guete morge zeme

er schlaft am morge 1h und nachem mettag 1,5h. glaube aber er brucht das de tag dor no mega. er wörd oft sogar no meh schlofe aber de wecke mer ne.

du besch mega guet hesch beid mol gschafft met de tröpfli!

wönsche allne e schöne mettwoch!

Ja er isch ja au no chli... dä luis hät au bis vor churzem no 2x gschlafe und häts au extrem brucht gha (suscht hätsch en nöd chöne bruche :p)

Säg nüd! Dänk mer amigs selber wienni das 2x so gschafft han :D aber isch natürli toll :)

Guten Morgen Miteinander

@elea: Wie läuft es bei euch? Ist es schon besser mit den Nächten?

@lilly: Gut, wenn man ja schon weiss wie es beim ersten Mal war, dann kann man das nicht mehr all zu gut verdrängen. Aber ich habe es wirklich sehr gut verdrängen können bis anhin :-) Hatte ja auch einen KS.

@städtetrip: Wir wollen nach Skopje Ende August! Habe ein mega lustiges Hotel gesehen, ein Schiff (aber festgemacht) mitten im Stadtzentrum.

@himpi: Viel Spass beim Babyschwimmen, M. war vor 1 Monat das erste Mal im Hallenbad und hat gequietscht vor Freude.

@me: Bei mir geht es gesundheitlich gerade ein wenig rauf und runter. Sieht so aus als ob ich ein Medi nicht vertragen habe und nun mit Schlafproblemen und Engegefühl in der Brust konfrontiert wurde. Es wird sicher bald besser werden.

guete morge zeme!!

himbi wie eschs em babyschwemme gsi? hets em chliine gfalle zeme metem papi? :)
nei, heter scho brei gesse? wahnsenn das esch natürli super wenn ers euch so eifach macht

snet, skopje esch aber ganz e spezielli ort för en städtetripp aber fendi mega cool! secher vell priiswerter wie zb London oder so und das metem scheff tönt au ganz cool! wenn wend ehr denn go?

hey s beld wod mer gscheckt hesch vode Fasnacht esch soo cool! ha au grad lost gha mi zverchleide. vorallem wenn al s gliche Thema hend esch das mega

ui das esch en mega seich weg dine medis. das schiint demfall recht schwerig zsi die rechtig izstelle so dass keni grobe nebewirkige hesch he? mag mi erennere dass das au scho es Thema gsi esch gell?


me: getroue mi langsam fast nömmme zjommere do enne nervt mi selber wenni Emmer so negativ schribe.... aber die letscht Woche esch so so Horror gsi. de fritig esch ganz toll gsi.. vom 23.30 bes am 5.15 esch er hell wach gsi! und 2h devo heter durchgehend gschroue d ziit woner es neugebornigs gsi esch, esch wie ferie gsi em verglich zo dem ja be jez gester weder ide cranio gsi. aber mis gfüehl seit mer dass si nüt chan mache ergendwie.... si het jez au gar nöm gross öpis gseit was bim chliine ned chönt guet si. so winis verstande ha fehlt ehm nüt. sesch meh bezeli mami-Therapie stund gsi gester

so i wönsche allne e super wochestart und mache mi jez ol uve weg rechtig kaffimaschine

Halli hallo mitenand

Au für mich wieder en Bürotag hüt

Ou nei elea, das tuet mär mega Leid zghöre dases nöd besseret. Ich verstahn dich... mir hend zwar nie so langi Wachphasene gah aber euse chlii isch es ziitli lang mega oft cho ide Nacht und das schlucht brutal, vorallem wenn denn no muesch go schaffe. Was het denn d Hebamme gmeint? Letzt mal bisch ja recht zueversichtlich gsi...

Helfe mit Tipps chani leider nöd aber vilicht als chlini Hoffnig... bi eus hets eifach so, vo eim Tag uf de ander besseret, s het irgendwie eifach sini Ziit brucht. Hoffentli isches glii besser und du chunsch zu meh Schlaf und meh Chraft, en Kaffi isch sicher scho mal en guete Istieg in Mäntigmorge

Snet wie isches gsi ade Fasnacht? Het de chlii Freud gah? Mir sind gar nöd so d Fasnächtler tuet mär Leid weg dine Schmerze... hoffe isch bald besser.

Jöö himbeer, mir sind au is Babyschwümme, bi eus hend immer beidi Eltere is Wasser dörfe, hani no lässig gfunde, isch sowieso mega süess wie's amigs gmacht wird. Aber isch super wenn du chasch Längene schwümme und de chlii mitem Papi im Wassser isch, so Wuchenend-Kürs sind ebe scho super!
Wegem Brei, mmmh scho so lang her ich han au immer alles frisch gmacht aber d Frücht nie igfrohre, han nämli gfunde dass sie nachem uftaue so "wässerig" gsi sind. Han drum immer so 2-3 Tagesportione gmacht und im Chüehschrank ufbewahrt. Ich han d Banane uswärts erst mitgno wo er agfange het "Stückli" esse, so hani sie nämli eifach chöne verdrucke.. sust hani für unterwegs eifach immer Öpfel/Bire (spöter no Mango oder Pfirsich drigmischt) und wenn Öpfel und Bire chochsch denn wirds nöd bruun

himbi das tönt super metem babyschwemme. esch wahnsenn wi si das amigs usnocked gell und cool kennt din maa grad au no paar anderi papis. das machts doch dopplet lässig för ehn :) Sender bi firstflow oder en lokale abieter?

himbi wenn i am nomitag underwegs bin denn nemi en fröschi Banane met und vermatsche die met enre gable. imene separate becherli nemi Birne mues und haferflöckli met. s Birne muess wird ned brun wennis amigs es zitli die täsche ha. Banane halt scho drum vermatsch ich die frösch. denn bruchi nomeno wasser und fertig. wasi amigs mache weni fuul be send die poutchys ge. also so Baby brei in büttel. de chasch direkt ove löffel use quetsche und ge. oder jez woner grösser esch chaner au selber use suuge. i fende die vode marke holle super. esch alles bio und het wörkli gar kei zuesätz oder so! http://www.holle.ch/de_DE/unsere-produkte/bio-pouches
wells aber recht is Geld goht hani jez so büteli kauft wome selber chan befülle. de dueni amigs de brei det ine und underwegs gebis ehm. de blibts au frösch. das machi aber eifach nor wells denn weniger gsou geht as weni de brei jewils frösch muss mache underwegs. goht halt schneller.

Emma merci för dini ufbouende wort. ja gester die cranio het si gmeint mer sellet ehn i sim bettli loh schreie ABER eifach bi ehm si. nebe sim bettli. aber i kenne ehn, das goht ned. de wird er mega hässig well mer bi ehm send aber ehn glich ned usenämet. und wenn er bi eus ovem arm scho 2h brüehlet de gsehni de senn devo ned ehn denn stondelang em bett lo brüehle ond nebe dra zhocke. en kollegin het mi jez no of en Idee brocht. i ha jo scho öfter gschrebe dass die schlofproblme agfange hend set er 6mt alt esch. was genau au de zitpunkt esch gsi, woner met esse agfange het. vellecht vertreit er ergendwie öpis ned so guet. esch eh komisch, er esch en meeegaaa süüfer (stelle ja no morge und zobe und de tag dor trenkt er min. 3dl wasser) aber sis gaggi esch oft recht hert. vellecht bechont er zvell Getreide oder so. i probier jez mol sini ernöhrig bez umzstelle, mol luege ob das öpis brengt....
ja d Hebamme esch Emmer no zueversichtlich dass es besseret aber ergendwie passt mer die Methode ned metem nebe dra hocke und lo schreie. do stemmt för mech s buuchgfüehl ergendwie ned....