Guten Morgen

@elea: Also keine Zähne sind bei dir definitiv ein Vorteil!

Im Restaurant sitzt Marlon nun immer im Kinderstuhl und hat Spass darin. Viel rum Gegöisse gibt es aber auch hier. Aber wir gehen ja auch nicht in Restaurants, in denen das unangebracht wäre. Und wenn sich jemand nervt, dann Pech gehabt.

Wegen den Müttern würde ich auch nichts sagen, schliesslich hüten sie ja den Kleinen und sind auch flexibel. Das ist ein mega Glücksfall und dafür muss man halt ein wenig auf seinen Mund hocken.

@lilly: ja, Babies rumschleppen ist nie ganz so einfach, dafür habe ich nun Muskeln in den Armen :-) Unser Kleiner wog bei 6 Mt schon 9.5kg.

Ich freu mich auf mehr arbeiten. Ich verbringe schon gerne Zeit zuhause, habe aber das Gefühl, dass alles ausgeglichener sein wird, wenn ich mehr arbeiten kann. Weil einfach zu viel zu tun ist. Aber ich denke, dass wir dann eine Haushaltshilfe zu tun.

morge zeme

lily schön esst de Luis so guet. hoffe das chunt bi eusem chlii denn au no. aber i probier mi jez nöm drab zstresse. obwohl i dütlech merke dass ergendwie för vell lüt 6mt sone magischi grenze esch wo vell s^voll-stille plötzli als unpassend empfinde. ke ahnig, plötzli chöme doofi spröch... aber egal, muss jo ned för desi stemme :)

oh sprecht er dech scho so met mami a? wow so schön vorallem super chasch du ehm sege er sell ned göise, und das klappet denn au wie esch sin 1ti geburi gsi? hender schön gfiiret?

ja weisch, essend vell Detail womi störe. zb wenn de chli bez nörzelig esch und si froge ob si ne selle uve neh und ich denn sege "nei lohne bitte loh si, er cha ned Emmer ovem schoss hocke wenn mer esse. muss das lehre" und si ne denn trotzdem uve neme. denn stört me das! und halt au bez so drii gscnorr em huushalt, das fendi eifach ned abrocht! aber be au bez dönnhütig muesi sege. und e grosse punkt esch au, wenni öüt us de Familie so oft gseh de gönds mer halt eifach brutal ove deckel einisch em monet wörd mer förig lenge

cool wege de huushaltshilf snet! aso eifach öper wo ergendwie einisch die Woche chont go botze? en traum!

hallo zäme!
elea das isch super lahsch dich nöd stresse ... du wirsch dänn scho merke / gseh wenn dä richtig ziitpunkt da isch, wenns für eu so no stimmt gits ja au kein grund zum stresse ;) und uf t sprüch dörf mer eh NIE lose, die wirds leider immer gäh, i allem! mir händ eus i dä ferie au es paar sache müesse alose aber t hauptsach isch dass din ma und du einer meinig sind, alles andere isch sch... egal was mich aber no wunder wür näh: was chömet dänn für sprüch wegem stille???? wie t emma ja scho gschriebe hät, isch doch super klappets so lang... ha au scho vo paarne ghört das mer bis zum zweite lebensjahr chönd (wenn das für ein passt) muess doch jede selber wüsse!
und wegem huushalt? findi jetzt gaht au niemert öpis a hoff finsch no en weg das di nüm so viel muesch ufrege ... das chan mer ebe scho au no recht stressig/nervig vorstelle, jedi wuche beid mamis und jedi weiss es besser ohje! au wenn sies sicherlich NUR guet meinet...

s erschte geburi fescht vom luis isch wüki schön gsi heiss, aber zum glück hämer e hütte gha wo gnueg deckte platz gha hät und en schluch womer eus sogar no abgsprützt händ dä luis häts au ganz toll gfunde, ha zerscht bitz bedänke gha das es ihm chli z viel chönd werde und er am abig dänn mühe wird ha, aber grad guet gsi so nach dä ferie wo eh die ganz ziit action gsi isch ischer sich wie scho gwöhnt gsi und nur die paar stündli, hätter wüki super gmacht, hät au uh freud a dä gschänklis gha chch nur chärzli nonig chöne usblase hät au s erscht mal turte dörfe esse

ja er rüeft mich mama zerscht händ ja all mama gheisse aber mittlerwilä chaner au nonna und nonno bzw mommo säge (eusi eltere) und papa, aber nur wenner wot bölle = bam auto = brumbrum ... dä leu machter so es grüsch wie en leu, hät scho es paar sache, soooo herzig ...

ja das mitem gmüetlich im reschti sitze gaht bi eus im moment grad au nüm... aber ich dänks sobalds dänn bitz grösser sind wird das au wieder ruhige... und chamers ihne au besser erchläre, chönds dänn ihres lieblings spielzüg mitnäh, oder was au immer :)

oh das mitem nöd ufem arm esse hani au müesse kämpfe! min schwiegervater hät das immer welle mache und ich bin jedes mal recht hässig worde... untderdesse hätters aber akzeptiert, hans au mine eltere es paar mal müesse säge das ich das nöd möcht, sie sind aber da dure eifacher und reschpektieret schneller mini asichte...

emma, schad häts bis jetzt nonig klappet mitem job, aber s richtig isch dämfall nonig däbi gsi und du häsch ja eh kein stress, das isch no agnehm!
bald gahts los id ferie, sooo schön! hoff ganz fescht dasers nöd allzu heiss werdet ha...
dä valerio isch so en herzige, wie er tanzt chlises schlitzohr hihi <3 jetzt findi isch grad uh eh schöni ziit... aber teubeli phase staht eus no bevor: HILFE

ch han im moment eher mega z kämpfe mit dä müedigkeit :( und bin froh wenn dä luis bald richtig laufe chan, er isch scho nüm so liecht und merks dänn natürli au im rugge + mini ärztin hät letscht wuche gfunde ich muess es bitz ufpasse, nöd dasi no früheziitigi wehe überchum

Jöö Lily tönt mega herzig am Luis sis Geburifest, so schön het alles so guet klappet und für ihn isches en lässige Tag gsi und s erst mal Chueche mmmmhhh!!! :) Mega herzig die erste Wörtli, da ghöri au de ganzi Tag mama mama aber ich glaub er meint nöd unbedingt mich ahaha ehm, täubeli-phase? ich glaube da isch euse chlii scho zmitzt drin er chan täubele wienen grosse aaaah das isch amigs amüsant

Ojee elea, stell der vor was ich mir scho alles han müesse aghöre wegem stille? Ich segs mittlerwile eifach nüm, mir stillet am Morge und ide Nacht je nachdem wie oft das er chunt, chunt also niemert mitüber, stört niemert und sött au niemert interessiere aber dases pervers segi hani no nie ghört verstahn eifach nöd was de Unterschied isch wenn es Chind en Schoppe trinkt oder sini Milch ade Bruscht überchunt, mir redet ja no vo Babys, das sött doch s natürlichste uf de Welt si... chani echt nöd verstah! Uf jedefall, mir hend s erstmal mit ca 5 Mönet agfange mit Biichost aber s het eifach nöd wele klappe, han denn en guete Monet Pause gmacht und laaangsam isches immer besser gange, am Afang het er nonig grossi Portione gässe aber mit ca 7 Mönet het sichs sehr guet ipendlet und jetz isst er eigentli super guet und au scho vom Tisch, also mach der kei Sorge, wenn er sowiit isch, klappets ganz bestimmt und ich glaub au nöd dasses öpis nützt wenn mär s Baby geg sim Wille zwingt, esse söll doch au Freud mache!

So, schöne Abig eu allne :)

Hallo Miteinander

@elea: Ich kann schon nachvollziehen, dass dich das z.B. mit dem Schoss während dem Essen nervt, aber wenn du das nicht mehr möchtest, müsstest du fast eine andere Betreuungsmöglichkeit finden. Schliesslich kannst du leider nicht kontrollieren, was eure Mütter machen, wenn ihr auf Arbeit seid.

Ja, wir suchen jemand, der 1x pro Woche bei uns putzen kommt. Damit wir dann mehr Zeit für uns haben.

@emma: Viel Glück bei der Jobsuche!

@lilly: Schön hattet ihr so ein gutes Geburtstagsfest!

@me: Wir hatten dieses Wochenende noch die Taufe von unserem Kleinen und er war ein richtiger Sonnenschein!

Gestern war ich im Ikea und nun gibt es diese Einsätze für das Kallax Regal in lindgrün nicht mehr :-( Das finde ich wirklich sehr schade. Es hatte nur so komische Farben wie schweinerosa oder krasses gelb...

Ja, ich sage nur, dass dies ja eigentlich die einzige logische Konsequenz wäre, wenn einen das dann zu fest stört.

Wir haben die Zeremonie, wie auch das ganze Fest dann bei uns im Garten abgehalten. Es waren etwas mehr als 30 Leute bei uns zuhause, aber es hat alles wunderbar geklappt.

genau, es gibt die mintgrünen einfach nicht mehr. Das ist wirklich mega schade. He, du hast ja auch welche Du musst dir mal die jetzigen Farben ansehen, wirklich hässlich.