guete morge zäme!

elea, wenn chan dänn din ma am neue ort afange? freud er sich sicher scho mega schön häts klappet!

macheter eu dämfall langsam as zweite? so schön!!
verstahn di wegem stellewechsel... also EIGENTLICH müsst där das glaubs egal si, aber ich wär au so dasi es unguets gfühl däbi hätti wenni wüsst dasi gli mal s zweite möcht und dänn ame neue ort wür afange :( vorallem dänket die sich das dänn wahrschindli eh au selber oder fröget eim sogar! ich wür mer dänn glaubs selber is eigete bei schüsse
gfallts dier dänn gar nüm am jetzige ort?

of 1.juli foht er am neue ort ah. jo er esch usem hüsli. er het wörkli "glette" die letschte mönet, eifach wegem zwöschemönschliche... be so happy hetter en neuafang! und bez meh lohn schadet eus au ned

haha, aso nonid höt und morn aber mer wend secher es 2ts. vellecht dass mer em herbst mol ufhöret verhüete und luege was passiert aber ebe vellecht packts eus au früehner oder mer seget denn mer send nonid ready.
ja si döfe jo bimene vorstelligsgspröch gar ned frohe wis met familieplanig usgseht, und eigentli döfscht jo sogar verschwiege wennd scho ss besch,. aber i chönt das ned, wet ehrlech si metem arbetgeber.
muss so sege, i liebe d arbet woni do chan mache, aber d stemmig esch sehr astrengend do. do i aber nome 3 täg schaffe, glengts mer oft de grend abe zhebe, d ohre zue zmache und velles z ignoriere
besch scho nervös wege dim gspröch nöchst zishctig? hesch di jez no a andere ort beworbe oder wartisch mol das gspröch ab?

elea, JETZT bini nonig nervös aber am 29igschte dänn sicher bin gspannt was die so säget etc.!

ja bitz meh lohn isch natürli au nöd schlecht hihi da seit mer natürli nöd nei hihi

dämfall CHANS scho das jahr los gah mit probiere bi eu?! juhu ... freu mi dänn scho wenn en bricht chund chch :p obwohl mier im moment nöd schwanger wend werde und es vermuetli au bi eusne beidne bliebe wird (händ gnueg z tue mit däne zwei ) dänk ich mier immer das es eifach s schönscht isch und ich es sicherlich es paar mal wird vermisse, schwanger werde, schwanger si, es babeli z ha und und und
dä luis hät leider grad so e uuultra asträngendi phase, mein gott!!!! hoff die gaht bald wieder verbi :) jetzt hani grad beid is bett ta... hani wenigstens bitz ruhe und chani wieder energie sammle!

mir händ no dä zügeltermin becho, isch sogar 2 wuche vorher!! han jetzt grad no es putzunternehme organisiert und 2 professionelli zügelmänner wo eus am zügeltag für 5 stund helfe werdet! bin aber scho froh wämer dänn alles gschafft händ und ich afange iruume und dekoriere chan wird aber bestimmt stressig... zum glück nähmet mini eltere die chline zwei, so chömer eus voll und ganz uf s zügle konzentriere...

hui elea, so schön druck eu dänn fescht t dumme das es schnell ischlaht

er isch im moment irgendwie i allem ober mühesam! wot alles uf s mal, wenns em nöd grad gisch schreit er umenand, lost nöd zue und und und isch wüki grad sehr asträngend mitem! aber das isch (nimmi mal a) normal! händ bestimmt all chind ihri phasene... und meischtens wenn die überstande isch sinds wieder ängelis :)
mini einzig rettig isch das beid dureschlafet... suscht chöndsch mich im moment echt iliefere

han ebe au sgfühl und wird däne 2 zügelmänner grad arbet ufdrucke die müend sicher mal die grosse möbel, bett, schränk etc. usenand schruube und i dä neue wohnig wieder ufbaue, dä chli kramm chönd au guet mier mache... min ma isch handwerklich ebe nöd so begabt
bin au uh froh das t wohnig putzt wird, da hätti glaubs def. kei nerve däfür! und han es guets agebot, au für die 2 zügelmänner, uf deindeal gfunde!

isch eue chli dämfall au grad inere asträngende phase? (teubeli)

Hihi dänn freu ich mich uf din bricht mitem startschuss und bibere dänn mit eu mit ;) <3

ja isch wüki sehr asträngend im moment :-/ janu, da müemer jetzt wohl dure :)
Das isch echt viel wert schlafter so guet und die chli au mitlerwilä vo 8 bis 6 (sie isch ganz e ruhigi schlöferin) sooooo herzig! :) dä luis eher es fägnäscht :p bi eu unterdesse au guet mitem schlafe? Das isch halt scho uuuh viel wert findi! Ich mutier ja zume monschter bi schlafentzug :p

Es isch ebe so das mer ame dunnschtig MÜEND zügle, isch ja en neubau und mir sind so zueteilt worde und ich möcht vo niemertem verlange wege eus extra müesse frei z näh :-/ aber min schwager und brüeder werdets vermuetli glich mache :) also sinds 5 männer und ich haha hoff das langet dänn!?

Hallöchen Zusammen

Wie geht es euch allen? Habt ihr schöne Ostern verbracht? Ich war ziemlich oft im Fitness :-)

@elea: M. kann also auch ganz schön Teubelen... Aber du, oft ist er dann wieder zuckersüss :-) Gestern hatte er keinen Mittagsschlaf, aber ist auch erst um 11 Uhr aufgestanden :-)

@lilly: Also wir haben mit 3 Zügelmännern gezügelt und innert 5h konnten sie wieder gehen. Und das inklusive Demontage und Montage.

@Emma: Was ist mit Deutschland? Ich habe ja auch erst gerade einen Flug gebucht und nur 160.- für Mai bezahlt.

@me: Hmm, die letzten beiden Nächte war ich wieder nervös, aber konnte dennoch gut schlafen. Und diese Nacht hat es ja geklöpft und gestürmt, dass es nicht mehr schön war. Und ich Doofi habe heute Morgen den Schirm im Bus liegen gelassen.