hallo mitenand!

ui lilly, das isch ja herzig mitem Arzt! mir sind letzt wuche au i de Kontrolle gsi und händ namal geimpft, isch alles super gloffe. haha de chli isch mega verschrocke wo d praxisassistentin d waag füregno hät und hät dasmal scho vorem impfe brüeled, jänu.

mir händ au grüens liecht übercho zum d babyschale usem kinderwage neh und händ jetz de sportsitz montiert, jetzt gaht chinderwage fahre no besser. bi hüt au s erst mal sit ewige ziite wieder mal mitem wage i de Stadt gsi, mit öv fahre und allem und es hät super klappt.

ui was isches für en job? viel Glück scho mal fürs Gspräch! und zügle isch ja au scho mega bald!

so, min letzte monet Mutterschaftsurlaub isch abroche. gaht sicher mega schnell verbii die ziit… ich freu mi sehr wieder es paar täg go schaffe, aber irgendwie bini glich wehmütig wills so schnell Gange isch. bald fangt igwöhnig ah und d grosis müend mer au langsam iischaffe, haha.

Hallo Miteinander

Wie geht es euch?

@lilly: Wann hast du das Vorstellungsgespräch und für welchen Job?

@himpi: So gut, dass ihr nun weniger Stress mit dem Kinderwagen habt. Freust du dich schon wieder auf die Arbeit?

@me: M. hat seine ersten Schritte gemacht. Mal schauen wie schnell es nun weitergeht.

Und München haben wir auch noch gebucht.

morge zeme

himbi wie vell % gosch denn wider go schaffe?

snet, cool gosch demfall met de kollegin uf münchen?

lily, wow 250 bewerbige und du hesch di döfe go vorstelle? do döfsch der aber scho bez öpis druf ibelde dröck der fest duume dass morn e positive bscheid bechunsch!

snet, euse chlii set sech e schiebe vom M. abschniede. er esch leider gar ke vorsichtige und kennt ken schmerz. jez au bim avo laufe, er wet Emmer sekle und tschegget ned dass er mol müsst avo met langsam laufe.
ah aber europapark esch denn kes Problem för si wegem Geld? meine ech ja au ned gratis...

höt am mittag hend mer tickets förs greenfield öbercho. gönd aber nor 1 tag god red hot chilli peppers luege, mer send reese fans jez beni am luege was mer denn metem chline mache. esch en mittwoch obe. und mer werde sicher spot hai cho. mol luege ob eus vode grosis nachtwach mag halte

ja das stemmt, e meschig us beidne wer guet

ja well si hauptact send denki spele si spoht. ja er het nonie uswerts öbernachtet und i weiss ned obi ready ben för das

hoi zäme!

ja bi eus lauft au einiges…
ich wird am 4.4. wieder 50% zruggah. zum Glück chani immer abwechsligswiis 2 und 3 täg go schaffe, denn muessi nöd wäg eme halbe tag id Stadt fahre. ich freu mi sehr druf, aber lustigerwiis hani mi ganz am afang nach de Geburt no meh druf gfreut als jetzt. mittlerweile händ mer eus ja guet igspielt und jetzt wird halt alles wieder über de huufe grüehrt. aber ich freu mi sehr!

min näbejob nimmt au langsam fahrt uf: ich ha letzt wuche 2 Gespräch gha mit interessierte Brautpaar für mini dienst als traurednerin und beid händ mer zuegseit! ich mach jetzt dasjahr also sicher scho mal 3 hochzite, das freut mi natürli au sehr!

euse chnopf dreht sich ist letzter wuche uf d siite, das isch au en riese fortschritt. ha scho gmeint de bewegt sich nie, haha.

ou jetz muessi echo wieder los, ha no mitere kollegin abgmacht. immer de stress...