| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1823 .. 3643 3644 3645 3646 3647 .. 3702 .. 3757
02.11.15 16:18
elea 

Re: Bräute 2013

himbi und wend en grössere suuger probiersch? aso weisch di nöchst grösser nommere? bi eus het das gholfe....

haha jo segs ned woni zom erste mol bus gfahre be met ehm beni soooo schiss stolz uf me gsi dass es fast piinlech esch ja es stellt halt alles komplett om. do hets plötzli stege ond henderniss wo metem chenderwaage onöberwendbar send. ond vorher send eim die ned emol ufgfalle :)
02.11.15 16:59
himbeer 

Re: Bräute 2013

hmm de suuger chönnti mal probiere… guet vilicht bini au eifach ungeduldig. mittlerwiile schafft er au 120ml oder no meh relativ schnell. am afang hät er locker e stund gha für sone mengi. guet de mössiö hät au zwüschedure immer müsse päusli ilegge und e rundi schlafe oder so, mittlerwiile isches besser

hüt schlaft er dafür nur. gester isch er relativ lang wach gsi bi mine eltere, aber jetzt pfuused er scho de ganz tag. bi gespannt öb das en ifluss uf d schlafduur i de nacht hät… mir müenden am abig nochli bespasse wahrschinli, hihi

ui ja das glaubi mit de hinderniss. ich ha mer zb grad überleit wo eigentlich d lift sind am HB… kei ahnig. aber irgendwo wird's ja denn scho ha. ich plan lieber mal gnueg ziit ih… oder ich gang eifach grad mitem tragtuech, mal luege.
02.11.15 20:52
Emma13 

Re: Bräute 2013

Hoi zäme

Jöö elea, isches au scho so wiit dass sich eue Chlii überall ufe zieht? S gaht so schnell und jetz wirds würkli astrengend wenigstens chasch du din Chline is Laufgitter tue während du ufs WC gasch, mine wett nüd meh wüsse vom Gitter und chunt lieber mit mir mit... mmh eifach kei Privatsphäre meh

Da mir au es Summerchind hend, simmer am afang viel dusse unterwegs gsi, am afang schlafets ja soviel und im Chinderwage isch er eh immer sofort igschlafe, jetz isch natürli alles anderi spannender und gschlafe wird im Wage sicher nüme

Himbeer, toll wegem Job.. jetz chasch din Muetterschaftsurlaub unbesorgt gnüsse. Uii das kenni.. isch mir au so gange woni s erstmal mitem Zug unterwegs gsi bin han ständig Angst gah dass er di ganzi Fahrt wür durebrüelle aber isch zum Glück super gange :) am HB bini bis jetz immer guet durecho mitem Kinderwage, het gnueg (grossi) Lift und au viel Mamis mit KiWa unterwegs wenn mär umeluegt :) han aber au amigs recht müesse sueche... wenn gnueg Ziit iberechnisch, gahts ganz sicher guet.
02.11.15 21:22
Lilly4  		Re: Bräute 2013

Hallo zäme ;)

Ich wird eu dänn bestimmt brichte sobald die chli da isch :) hüt isch wieder en tag gsi mit viel viel schmerze :/ lauf dänn amigs wie en schnägg i dä gegend umenand :p
Elea, bin selber gspannt für welle name mier eus dänn schlussentli def entscheide werdet :D ich hoff die chli wirds eus dänn eifach mache wämer sie gsehnd :)

Ou das mitem 'is laufgitter tue' isch bi eus au scho laaaang vergangeheit :p da wür dä luis die ganz hütte mit 'mama' zämeschreie :D im chinderwage schlafe isch au nur no ganz schwer möglich (muesser wüki todmüed si)! Ich lueg drum immer das mer dihei sind wenner schlafe sött...
Himbeer gnüss es du drum no dasen eifach chasch anelegge und dä nevio dänn au uf dem fleck bliebt hihi ...
Hehe ich han bi dä erschte zugfahrt au voll panik gha :))) isch aber schlussentlich nur halb so schlimm gsi! Und das mit 'gnueg ziit iplane' isch wüki au so! Merk bi mier selber (vorher bini immer uh knapp dra gsi) und jetzt immer schön pünktlich - bis bitz z frühe chch...
Han i dä afangsziit au viel unternoh, bin immer unterwegs gsi, ha abgmacht etc. ... irgendwie isch es eus oder ergahts eus allne glich ;) luschtig!

Ganz en schöne abig allne
04.11.15 10:05
elea 

Re: Bräute 2013

morge zeme

wow 120ml send aber scho recht vell donkts mi himbi! chasch stolz si of de nevio aber gell mengisch hends es mega züg met trenke. mi maa verzellt amigs au dass es es reese Theater chan si bes er de schoppe en rueh trenk :) be gspannt obs met emne neue suuger oder em ne ganz neue fläschli denn beser funktioniert! verzellsch denn gell? :)

haha Emma ja emmerhen chani no ellei ofs wc das stemmt

lily, Emma, bes wenn hend ehr den euchi buebe chöne em Laufgitter ha bes si rebeliert hend? guet euse chlii motzt mega wenn er lenger as 5min muss dene si. aber die 5 min langet mer meistens scho zom das erledige woni muess


sorry zeme aber muss chorz bezeli frust use lo bi euch
weiss ned obi schomol verzellt ha dass, set de chlii of de welt esch, sech d bezihig zo minere Schwimu om 180Grad gänderet het. leider!!!! si nervt mi nomeno, eifach gseit. ond mer send Emmer all johr met de Familie vo mim maa ed skiferie (han das gliebt) ond eigentli wer planet gsi dass mer da johr weder gönd. i ha jez aber mim maa gsiet dass es för mech unmöglech esch ei Woche met sim mami ferie zmache. das geb e Katastrophe! es het ne de natürli mega agorket aber er möchte jo au ned dass das komplett usenander brecht, aso hemmer abgseit. einersits beni gottefroh mussi ned go anderer sits duds mer natürli mega fest leid för min maa :( muss dezue au no sege mer gönd Emmer im Südtirol ed skiferie. das send reini fahrziit fast 6h.wassi ned so cool fende met emne Baby. ond die regel eschs oft zwösche minus 10 und minus 20 grad. was au weder ned so cool fende för es Baby. item, mi maa het das alles ned so tragisch gfonde, das wer de scho gange (papis gsend halt Emmer alles bez lockerer as d mamis ). ja aber so esches jez halt. be froh aber füehl mi au miis... aber sesch wis esch
so, fertig gjommeret ond fertig so vell depro züg vo mer gschrebe


wönsche euch allne e ganz e tolle mettwoch und hoffe bi euch esch höt au entli weder mol d sonne doss :)
04.11.15 12:02
Lilly4  		Re: Bräute 2013

hallo zäme
hallo elea

mir sind grad am mittagesse (dä luis scho gesse) und ich han sooo luscht uf hot dogs, jetzt mach mer die danach gömer sicher no chli use t sunne go gnüsse... sooo schön

hmm das mit dä schwimu isch wüki uh schad gsehsch sie halt jedi wuche mind. 1 tag, gäll? was macht sie dänn dass sie dich so nervt? und s gspröch dämfall nöd wüki ghulfä?
aber das mit dä skiferie verstahni absolut... mim ma sini family gaht au id skiferie und han mim ma gseit dasi nöd mit möcht, wills für eus eifach no nüd bringt, chönd ja nöd go skifahre und au s schlittle isch dä luis no bitz z chli! klar wird ich da bi eus amig mitem holzschlitte use gah, aber das findi isch öpis anders als wenn 1 wuche i dä berge bisch, stell mer das no viel z stressig vor... + werdemer ja no es neugeborene ha!!!! wenns dänn bitz grösser sind isch es öpis anders und ich säg dänn aber immer so es verlängerts wuchenend, meh würi au nöd verträge das langet vooorig wär das evtl. au no e lösig für eu? weisch so 2, 3 täg eifach?! aber für 6h fahrt lohnt sich das zwar au nöd wüki... hoff din ma chans akzeptiere und viellicht gsehts ja nöchscht oder übernöchscht jahr bitz anderscht us mitem verhältnis zu dinere schwimu...
04.11.15 12:12
elea 

Re: Bräute 2013

hallo lily

mmmm Hotdog! da nemmt i jetzt au grad

jo genau i gseh si all Woche, das langet mer fööörig ja esch en endlosi gschecht. chorz zemme fassig esch so: mer hend vorher es bombe verhältniss zeme gha. de esch de chlii ofd welt cho. si het alles kritisiert und besser gwösst. das het för me s ganze vertroue kabott gmacht und jez hani si so ovem kicker dass alles wosi macht nervig esch. weisch esch jo schön het si freud am chliine aber si dreiht amigs so dorre dass me nöm cha met ehre rede. es bispel: de hocke mer am zmettags tesch und i verzelle öpis vom schaffe de fallt si mer es wort und schreit "nei log emol winer de chlii fenger bewegt! nei log emol wi loschtig" fende das eifach bez respektlos alles andere go ignoriere... aber egal, si nervt ond i ertr aber be "froh" beni ned di einzig wo sech das ned chan vorstelle e Woche met de schwimu ed ferie
ja du seisches genau ebe au no, was wetti met emne denn 1jährige die berge mache? schlettle escher zchli ond de ganz tag bi minus grade go omelaufe fendi ned toll... ond em hallebad chasch jo au ned de ganz tag hocke me nervt dass mi maa das ned so igseht dass es sinnlos esch met ehm ed skiferie zgo. i fänds sogar totali geldverschwendig! cha au gratis dehai metem chliine omehocke

wönsche der und em Luis e tolle namitag verusse!

04.11.15 12:48
sonne13 

Re: Bräute 2013

Huhu zäme!

Elea, das mit de schwimu könni... Ich närv mi au nur no ab ihre, sie cha eigentli mache und säge was sie wott ich verstoh dech sehr guet. Würd au ned welle mitgoh. Und d fahrt und temperature findi also gueti argumänt zum deheime bliibe. Hättsch jo denn eh ned viel devo... Schaad dass sich s verhältnis so verschlechteret hed, aber be eus eschs leider ähnlich... Be eus esch so dass mini schwimu gfunde hed nöchst summer chäm sie denn met eus ed ferie ech ha gmeint ech ghör ned richtig!!! Ha de mim maa gseid das funktionieri also sicher ned, denn bliibi ich deheime. Und ich finds en frächheit, sich sälber eifach iizlade! Sie närvt mi so und esch so kompliziert, mi maa seid sälber alle wenn sie ome esch hesch eifach es chind meh uf jede fall chunnt sie ned mit - mir hend e feriewohnig buecht wo 4 bett hed, also gnau für eus. Basta... Die und ehri vorstellige... Schrecklich... Hani gschriebe gha wie sie do hed woni ihre gseid ha mir welled ned dass sie mit em auto mit eusne chind ume fahrt??? Au so en gschicht... Sodeli, jetzt wotti aber nümme länger läschtere, s wätter isch viel z schön für so negativi gedanke hoff mir chömed hütt no use bevors dunkel wird, mit schlofe und zobig ässe isch immer scho so spot bis mir parat sind...

Happy day euch allne no!

Ah jo: dandi bisch scho umzoge?!?!?!
04.11.15 12:48
snet  		Re: Bräute 2013

Hallo Miteinander

@himpi: Gratuliere zum Job!

@elea: Das ist eine etwas verfahrene Situation, vor allem profitiert der Kleine ja noch nicht wirklich von den Skiferien. Aber wie wäre es denn wenn dein Mann ein paar Tage alleine mitgeht? Würdest du denn damit zurecht kommen?

Vielleicht stellt sich ja wirklich die Frage, ob ihr den Kleinen nicht in eine Kita geben wollt, statt dass die SchwiMu auf ihn aufpasst.

Das mit dem respektlosen Verhalten (nicht zuhören, etc.) habe ich bei meiner SchwiMu auch. Mit der Konsequenz, dass ich dann einfach jeweils das Gespräch abbreche.

@lilly: Wünsche euch einen schönen, sonnigen Tag und viel Spass beim Hotdog verdrücken!

@me: Wir fangen diesen Monat mit der Kita Eingewöhnung an.
04.11.15 14:13
elea 

Re: Bräute 2013

ahh sonne füehl mi9 grad besser beni ned ellei met mine schwimu Problem ja gell me esch einisch amene ponkt wome eifach ke ton me vertreit. so müehsam. esch de euches verhältniss scho vor de chend agspannt gsi oder eschs, wi bi mer,esch eklig worde wo chend ome gsi send?

ui jösses selber id ferie ilade esch es aboslut NO-GO ah ond da metem ome fahre verstohni voll. ha das minere schwimu au verbote. wösst ned wosi set he fahre metem chline. fendi ned nötig!

snet i ha mim maa vorgschlage dass er ja ellei chan go. de escher hässig worde ond het gmeint, mer sige e Familie und gienge natürli zeme ed ferie. ja do heter recht, aber me hetti jez da ned gstört wenn er das welle hetti!

ABER... die ganz gschecht het jez grad öbere mettag en wendig becho! min maa wird vorussechtlich nöchst Woche operiert und cha denn 3mt ke Sport me mache. aso send d skiferie so oder so gstreche!!! ach wer jo sooo gern gange


secher snet henders au ned guet zeme? wi eschs denn bi euch gsi? hesch si scho Emmer ned so möge?
ehr gsend si aber ned regelmässig oder?

wie lauft das ab metem igwöhne? gönder eifach mol ei zwöi stond verbi ond denn Emmer bez lenger oder wie funktioniert das? wird secher lässig för de chlii! i denke Emmer das esch doch s paradis för di chliine: Unmenge vo spellsache und neue gspändli zom spele

 1 .. 1823 .. 3643 3644 3645 3646 3647 .. 3702 .. 3757
eigentli   langsam   einfach   Zeremonie   richtig   schnell   Problem   himbeer   schaffe   wirklich   eigentlich   Hochzit   gspannt   natürlich   irgendwie   bearbeitet   Zuletzt   vorallem   natürli   Kollegin