| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1791 .. 3579 3580 3581 3582 3583 .. 3670 .. 3757
16.02.15 13:58
novia_mayo 

Re: Bräute 2013

@dandi: sorry wenn ich mich dri mische aso mer säit eigentlich bim SS-test positiv isch positiv, egal wie starch d linie isch. es gitt kei falsch-positivi resultat. es cha guet sie das die tescht wo bi dier jetz no negativ azeiged weniger sensibel sind. es gitt 10, 25er, 50er test usw. wobi de 10er am sensibelste isch und en SS am früehschte azeigt. es isch aber bi jede frau ganz verschide. bi de einte zeigt scho es+10 a und binere andere de glich test erscht es+14
ich han letscht wuche dörfe positiv teschte, ha zwei verschideni gmacht und die hend au überhaupt ned glich fescht azeigt.
de clearblue digital isch super, det muesch ned strichli rate sondern denn gsehsch es schwarz uf wiss (oder so )
ich gratulier dier scho mal ganz vorsichtig

Zuletzt bearbeitet am 16.02.15 14:00
16.02.15 14:55
himbeer 

Re: Bräute 2013

oh, aber demfall cha mer dir ja au gratuliere

grundsätzlich häsch recht mit de test, positiv isch positiv. aber wenn sie mehreri test gmacht hät vom gliche hersteller und es isch nur eine positiv gsi isches scho chli komisch… da würdi glaub au no es paar täg abwarte zum denn ganz sicher sii.
16.02.15 14:57
Broncos 

Re: Bräute 2013

Sorry, da muesi mi au schnell ineschliche...
@novia_mayo: Gratuliere zu de Schwangerschaft... seit mer das zwar so, isch aber leider doch ned immer so. Ich han grad Endi Dezember e Fall erlebt (also i mim Umfeld, ned ich selber), wo zwei SS-Test ganz schwach positiv azeigt hend, sie aber nachher ned schwanger gsi isch. Au de FA het ned chönne erchläre, wieso die zwei falsch positiv azeigt hend. Aber ich hoff natürli ganz fest für dich, Dandi, dass bald en glasklare Test ide Händ halte darfsch.

Zuletzt bearbeitet am 16.02.15 15:02
16.02.15 15:16
novia_mayo 

Re: Bräute 2013

@himbeer: merci :)
ich bin devo usgange das sie tests vo verschidene hersteller gmacht hed will sie gschribe hed "verschideni tests". wenns vom gliche hersteller sind isches würkli sehr komisch... ich würd sicher au nomal paar täg abwarte und mitmene andere test teste

@broncos: danke dir. ah ächt? han ned gwüsst das so öpis gitt. krass.... hani würkli no nie ghört. ich hoffe jetzt mal das das bi de dandi ihrem fall ned so isch!
16.02.15 15:38
dandi78 

Re: Bräute 2013

jö, dir sit jo mega lieb. danke vöu mou für euchi guete wünsch

nachdem dass der eint test nur schwach positiv gse esch, beni ebe scho es bizeli unsicher gse. alli witere teschts woni gmacht ha si nachhär alli negativ gse . zum teil si die teschts vom gliche hersteller gse und zum teil vo andere (wie dir merket, hani scho x-teschts gmacht... ). dorum heists jetz würklech eifach abwarte.

novia_mayo, e gratuliere dir ganz härzlich zur Schwangerschaft . so schön, es esch eifach immer wieder es wunder! vor allem hesch es du jo au nid ganz eifach gha i der letschte zit, weni mi rächt mag erinnere gäu? wie au immer, e freue mi ganz fescht für de und wünsche dir e tolli schwangerschaft, möglichscht ohni beschwärde!

16.02.15 17:00
novia_mayo 

Re: Bräute 2013

@dandi: ich hoffe mier hend dich jetz ned z fescht verwirrt!
leider blibt nüt anders übrig als abwarte. aber mitem clearblue söttsch sicher es eidütigs resultat übercho. falls denn d mens immer no usblibt würdi doch nomal bim frauearzt nachefrage.
hesch immer mit morgeurin testet?

danke vill mal für dini liebe wünsch :)

Zuletzt bearbeitet am 16.02.15 17:02
16.02.15 17:12
himbeer 

Re: Bräute 2013

ich ha im letzte summer woni s erst mal sonen lange zyklus gha ha au en test gmacht gha, glaub vom coop oder migros. und det hani au e verdunstigslinie druf gha. ich hanen sogar anere kollegin zeigt wo selber au scho viel tests gmacht hät (haha) und sie hät gmeint er seg positiv. söttig bruchi also sicher nüme ;-)
17.02.15 08:02
novia_mayo 

Re: Bräute 2013

ja en verdunstigslinie chas geh, drum sött mer nach ca. 10 minute (oder je nachdem was uf de aleitig vom test staht) s resultat nüm abläse
17.02.15 08:59
sonne13 

Re: Bräute 2013

Huhu! Nur churz: dandi, drück der gaaaanz fescht düüme!!! Find es tönt sehr noch schwanger, wenn du scho so lang überfällig bisch! Ich würds der jo sooooooo fescht möge gönne! Hibble ganz fescht mit dir! Hui, die täg sind sicher chuum zum ushalte! Jösses, be säuber grad nervös

Gueti besserig himpi!

Und gueti besserig au em evan! So blöd so züg!

Und allne e schöne tag! Hui, mann, dandi, jetzt bini richtig chribbelig ich wünsch es dir sooooo fescht!
17.02.15 09:12
dandi78 

Re: Bräute 2013

Dir sit aui so lieb . Danke vöu mou Sonne. E hoffe natürlich au dass gli mou e Tescht wird es positivs Ergebnis azeige . Es git leider no ke Veränderig, Tescht hüt am Morge esch wieder negativ gse. Eg hautes afe fasch nümme us. Mittlerwile hani so liechti Buchchrämpf, als würdi gli mini Mens übercho. Weiss nid ob das jetz es guet oder schlächts Zeiche esch

 1 .. 1791 .. 3579 3580 3581 3582 3583 .. 3670 .. 3757
langsam   gspannt   vorallem   Kollegin   einfach   Problem   Zeremonie   Zuletzt   eigentlich   richtig   schnell   irgendwie   Hochzit   wirklich   eigentli   natürlich   schaffe   bearbeitet   himbeer   natürli