hihi lily i ha au ned soo oft s Bedürfnis zom zobe fort go. ab und zue eschs schön aber i gnüsses halt au mega de obe dehai met mim maa gmpetlich z verbringe. i verstoh di guet wie laufts eigentli bide job-suechi?

ja wi du seisch jedes chind esch anderst und ergendwie muuess me eifach usefinde was passt. has gfüehl er esch jez eifach ready gsi. set her esst er au winer weltmeister. er esch doch Emmer sooone theäterli gsi bim esse. ond jez biiget er ine as wörd er verhungere. guet chan natürli scho au si dass er so d stillmahlzite us de nacht muss ersetze woner jez jo nöme het. ja egal, chinder sind es rätsel und i be froh hemmer jez mol bez en weniger astrengendi ziit. i gnüses so mega entli weder rechtig Energie zha (au för ehn)

Gahts dier au so elea? Hihi... gäll!! Ich gnüss es ebe au mega... klar isch au mal schön en abig für sich z ha :) aber mir sind au viiiel lieber dihei :D und da t chind (dä luis zumindescht fix) abem 7ni schlaft, hämer au no gnueg ziit für eus! Vorallem dänk ich mier amigs sie wachset eh scho so schnell :-/ wotti so viel wie möglich mit ihne si :) wird bestimmt au die ziit cho wos dänn mal nöd so viel vo eus wüsse wend :p chch

Wüki super händer e lösig gfunde und häts dä chli so schnell akzeptiert ;) mer seit ja das es bis zu 2 wuche chan gah bis mer en 'erfolg' gseht...
Ohjaaa, gnüss das mitem erholt si! T estelle schlaft zwar nöd mega schlecht aber ich muess glich es paar mal ufstah zum dä nuggi gäh und dänn risst sie mich natürli jedes mal usem tüüfschlaf und am 8ti startemer dä tag z dritte ! Bin froh wenn sie dänn mal richtig dureschlaft... aber sie hät scho no bitz ziit, isch ja no so chli :)

Hoi zäme

Danke, gaht mir scho viel besser, de gestrigi Früheligstag het sehr gfhulfe und de Chlii hets zum Glück gar nöd würkli verwütscht. Herrlich das Wetter, gester sind mär de ganzi Namittag uf de Spielplatz und hüt gönd sicher d Grosseltere mitem Chline use ich wird am Mittag bitz Sunne tanke, muessmär eh no öpis z'esse bsorge

Ohhh eleaaa sooo schön, das freut mi mega mega mega fest zläse, super hets klappet und nach sonere strenge Phase isch s'schlafe grad wieder so wertvoll gäll mir hend sis Bettli au no bi eus im Zimmer, eigentli schlaft er jetzt sehr regelmässig d Nacht dure aber irgendwie hani bitz "Angst" das wenn mär wieder s Bettli züglet alles wieder vo vorne afangt drum zögeri da no bitz... und gnüsse die Hammer Nächt ihihi jööö und das er jetzt so inebiiget mit esse isch sicher au toll zum zueluege, so herzig!

Gaht mir au so wie eu... mir gnüsset d Ziit dihei sehr, wenn mär mal usswärts gönd go esse (vorallem a spezielle Aläss) denn gömmer bi Ziite use, dass mär sicher au am 8 dihei sind zum ihn is Bett tue, das isch mär wichtig wow schön hend ihr am 7ni scho Fiirabig... mir esset um die Ziit erst zNacht

Zuletzt bearbeitet am 22.02.16 10:07

morge zeme!

hender gmerkt dass euse Thread churz archiviert wurde esch höt? ha de em Admin en PN gmacht und jez hend si ehn weder verschobe. zwar ine anderi Sparte aber das spellt jo ke rolle sost hette mer müsse en neue ufmache. wer zwra ned schlemm gsi aber schad um eusi 3670 Site

Emma, schön gohts euch weder besser! das züg wo ome goht esch mega hartnäckig....
ui ja verstoh di guet wege de "angst" ehn weder uszquartiere. gell wenns scho guet lauft wet me ned unbedengtt öpis dra ändere, ned dass es alles öbere huufe rüehrt ...


am sonntig semmer no die Kambly gsi z Trubschache. Kenne der secher oder? Mer hend för 100.- Züg kauft und momentan ernähre mer eus nor vo dem ganz schlemm

ja die hend det e reesige Fabriklaade wod jedes Chrömli chasch probiere und au zo guete Priis chasch chaufe. sesch mega groos, het au es Kaffi und so, esch wörkli en Usflog wert. Send vor paar Johr mol gsi, aber jez hend sis schön neu renoviert. mer hend 2kg salzigs und 1kg süesses kauft

ja för euch wer das e super usflog metem zog! mer hend eus zerst au öberleit metem zog zgo, aber de hette mer pro Person 90.- zahlt ehr hettet auä sogar en direkt zog, ned?
du i ha das au ned gwösst. han mega vell züg gseh det woni nonie gseh han die läde. vell so Cracker ala darvida und au so em stil vo Protein regel. ja för euche chli wer das s paradis
http://www.kambly.com/de/ausflug/678/Aus...tal-Schweiz.htm

wahnsenn was er mag hindere biige! gleb so vell mögt ned emol ich bi eusem chline esch glaub au entli de grosche abegheit bim esse. em verglich zo glichalterige esst er emmernonid vell,aber för sini verheltniss eschs wahnsenn eifach metem rechtigem esse eschs no bez schwerig. do het er ergendwie emmerno s gfüehl es sig spellzug.

ja höt esch allgemein bez e unmotivierende tag. so grau und doof... bi mer vorem bürofenster boues de ganz morge scho en Kran uv. das esch min fernseh