morge zeme

hender all schöni ostere gha?

wow lily, d estelle schloft scho jez vom 8ti bes am 6i ohni einisch zrüefe? wahnsenn! so super wie euchi chend schlofe wördi aso no es 3ts mache
bi eus esch underdesse au sehr guet. er pennt vo 7i bes 5i. er stoht zwar sehr frühe uf, aber i motze nieniehmeh wege sim schlofe, das jez esch LUXUS

ah ja klar do hetti mi jez au gar ned deför d kollege drum bitte frei zneh! klar mieche sis, me miechs jo au för si. aber ebe, i het mi au ned deför...

ja hesch recht Emma, eigentli gohts de Chef nix ah, aber i ha scho es schlechts gwöse gha woni be go MM abpumpe, obwohl eim das als mami jo zuestoht

hihi, ja i hoffe au uf guets esse z Elba. aber italie entüscht eim jo nie mer hend zerst welle weder metem Wohnmobil ferie mache. aber die regel hend die ke isofix denn und de hette mer müsse luege weg emne Autositz miete för de chli. da het mer denn gstunke. mer gönd jez met eusem eigete Auto, und fahret jewils überd nacht. send ja nor 7h und de no 1h met de fähri. do semmer scho vell länger dorre gfahre

mm... und wenner of österich gönd, oder es elsasse? alles gnue noch zom metem Auto go för es paar täg und glich total anderst so dass es rechtigig ferie send?

oh jö, het er e grossi mami ohase grad? ja Emmer schön gnüsse, plötzli wend weder nüt vo eim wösse und je eltere si werde je weniger wird kuschlet, drom muss me jede Moment ufsuuge

wönsch euch allne e guete wuche start!

Hallo zäme

Jöö emma, hät dä chli grad e mami phase? So herzig... bi eus däfür grad dä papi gross im kurs :p nur wenner umgheit oder müed isch isch dänn s mami doch s bescht chch ...

Oh snet, das macht mer muet :) mer händ jetzt 2 zügelmänner für 5h und ebe min ma, schwager, brüeder und "ich" :D hoff bringets ane!! Müend alles a eim tag züglet ha inkl schlüsselübergab a dem tag (wo eus ca 1h choschte wird) aber irgendwie gaht das dänn scho! Freu mi uf jedefall scho mega!

Elea, das isch doch e super lösig mir über t nacht fahre... grad geschter hät min ma gseit daser das unbedingt mal möcht mache :)
Mir händ jetzt die letscht aug. Wuche buecht, gönd für 1 wuche uf sizilie zu mine grosseltere (wend natürli au gern t estelle kennelerne hihi) und dä luis wieder gseh :) für das jahr sind das eusi einzige ferie, aber isch ok, glaub dä ganz umzug wird scho gnueg action si! Hotelferie würi dänn gern 2017 mache :D

Ja elea, sie schlaft tatsächlich vo 8ti/halbi 9ni bis halbi 6i/6i! Ohni eimal z cho (also sit paar wuche isch es so) wüki wahnsinn!!!! Bin selber mega überrascht, aber gnüss es natürli au :) chan sich ja schnell wieder ändere :-/ sie isch allgemein eh uh ruhigi schlöferin, mer ghört kein mux chch... han mi ma au erscht grad gseit, hättemer es dritts wür das def s schlechtischte schlafbaby si :p hihi so viel 'glück' hät doch kein mensch :)

Bin grad vom vorstelligsgspröch zrug cho... endi wuche sötti bscheid becho!? Bin gspannt...

Zuletzt bearbeitet am 29.03.16 11:58

guete morge zeme

lily, ja i hoff das klappet met die nacht fahre. :)
gönd ehr denn metem Auto uf sizilie oder flüge der?
du, jez hender 2 so super schlöfer, do vertreits au mol eis wo ned so guet schloft hihi, nei aber me weiss jo nie wis wird. und mer hends jo au scho devo gha, zum glöck vergesst me vell hach em Moment denki shco vell dra wie schöns wer weder schwanger zsi. aber de chopf seit mer i sell no paar mönet warte bes de chlii grösser esch
super esch dis vorstelligsgspröch guet gange! wörd der denn gfalle i dere Firma? be gspannt wie si der bscheid gend!

ou himbi, restauranttips nemi sehr sehr gern a! mer wohnet in Nisporto am nord-ost-zipfel. besch demfall schomol gsi? be för jeglichi tips dankbar

snet:

---

(gar nicht nützlich :-))

hallo zäme
gahts eu allne guet?
ich ha grad mini mittagspause

elea, nei mir sind ebe no nie über t nacht gfahre, aber mim ma sini schwöschter macht das z.b. immer so (hät 3 chind) und sie seit isch perfekt eso... und min ma möcht das ebe au unbedingt mal mache hehe chasch eus dänn ja nach eune ferie brichte
mir flüget nach sizilie... wär suscht bitz e z langi reis und t estelle isch zu dem ziitpunkt 10 mönet, dä luis 2i (muess dänn scho en eigete sitz ha ) freu mi uf jedefall scho mega!

snet, wo gönder dänn gnau hi z griecheland?
mir sind nur mal in kreta gsi isch jetzt aber au scho es paar jöhrli her!

aha, nei zum zügle hämer scho dä ganzi tag ziit! die 2 zügelmänner hämer eifach für 5h buecht... isch so es agebot gsi uf deindeal häsch chöne für 3 oder ebe 5h bueche... mal luege wie das use chund! freu mi druf, aber au wenns dänn gschafft isch!

haha elea ich glaub imfall bi eus bliebts wüki bi 2i chind au wenns s schönscht isch und ich sicher no viel mal sehr wehmüetig si wird wenni rundherum schwangeri wird ha, babelis gseh etc. aber es isch halt scho öpis anders mit 2i, es gaht guet, aber isch glich anderscht und da eusi so nöch zäme sind erscht recht natürli... drum mach mers da glaubs nöd no 'schwerer' als es suscht scho isch und gnüss es eifach! ich weiss natürli nöd was i 3, 4 jahr si wird (wür ja au no vom alter her passe) aber ich dänk dänn gnüssemers au das mer mit ihne au chli anderi sache unternäh chönd... das isch dänn glaubs au mega cool!
uf jedefall freu ich mich jetzt scho uf all eui baby news hihihihihi fiebemer dänn überall mit

s vorstelligsgspröch geschter isch glaubs no guet gange... aber find mer chans uh schlecht ischätze... jetzt mal abwarte uf dä bscheid. gfalle wür mers uf allfäll wär bi dä stadt züri.

haha snet, da met de Sandwich esch wetzig leib gmeint vo dim maa, aber voll ed hose
denn gönd ehr ja au scho gli ed ferie! send nomeno bez meh as 2mt! e Woche gell? esch s erste mol das de M. am Meer esch?

was stoht denn alles ov dere to-do-liste?
ja send genau 7 Woche! jetzt eschs no mega vell vode entwicklig her, aber eigentli eschs nix :)

lily, i i seg der denn wis gloffe esch met fahre. hoffe i muss denn ke Horror Storys verzelle

wenn si 10mt und 2 send esch flüge secher au scho recht easy. und ehr send ja denn s2te, de cha sech jede um eis chend kömmere

wenns der wörd gfalle bide Stadt züri, den dröcki natürli dopplet dume dass si e positive bscheid gend!!!!

himbi, vo Porto azzurro hani scho mega vell positivs ghört. mer send nor z nisporto well mer det en ideali wohnig gfunde hend wegem chline!
hey cool, schrib der grad en PN. scho jetzt merci vell mol! neme jede tip dankbar a