snet:

---

Hey Lilly, ist heute nicht der grosse Untersuch? Wünsche dir ganz viel Spass beim Babytv.

Elea, dir wünsche ich einen schönen, ersten Arbeitstag!

So schade, dass das Wetter wieder schlechter aussieht für diese Woche. Hmm, bin nicht mehr ganz sicher mit den 60% arbeiten ab Dez... Irgendwie wäre mir 40% fast lieber, aber weiss nicht ob das mit dem Job geht.

apropos krankekasse: ha jetz grad gläse dass d helsana jetzt bi zuesatzversicherte d koste für de praenatest übernimmt. es wird sicher nüm lang gah bis all KK das zahlend und denn wird wohl routinemässig gscreent...

bi mir isch hüt halbziit

Hey lilly, schick der es bildli sobald ich dezue chume...

Süscht: liebe grüessli au a alli andere, muess scho wieder, und tschüss

hallo zäme

ah wüki himbeer, wirds vo dä kk übernoh? also dä tescht wo nur muesch bluet gäh und die es gnaus resultat chönd säge? bim 'normale' isch es ja nur e wahrschinlichkeit... welle häsch du eigentlich gmacht? mir sind hüt nomal gsi und euses chnöpfli isch das mal guet glegä und au mit dä organ gseht alles so us wies muess <3 bini natürli meega erliechteret!!!!
wow himbeer, scho i dä hälfti, wie schnell das das gaht - unglaublich! ich bin jetzt i dä 14te
hihi händer en chinderwaage gfunde? gratuliere!!! händer sicher uh freud... isch klar, vorallem bim erschte möcht mer scho gern selber ussueche und vorallem (wenn möglich) en neue poschte! isch bi eus nöd anderscht gsi jetzt bim gschwüschtertiwaage weissi genau welle dasi möcht und lueg zerscht glaubs nacheme guete occ., und suscht au wieder en neue, muess mi mal chli schlau mache was es so hät...
das mit dä chleider isch wüki so, mer weiss irgendwie vorher gar nöd so recht was mer alles brucht und was eim am ringschte gaht etc., drum besser nöd z viel chaufe! und mir z.b. händ vo ALLNE chleider becho, aber au viel woni dänn gar nie azoge han :/ hmm au schad...

elea, isch guet gange din erschte arbetstag? wie fühlsch di? 3 täg sind aber glich no gnueg, nöd? ich chönd mer glaubs nur max. 2 vorstelle... mal luege nachem zweite, suechi sicher öpis (20 - 40%) oder au nöd haha ... muess dänn je nach situation luege, wies mit 2 si wird und vorallem wie s zweite so isch, eher pflegeliecht oder ebe au nöd aber freu mi sicher wieder id bruefswelt izstiege, halt eifach nöd meh als 1-2 täg, meh chönd mer gar nöd vorstelle, wär ICH glaubs voll überforderet :/ chch

danke sonne! luegs mer dänn a ;)

wünsch allne en guete

also bisher isches nur d helsana wo de test schinbar bi zuesatzversicherte patiente übernimmt. aber ich nimm ah das wird signalwürkig haa und die andere ziehnd sicher au bald nah. min arzt hät no gmeint vor es paar wuche er gaht devo us dass früehner oder später die tests i jedem fall zahlt werded und denn au flächedeckend gmacht werded.

ich ha au de ETT gmacht gha, also nackefaltig in kombination mitere bluetuntersuechig und das hät denn sone wahrschinlichkeit ageh. isch halt denn wieder bi jedem selber zum entscheide, welles ergebnis für eim stimmt und welles nöd... mir hetted wahrschinli denn eifach bimene "schlechte" ergebnis no de ander bluettest gmacht zum e gnauers resultat übercho.

ja ich bi scho gspannt was da alles chunnt. am beste wärs ja würkli me würd eifach e liste umegeh mit sache wo mer würkli brucht, aber da mached die schenkende au nöd immer mit. uf e art bini no froh gits keis meitli, bestimmt hett sich mini faamilie voll usgläbt mit so ultrakitschige chleider. ich lieb ja rosa und pink heiss, aber grad bi babysache gits soviel kitschigs züg. ich finds nur scho schwer bi wickeluflage oder so, üüüberall häts herzli und tierli und blüemli druf. ich hett am liebste öpis schlichts, farbigs, mit streife oder pünkt oder so. es cha ja gern alles farbig sii, aber die teddybäre hanged mer jetz scho zum hals use, hahaha

wele bluettest meinet ehr den? De ganz normal wome eifach e warschinlechkeit het oder de wome de grad alles definitiv weiss?

Lily dasch jo super wegem zögle. Schwanger zögle wers secher astrengend ond so passt jo tiptop. Das freut mi sehr!Wi gohts der met de übbelkeit? Esch besser worde?

Himbi, vor em hetti au angst gha, dass bimene meitli alli met hello kity chöme... Esch au ned so miis das kitschige..
has emmer super gfonde wend lüt bez gluegt hend was si i welere grössi schenket. Weisch zb hemmer chorzi hösli becho wo ehm werde go wenner öpe 9-12mt esch. Das werd aber bi ehm genau em winter so..... So werd er das nie chöne alegge... Has au bez schad gfonde das dlüt ned so froge was me chönt bruche..... Ha zb strompfhose becho ide grössi 120 :) das nötzt eus di nöchst 5johr nüt :p hasi de witer ge ;)
Mega cool hend ehr de chenderwaage scho! macht halt scho spass alles uszueche :)
Jo met em chenderzemmer hanis au schwer gfonde, has ned kunterbunt welle. De hani vell detail of dawanda bstellt. Weisch zb s Nästli ond so well mer ide läde eifach alles bez z bunt gsi esch... :D

Lily, met schaffe goht tiptop. Has gfüehl 3täg passe super. Wenni dra denke dassi nor no morn muss schaffe esch voll easy :D
I denke eh me a die vier freie täg als a die 3 arbetstäg :)
Merke aber dassi gar nöm bereit be öberzit zmache wie früehner. Vorher beni oft zobe länger blebe, das wetti jez nöm. Wet hai zo mim förtzli :p
Oder secher ned so regelmässig wie früehner.... Do beni jez eifach bez egoistisch... :/