Huhu zäme

Mäld mi au mol wieder. Mir hend erneut en Magedarmgripp hinder eus, diesmol ziemlich heftig und hartnäckig... Hoff mir bliibed jetzt gsund!

Dandi, schön vo der z läse. Tönt noch eme ziemliche paradies hammer!!! Und natursteiwänd find ich sooooo schön. Mir hätted au gärn eini gha, hend aber irgendwie kei passendi wand gfunde und hends do sii loh. Ich find eifach irgend en wand so mache nur wills eim gfallt irgendwie doof... Irgendwie muess es ebe scho es ruumkonzept passe dass es denn au dä hingucker isch wos sell sii... Finded mir zumindescht... Mir hend jetzt eifach im bad d wand bim lavabo so ähnlich gmacht. Det passts guet...

Lilly, hihi, machts süchtig. Mängisch findi au es wär härzig nomol so es chliises schätzeli z ha aber d vernunft seid ganz klar die 2 länged und nomol zwilling - und d chance defür stöiged luut ärzt be eus jo guet - wetti denn definitiv nümm

Eusi mädels sind bombe momentan und ich säg mir au immer ich muess es gniesse, schliessli erläbi das alles nur einisch... Wie sie aaföhnd rede, alles verstöhnd usw, voll faszinierend. De chliine chasch säge: sing s lied vom poschtauto und denn macht sie "diiiidaadoooooo"

Sodeli, muess zmittag choche. Momentan würded die beide am liebschte immer banane ässe... Alles wo irgendwie sauce draa hed oder so mögeds ned wirklich aber wenns blutte riis oder teigware gid, denn schlöhnds zue... Issi halt au furztrochne riis und teigware

Ah jo, ferie, mir göhnd zwe wuche is wallis...

hallo Mädels!

dandi, schön vo dir zghöre! ich bi nur immer neidisch wenni bilder uf fb gseh, eues huus isch ja bombig

lilly: ui nei also mir händ ja au es eifachs baby aber ich denk nonig anes zweits. ich denk zwar scho dasses namal eis wird geh, aber ich has überhaupt nöd pressant momentan. ich ha immer gseit s zweite gits erst wenn sich de erst d Hose selber cha alegge

ich ha ebe selber au e trageberaterin da gha wo mer jetzt au erklärt hät wie mer ufem rugge cha träge. jetzt hani d händ komplett frei, isch scho super. und ja, dasses sooo viel schöni tüecher git, hilft natürli au, haha. in erster Linie findis für mich eifach spannend die usbildig zmache aber natürli hani denn au nüt degäge wenni die eint oder ander beratig cha mache.

da sind mer bim andere Thema:
ich ha für das Jahr no kei ufträg als traurednerin, aber endlich sind mini facebooksiite und mini website fertig worde, das hilft sicher au bim marketing. ich ha eu natürli e iladig geschickt. ich bi froh um Vitamin b ;-)

kleinefeder: man kann ab geburt auf dem rücken tragen, im einfachen rucksack. meiner ist 3 monate und 3 wochen alt, wir haben mit drei monaten auf dem rücken angefangen, aber mehr weil ich mich vorher nicht getraut habe. ab sitzalter geht dann auch der double hammock, diese trageweise erst später weil mehrere tuchbahnen über den rücken des kindes gehen und der druck höher ist.

idealerweise lässt du dir von einer beraterin anfangs zeigen, wie es geht. ich habe anschliessend immer vor dem bett und mit spiegel geübt zur sicherheit. ansonsten gibt es auf youtube viele videos.

Guete morge mitenand

Sonne, scho wieder magedarm? :-( das isch dänn doof!! Aber hoffe fescht es gaht eu unterdesse wieder guet ;)

So schön elea <3 haha das mitem chueche isch bi eus genau glich gsi :p dä luis hät au a sim erschte geburi s erscht mal dävo dörfe esse und e riiese sauerei gmacht (zum glück simer i sonere hütte gsi hihi)

Me, bin am sa s erscht mal wieder in usgang und erscht am halbi 5i is bett cho! Es isch uuuh lässig gsi aber machi niemeh haha am halbi 8ti nàmli scho wieder ufmüesse und dänn hämer no bsuech gha, hilfe! Däfür bini geschter am 9ni is bett und t estelle sogar 9.5h am stuck duregschlafe (rekord) :)

Elea isch das dänn wie osteopathie? Falls ja wirds sicher super si... ich bin mit beidne zume guete osteopath und er hät ihne sehr ghulfe, chani also wärmschtens wiiterempfehle ;) die chnöpf händ ja au einiges müesse mitmache bi dä geburte und so werdet die spannige etc. glöst, echt super sach!
Was mer e anderi kollegin verzellt hät, ihre chli isch au vo eim tag uf dä ander schreiend verwachet und hät sich nüm anelegge lah, über wuchene (isch scho 1 gsi) das segi anschinend so e phase... jetzt isch es aber zum glück besser worde (gsehn sie am mittwuch) dänn verzellt sies mir no gnauer... brichte dier dänn? :)

Hoi zäme

Oje sonne, das tuet mir leid, isch sicher uu härt gsi.. vorallem wenns au dich flachgleit het.
Mir hend leider au e chranks Schätzli gah übers Wuchenend. Ufd Nacht vom Fritig het er s erstmal i sim Lebe müesse erbreche, es isch mega schlimm gsi, de arm… het denn au chli Fieber gah und mag sit denn chum öpis esse und het gschlafe gschlafe und gschlafe. Aber zum Glück gahts ihm scho wieder besser.

Elea, so schön hender de 1. Geburi gfiiret, ich wünsche am chline Ma alles Gueti! Wie isches dir ergange? Ich bin sooo emotional gsi adem Tag ihihi isch bi eus au so gsi, s erstmal Schoggichueche… er hets gliebt und isch uf allne Föteli miteme dreckige Müüli druf! Ou nei, das tönt härt mit eune Nächt… het bi eus au mal ganz ä schlimmi Phase gah, vilicht au ca. um jährig ume, weissi gar nüm gnau. Ich bin mitem au id Cranio aber eus hets leider nöd viel ghulfe, han kein Unterschied gmerkt aber weiss au vo Chind wo’s super gnützt het, drum isches ganz ganz sicher en Versuech wert, ich wünschs eu uf jede Fall… es hänkt so a, gäll...

Lilly, wow das nännt mär aber USGANG! Ich chönt das definitiv nüm ahaha aber freut mi zläse dass Spass gah hesch, het bestimmt au guet tah. Mir hend am nöchste Sunntig e liechteri Form vo Usgang ufem Plan Kino und denn go zNacht esse, freumi jetz scho.

Ou snet, sonen arme... was isch denn das für en Infekt gsi? Zum Gluck gahtsem besser!

Schöne Tag allne!

Danke viel mal, s isch würkli trurig wenn so chlini Chind chrank sind hüt bini im Büro und mis Mami het mär vorher gschriebe das er guet zmorge gässe het, also scho mal ufem Besserigsweg

Jöö ja ebe gäll, das isch mir ebe au immer dur de Chopf... er isch keis Baby meh!! Die Ziit rennt eifach, s isch scho wahnsinnig.

Mir sind 3x id Cranio und ich han leider kein grosse Unterschied festgstellt aber han zB e Kollegin, bi ihrem chline hets super gnützt und ich han allgemein viel guets drüber gläse (drum bini au gange) drum ebe.. nützts nüd, schadts nüd, aber en Versuech isches ganz sicher wert! Bi eus hets denn eifach irgendwenn besseret, er schlaft zwar nonig konsequent jedi Nacht dure aber das stört mi au nöd, bin amel nur scho froh wenn er mehreri Stund am Stuck schön pfüselet