@ snet... ja, dänn isches leider keis wunder, dass nix meh gaht... probiers doch mal us mitm ideale Umsatz! :) ich wünsch dir viel erfolg! und ebe, mit Sport veränderet sich ja d Figur, was no lang nöd heisst, dasses uf dä waag weniger azeigt. i some fall isch e fettmässwaag öppis guets (aber glaub au sautür) ...

ich bin jetzt au wieder am Sport mache und han mi ime neue Studio mit zirkeltraining ahgmeldet und bin die wuche scho 2x gsi, und hüt gani au grad wieder. :) gfallt mer super und was halt würkli interessant isch, all 6 wuche tüends dä körper usmässe und denn gsehsch ebe wieviel fett, muskle usw. dass würkli häsch... findi mega interessant und für mich ischs im Moment dä richtig wäg, will ich möchte ja au wieder öppe 20 kg abnäh... bis jetzt fühlt sichs guet ah :)

naja, es hätt immer vor und Nachteil mitm wächsle... . ich dänke, das muen jede für sich entscheide. es gitt eifach gwüssi Sache, wo bi mir ime Job gar nöd gönd und ich au nöd chan ufd längi damit umgah und drum find ich dänn, dass ich was muen ändere. :)

im jetztige fall isch alles chli speziell und ich weiss, dass wänni würd welle, würdi au wieder öppis anders finde... aber ich lahns jetzt mal uf mich zuecho und lueg mal was passiert. gwüsse Sache muen mer au eifach chli ziit gäh. vo dä lüt her isch da super. und drum luegi jetzt mal. ich han zwar - wie immer - auge und ohre offe für neus, aber im Moment passts so wies isch. es chunt halt jetzt denn ebe au chli ufs probezitgspröch ah... .


@himbi, ja das verstahni, dass fürs tauchzügs no was möchtsch. woni no z züri gwohnt ha häsch vieles zügs - wo no einigermasse usgseh hätt - und häsch welle loswerde eifach usegstellt und irgendöpper hätts mitgnoh (mir händ das immer so probiert, ein tag dusse stah lah und wänns niemert abgholt hätt, hämers wieder is hus tah und dänn für Sperrmüll ahgmeldet :)

hallo zäme

a da lauft ja doch no was :) ha mi scho gwunderet warum dasi kei e-mail benachrichtigunge bechume und jetzt gsehni dass trotzdem so viel gschriebe worde isch

gahts eu allne guet?

ich bin leider mega vercheltet (hass es!!) min ma isch vo zwei wuche nöd so zwäg gsi bzw. irgendwie die ganz familie flach glegä und jetzt hanis au no verwütscht ! hoff eifach ganz fescht dasi euse chli nöd au no astecke wird, das isch dänn blöd ... er hät bis jetzt 3x dä pfnüsäl gha und das hät mer immer so leid ta woner so schwer hät müesse schnufä ...

he himbi, jetzt gahts dänn gli los mit zügle ;) so cool! freueter eu sicher scho mega!! mir gönd am wuchenend au wieder e wohnig go aluege, bin scho uh gspannt!

und dänn hani no glesä dass t sonne und snet gli ihre erscht arbetstag werdet ha - guete start ;) ich bin immer wieder bitz am luege (für 20%) meh möchti eifach nöd, vorallem wenn dänn mal s zweite ufem weg isch

wünsch eu allne en schöne abig! bi eus gits hüt kebab
liebs grüessli

hey himbeer ;) händers geschter no guet gha / fein gsi am grossi sim geburi :)
mir händ eus dä kebab richtig schmöcke lah hihi aber isch es monschter teil gsi :p

es isch wüki uh mühesam :/ hass es! hoff ganz fescht dasi dä luis nöd astecke :(
das wär uh blöd! muess chli luege dasen nöd die ganz ziit abknutsche ... aber das
isch nöd mal so eifach
das mit dim hueschte isch aber au mega mühesam !! so hueschte chönd zum teil
recht hartnäckig si! hoff dasen gli mal los wirsch ;)

so toll :))) freud mich riesig für eu das es so guet lauft und vorallem bald los gaht
mitem zügle !
danke, bin gspannt wies am weekend si wird (wämer t wohnig gönd go aluege) ...
aber sind ja scho es paar go besichtige und nüd wo eus passt hätti

Gugus zäme!

Wow dandi, jetzt gohts los! Tolls bildli uf fb! Das isch jo soooo spannend! Hoffe denn uf wiiteri bildli vo euem projekt

Himpi, bald gids de schlüssel! Sind ihr ready? Löhnd ihr d wohnig jetzt putze? Überlegg mer das denn au no für eus wenns denn sowiit isch...

Hed jo scho chli gruhiget do inne sit d snet und d elea ihri büebli hend ich findes herrlich dass langsam de früehlig chunnt und gniesse usdehnti spaziergäng mit de mädels wenn immer möglich. Geschter isch min erste arbeitstag gsii und es isch eifach nur super gsii!!! Min neue job isch toll und ich be total happy hei gange und freu mi scho uf nöchscht wuche! Ich findes e super usgliich und abwächslig zu mim alltag deheim und be so happy dass es klappt hed met dere stell!!!

Sodeli, jetzt muessi aber wieder! Wünsch euch allne e tolle tag!