Ja han überhaupt kein Stress mitem Job, drum voll easy... wird sich dänn scho mal öpis passends finde :) aber schön wär zweiti Jahreshelfti 2016...
Mis Mami luegt dänn dä Tag wo ich wür schaffe uf die chline zwei... sie chund dänn a dem Tag zu eus Hei, das isch natürli ideal!

Hmmm nei, händ eus nonig def für en Name entschiede :-/ schwankend immerno zwüsched 2 und werdet drum warte bis sie da isch :)
Termin hani i nöd emal meh 3 wuche :D chönti also jederziit los gah hehe

Das seit mer grad nüd... wo isch das dänn? ;)

apropos job, ich ha super neuigkeite: mir sind hüt morge uf babybsuech i mim Büro verbigange und mini Chefin hät mi uf d siite gno und gseit, dasi per 1.4 wieder mit 50% cha istige! ich freu mi meeeega! hät sich s zittere also doch glohnt!

ich wird denn alternierend 2 bzw. 3 täg pro wuche schaffe. Krippe händ mer ja 2 täg bueched und die 2 täg pro monet wo mer denn zusätzlich bruched decket mer mit de grossmamis ab. ah ich freu mi so!

danke für die Erinnerung wegen den babykleidern, snet. ich hatte es schon fast vergessen und wir haben grad die tollen wickelbodys aus biobaumwolle in den nächsten 2 grösseren grössen gekauft, ich bin mega fan von denen.

de nevio hät eus überrascht und vorletzt sowie vorvorletzte nacht durchschlafe! und zwar vom 22 bis guet am 7ni am morge. die nacht ischer au nur eimal cho, leider hät er nachher de schlaf aber nöd grad wieder gfunde und mir sind nochli i de Stube umetigered… trotzdem händ mer 5 stund am stuck chöne pfuuse und nachher namal chli. voll de Luxus :D ich hoff aber er wiederholt s durchschlafe no es paar mal, es isch herrlich gsi. mir händ aber au die ganz schlafroutine umgestellt inzwüsche, ich glaub ihm hät eifach zviel nöd pässlet vorher, haha.

ab nächst wuche schafft min maa wieder und ich muess de Alltag selber gestalte. ich bi scho chli dar mich es bis z verplane, ich Bruch irgendwie scho jede tag en Termin oder so. was händ ihr mit so chline Babys amigs dihei gemacht? izwüsche isch de Krümel halt au tagsüber recht viel wach und natürli will er denn au bespasst oder umetreit werde. ich wüsst also nöd wasi ohne ringsling würd mache, de rettet mi regelmässig ;-)

wow himbeer, das freud mich sehr für dich das es glich no klappet hät mitem job :) sooo guet!! glaubi das mega freud häsch :D und jetzt chasch no schön bis im april dis 'mami da si' gnüsse so schön!! dini arbetskollege/inne händ sicher au uh freud gha bisch sie mit euem chline go bsueche

das hät dä nevio ja scho super gmacht die letschte 2 nächt (isch nöd selbschtverständlich) :) wie t sonne scho gschriebe hät, hoffentlich chaners +/- so biphalte oder zumindescht ganz oft wiederhole hihi... bi eus isch es am afang es richtigs hi und her gsi, vo ganz guete bis ganz schlechte nächt... aber irgendwenn pändlet sich das dänn richtig i, bi paarne scho bitz früener, bi andere gahts chli länger... däzue ane chund dänn halt no s zahne :/ git babys die stecket das super weg und anderi wo uh mühe händ :( sind aber au armi!

zu dinere frag 'was dä tag dur mache': dä luis isch ja im summer uf t welt cho und ich bin dänn halt sehr viel use go laufe/han abgmacht, bin au uh viel mit mim mami id badi (liebs ja eineweg go schwümme) <3 sind aber au mega viel go shoppe isch mer immer wieder öpis in sinn cho woni brucht han und solangs no so chli sind und's eh nur hänget isch das natürli super gange
dihei (han dä luis am afang nur schlecht chöne ablegge) hanen viel im ergo gha und so dänn dä huushalt gmacht, gwäsche, ufgruumt (was au immer)! ha eh gfunde das tage nur so a mier verbi gfloge sind... ha mer zum teil amigs fascht z viel vorgnoh

morge zeme

himbeer das send jo super News wege dim Job! das freut mi chasch det blibe! super het de nevio scho so gueti nächt! ond vorallem toll för euch dass ehr paar stond am stöck chönet pguse :)
euse chli esch di erste 6 mt e super schlöfer gsi aber set denn eschs Emmer bez es uf und ab. mer hend Emmer 2 gueti Woche und 2 Woche woni sehr müed ben aber i denke mer Emmer, i schlofe jo au ned Emmer glich guet :)

ja himbi mer eschs au so gange ergendwie, ha jede tag e Termin brucht oder öpis zom erledige. be de oft metem bus ed Stadt, und öpis go bsorge und denn of Umwege hai glofe. so dassi eregndwie 2h chan laufe oder so. ha Emmer Monster spaziergäng gmacht denn ja und wi du scho schribsch, ohni ergo wer bi eus nix gange
vellecht wer es Baby schwemme oder so au no öpis cools wo ehr zeme chönet mache himbi? oder id Baby massage?


momentan esch au grad en meeegaa astrengendi ziit. er zieht sech mega schnell a allem uve und cha au scho elei ade Möbel entlang laufe. aber mengisch hebt er sech ned guet und verlührt s glichgwecht und bollet denn voll ove chopf. drum chame ne grad ke sekonde me us de auge lo. wenni ofs wc muess muess ne Emmer rasch es Laufgitter due de denki amigs, so schön gsi wosi eifach hesch neumet chöne he legge und de sends au det blebe nei seich, esch natürli au super cool so wenn me cha met ehne spele und öpis mache.

ou mein Gott lily jez chas wörkli jede Moment los go! i freue mi mega fest druf wenn du de schribsch "di chliii esch do" be au scho gspannt ove Name wo ehr denn ussuechet!