hallo zäme

so cool himbeer, jetz chöit der de scho gli zügle. git haut ame scho no vöu arbet sone umzug, aber es esch jo irgendwie "schöne stress". freut mi dass der so guet vorwärts chömet. und eg findes super, dass der löit lo putze und zügle. so wird eim vöu ärger erspart und me cha das ganze viel lockerer neh.

sonne, so guet dass die erscht Arbeitstag so toll gse esch. wow, jetz schaffsch du scho wieder. me dunkts, du besch erscht grad no früsch mami worde. unglaublich wie die zit rennt! findes toll, dass wieder zu dim alte Arbeitgeber hesch chönne go und dass dir der Job so gueg gfaut. esch doch vöu wärt!

eg be leider chrank deheime. aso eigentlich hani nur e verchältig, die derfür ziemlich heftig. be geschter au scho nid go schaffe und wenns mer morn noni besser goht, de blibi vermuetlich no mou deheime. na ja, es git schlimmers... aber es reut mi chli, dass so schöns wätter esch und eg nüt dervo ha...

derfür gohts jetz ändlich bim hus vorwärts. eg be soooooooo happy! am samschtig mache mer im chline rahme mit der familie der spatestich. natürlich wird de no druf agstosse und chli gfiiret. am mäntig gohts jo de scho los. hach, eg be richtig ufgregt.
sonne, wirde de bestimmt immer öppe föteli im fb poste

Hallo liebi Frauene ;)

Dä Luis macht grad sies Mittagsschlöffli
hoff alles klar bi eu?
Ich bin leider IMMERNO vercheltet (dandi, chan där also nahfühle :/) soooo mühesam und dä Luis hani natürli au agsteckt, obwohl ich extra mega druf gachtet dasen nöd die ganz ziit abknutsch etc. ... aber ja, gaht halt schnell! s guete isch aber das er das irgendwie voll guet wegsteckt, isch gar kein jammeri :) so wie s mami und bi ihm hani au s gfühl isch es nach 1-2 täg scho wieder am besser werde ...

himbeer: t wohnig wär z pfäffike zh gsi ... sie isch schön (neu) aber für dä priis häts eus irgendwie glich nöd umghaue :( min ma hät gfunde wämer scho so viel würet zahle, dänn muess es wüki PERFEKT si und das wär sie nöd gsi, drum hämer eus au nöd druf beworbe ... t suechi gaht wiiter ich glaub das isch es fascht unmöglichs projekt bi eus :/ mir sind beid sooooo heikel, machets eus selber uuuh schwer ! voll blöd eigentlich ! janu ... und bi dier gahts däfür scho ganz bald los :) mega ufregend! wünsch eu no en guete endspurt und es guets acho i euem neue dihei

sonne und snet, schön händer so en super erschte arbetstag gha !! chan mer vorstelle dass so en tag wüki guet tuet, so hät mer die perfekt abwechslig und freud mer sich au wieder zrug zum würmli z cho (oder bi dä sonne, zu dä zwei würmlis hihi) und dänn dä rescht vo dä wuche mit ihne z gnüsse <3 wie gahts eune chline schätzelis dänn so? sind sicher scho uh gwachse

elea, hammer schlaft dä evan scho dure und bisch sicher froh isch din ma wieder go schaffe

das mitem schlafe isch wüki so chli es ufä und abe findi ... bi eus au, gits phasene die sind suuuuper und dänn wieder nächt wo dä luis immer und immer wieder verwachet :( isch aber au en arme (zahne) ABER das alles gaht au wieder verbi ;) sini erschte 4 zähnli sind scho duss, so süess ... aber es folget ja no wiiteri chch

oh da isch ja wieder chli öpis los! allne chranke und müede wünschi gueti besserig und gueti erholig :-)

ja mir werded das weekend wieder dihei mit chischte packe verbringe, aber ich hoff natürli glich dass s wetter schön isch, me chunnts ja glich mit über. zügeltermin isch dunnstig inere wuche, am tag druf isch denn wohnigsabgab. d schlüssel vo de neue wohnig gits aber scho am nächste mäntig, denn chönd mer scho mal in ruhe de tüüfchüehlerinhalt zügle, hahaha. und de chüehlschrank, ich ha nämli entschiede das mer denn bis zum zügeltag nur no uswärts essed oder pizza bstelled, denn chönd mer nämli au die komplett chuchi scho ipacke ;-)

ich verstah das guet mit de höche asprüch, lilly. eusi neu wohnig isch fast perfekt, leider müend mer uf e grossi terrasse verzichte wo mer jetz gha händ, ganzi 40qm sinds gsi. aber schlussendlich mached mer det abstrich und ich hoff ja, das mer denn entschädiged werded miteme garte sobald denn euses huus au mal fertig isch. mir händ aber en ziithorizont vo guet 5 jahr, so lang muesses die loggia denn tue. jänu, müend mer halt eifach meh veruse wenns schön isch.

Guten Abend Miteinander!

@dandi: Habe das Foto auf FB auch gesehen, ihr habt auf jeden Fall mächtig stolz ausgesehen Ich wünsche dir ganz gute Besserung! Bei uns zuhause war die Grippe schon durch - uns alle 3 hat es erwischt. Und ich wünsche dir natürlich ganz viel Freude beim Spatenstich!

@Lilly: Das kann ich wirklich sehr gut verstehen, dass man nur in eine Wohnung ziehen will, die sämtliche Muss-Kriterien erfüllt. Also ich würde auch nicht viel Geld für eine Wohnung zahlen, die mich nicht überzeugt.

Gestern zu arbeiten hat schon Spass gemacht! Nur habe ich heute wieder E-mails mit saudummen Fragen bekommen. Da frag ich mich wirklich manchmal ob andere nicht ein bisschen überlegen können.

Meinem Kleinen geht es tiptop, er wächst und gedeiht. Wir hatten die letzten 10 Wochen super Schlafphasen, er hat jeweils von 22 bis 8 Uhr gepennt.

Wir überlegen uns bald die Umstellung auf Brei, aber er zeigt eigentlich noch gar kein wirkliches Interesse an Essen, also lassen wir es sicherlich noch ein Weilchen so.

@sonne: Schlafen die beiden denn im eigenen Zimmer? Stelle ich mir schon noch anstrengend vor, ständig aufstehen zu müssen in der Nacht, aber es kommen sicherlich bald schon wieder entspanntere Zeiten!

@me: Wir waren heute auch auf einer ausgedehnten Spaziertour. So schön! Nur müsste ich jetzt noch staubsaugen und das gurkt mich ein wenig an