch es Ziit zum wächsle...freu mi werklech extrem ufs neue Bett!

Wäge de schwimu: jep, sie närvt. Au wenns mir leid tued und ich mängisch es schlächts gwüsse ha - sie nervt... Isch so en stürmi!!! Sie hed so ihri vorstellige, und wenns denn ned so isch denn stürmt sie ume, so läschtig. Sie hed no ned kapiert dass sich ned immer alles um ihri wünsch und bedürfniss treit. Biispiel: sie hed unbedingt welle dass mir mit de chliine sobald wie möglich zu ihre göhnd. Aber es isch halt ned grad um de egge und am aafang hend mer das eifach ned welle, wär nur stress gsii. Hed sie ned verstande... Denn darfi gar ned säge wie oft ich zu mine eltere, wo im gliiche dorf wohned, goh. Sie zählt glaub mit und isch denn mega iiversüchtig... Denn heissts: jetzt sind ehr mit de zwei scho zwei mol be ehne gsii, jetzt müend ehr zwei mol zu mir cho - voll chindisch. Wenn sie verbii chund denn gids sie obligate rotachläg, viele dank. Am aafang hed sie immer gseid, das seigi ned schlimm mit zwilling, ihri nochberi heig au und die heig dene eifach immer gliichziitig zässe gäh. Es macht mi jetzt no hässig. Ich be do wirklich a mine gränze gsii und irgendwenn hani sie aagschumpfe und ihre gseid sie sell mol ufhöre demit, das giengi viellicht be andere aber be eus ned, oder wie sie das würd aastelle wenn eini all drei stund und die ander all vier stund trinkt. Sowiit überleid sie denn ned, sie loht eifach so shit use ohni vorhär noche z dänke. Und am aafang bini halt müed und dünnhütig gsii und has ächt ned vertreid... Es gid no viel, viel so stories und es wird mer alle eifach z viel... Oder sie isch do gsii und denn isch sie näbe mir ghocket und hed mi aagafft wenni mol eini chli be mir gha ha zum kuschele oder so... Und wenni denn ufgstande be irgendwo hi höselet sie mir eifach noche... Sie meints ned bös aber inzwüsche närvi mi alle wirklich sehr... (Hihi, merkt mer viellicht bem läse)

jo stemmt, die USA hets genau Emmer serig bette! die send so kuschelig!
aber i be soo heikel met Matratze obwohl mi maa Emmer es neus bett / Matratze wet chaufe. mer passt kenni ossert die womer jez hend (die esch steihert)
s "doofe" bimene neu bett esch nor, dass me eventuell alles muss nue chaufe wenn me dgrössi änderet. zom glöck beni e Zwerg, de het mi maa gnueg platz em bett

lily, bi eus wörds au am flüssige schittere bimene eigehaim. drom mömmer do gar ned dröber noh denke :D

ha nor grad denkt, scho loschtig wimer em sommer alli met der lily met gfieberet hend und denn met de sonne ond denn met de snet. und nach mer chont de scho gli d valey dra... sell schön so witer go, bes mer e ganzi schuelklass zeme hend

Sonne, ech fends guet chasch di wehre, ech be det döre alle e rechtige Hösu!
Mini SchwiMu muess jo au emmer alles kommentiere ond allne Ort t Finger denne ha!
Ond es esch imfall normal das mer meh zo sine Eltere goht als zo de SchwiEltere...das esch halt eifach so!
Ganz natürlech ond völlig okay!

Hoppla sonne das tönt also würkli nervig... findi guet dass sie hüetet und ihr weg gönd ihihi aber ja, tolli Ratschläg chumi au vo allne Siite über, gar nöd eifach und mich nervts also au brutal

elea, wünsch eu ä wunderschöns letzts weekend z'zweite, gnüssets ganz bewusst, all di nöchste werdet andersch si

Zuletzt bearbeitet am 16.01.15 11:26

hahaha canoa bi mim isches gnau s gliche. ich gang no gern chli go luege, entdecke neui sache oder wähle öpis bewusst us, nur scho i de migros. min maa rännt eifach ine, packt das ii wo grad ufem weg ligt und nachher dihei merkt er, dasser d helfti vergässe hät. wenni mi wott inspiriere lah oder eifach chli go lädele muessi uf jede fall elei gah...