Wow dandi das isch jo tatsächlich riesig!!! Krass! De muesch jo ned mischte, hed jo locker alles platz
Baureinigung hed grad mini muetter vo eme 6 familiehuus sälber gmacht. Ich würds NIE mache! En riiiese ufwand! Also baureinigung löhnd mer uf jede fall mache, be de wohnig wüssed mers noni...

Snet, finde die kosten bei euch total io! Das ist ja quasi inkl. alles. Damit wäre ich auch zufrieden! Wir müssen wohl auch bald offerten einholen...

Mir wohned jo zoberst im vierte stock und de lift isch kacke-chlii, ich glaub do wär es unternähme s eifachscht. Die chönnd mit em lift cho und das grosse möbelzügs gmüetlich über terasse abecharre und unde uflade... Wiit wärs jo ned zum transportiere...

Buh, do chunnt no öppis uf eus zue. Aber nochhär hed sich das mit zügle jo erübrigt

uh die züglete... das isch immer sones züg. mir händ jetz no de cheller voll mit so grümpel, haha. aber chürzlich hät min maa so grossi gstell kauft und ufgstellt und jetz cha mer wenigstens wieder inelaufe. go entsorge müessted mer aber au mal no. nur chani ihm jetz momentan eh nöd gross helfe mit entsorge und schleppe, vilicht verschiebed mer das no uf de herbst.

tönt super mit euem huus dandi... da wirdi grad chli niidisch, haha. bi eus verzögered sichs sicher nochli. mir spared glaub doch lieber nochli länger und usserdem fühled mer eus jetz i de wohnig au sehr wohl, händ grad alles igrichtet und so. also s babyprojekt isch jetz mal a erster stell und denn lueged mer nachher wiiter. und es tönt zwar blöd und undankbar, aber irgendwie findi au es macht nöd soviel sinn zäme mit de schwigis es huus z baue wenn die beid scho über 70gi sind. ich mein me weiss ja nie wie lang sie schlussendlich denn no drin werded chöne wohne... vilicht baued mer au erst wenn sie ine chlineri wohnig zoge sind oder so und denn halt nur es eifamiliehuus für eus. wird denn au billiger... mal luege. es pressiert jedefalls nöd.

Dandi, ha jetzt grad be top-offerten en afrog gmacht wäge zügelunternehme und schwups, 3 arüef und 3 besichtigunge plant ich würd am liebschte jetzt scho packe

Himbeer, wünsch der no e guete schlussspurt! Hütt vor eme johr hed sich euse zwärg nr. 2 au no i die richtig position treit wie die ziit lauft! Scho bald isch geburtstag!!!

Be eus send scho zwe verbii cho, zwe chömed no am friitig. Be sehr gspannt! De eint miech alles pauschal für 1600.-, findi voll ok. Jetzt beni uf die wiitere offerte gspannt!!!

ou lilly guete tipp mitem himbeerblättertee, da hani eigentlich jetz welle afange, bi nur nie dezuecho de go poste. das machi hüt grad no. gits de i jedere apothek? ich bi defür scho zweimal i de akupunktur gsi. merk zwar kein unterschied, aber schade wirds ja nöd und eusi hebamme findets au e gueti sach. ich ha nachher no kontrolle bim arzt, bi scho gspannt was de verzellt. ich ha zwar s gfühl es gaht scho nonig grad los, de buuch isch au no mega wiit obe und de termin isch ja erst i 3.5 wuche. da min maa eh no im wk isch die nächste 3 wuche chan er sich gern bis zum ET ziit lah, haha. wobi min arzt denn grad i de ferie isch und mer sini vertretig würd schicke, das fändi chli schad will ich ihn so super finde. aber grundsätzlich chunnts nöd so drufah, d hebamme mached ja eh die meist arbet, haha.

mir gahts susch wiiterhin guet, ich bi au recht flissig no am vorbereite und dasi nur no 60% schaffe tuet mer extrem guet. ich bi au no voll relaxt und luege dem ganze ziemlich entspannt entgäge. am warte bini eigentlich au nonig, ich gnüss die letzte täg no und hoff ich cha denn au die ganz freie täg ab übernächst wuche nochli gnüsse. wobii da wirds mer denn sicher langwilig wenni de ganz tag dihei hocke

haha elea, das känned mer doch! wobii die wuche mini letzt arbeitswuche isch und das wird mit dene nur no 60% ruckzuck umegah. bi scho fascht chli wehmüetig.

ja ich bi ab morn i de 38. wuche, ich weiss au nöd wo die ziit ane isch. ich glaub ebe ich ha au no kei richtigi senkwehe, uf jede fall nöd so wie sie susch amigs beschriebe werded. ich ha scho ab und zue kontraktione, aber die fühled sich so ah wie die normale üebigswehe wo mer ja au scho vorher regelmässig hät. eifach so dass de buch hert wird. ah mal luege, ich ha eh nöd s gfühl das i de nächste 2 wuche scho viel passiert. aber mir sind mal vorbereitet, me weiss ja nie, haha. guet min maa isch jetz gnau bis vor ET no im WK und es wär mer no glich wenns erst nachher würd losgah. ich lah mi mal überrasche.

ziit für mich hani jetz au gnueg, ich ha no einigi terminli amigs aber nüt stressigs, mir sind viel uswärts go esse in letzter ziit, ich bi zum coiffeur und wott no id pedicure gah die oder nächst wuche. hüt namittag wotti no go schwümme und denn sicher hei go ligge, bi die nacht chli wach gsi und merks jetz es bitz.

ou es tönt super mit eune ferie! ich freu mi au scho uf babyferie, hihi. mal luege wenns denn dezue chunnt. jetz freu mi zerst mal no uf die toll adventsziit und de herbst, isch eigentlich die perfekt jahresziit zum sich dihei miteme baby ikuschle ;-)