OK ha ebe s Gfühl fangt au langsam a mit nur no 2x schlafe... aber irgendwie muessi glaubs eh alles ummodle sit sie zwei im gliche Zimmer schlafet möcht dä Luis jetzt au immer is Bett wenni die chli hindere tuen hüt händs, mitenand, am morge gschlafe und jetzt au grad und am abig au zäme

Hmm komisch wegem usschlag, vertreit er dänn echt öpis i dem breili nöd? T estelle hät au mal so en usschlag gha aber det hani im nachhinein eher s gfühl gha isch vom zahne cho...

hallo zeme

lily, schön hender en tolli taufi gha! besch haha und dass de Luis grad met de estelle wet go met pfuse wördi aso voll usnötze

i ha em fall grad s gliche denkt wid lily, well du schribsch dass es nachem nomi brei cho esch. hender öpis neus igfüehrt? för Baby Neurodermitis esch er fast scho bez z alt oder geht's das met 6mt au no? eventuell ribsched ehm au de pully oder so am cheni? ja es geht Emmer tusig möglichkeite und bes me denn usefendet a was dass es liit eschs scho dorre
ui so schön het si es meiteli becho! mega mega ufregend und schön mer hend am wochenend au bombe News becho! de brüeder vo mim maa und sini frau bechömet em November au es Baby! das heisst es geht entli es witers chend die Familie. mer hend scho so lang druf ghofft dass euse chlii entli mol e Cousin oder en cousine bechont jez hani mega freud

snet, was esch denn ned guet ade Putzfrau? macht sis ned ordendli oder esch si z langsam?
wet denn din maa kei wohneigetum?

Moinmoin zusammen

Schon lange ist hier nichts mehr geschrieben worden.

Ich habe nun meine Laser-OP abgemacht und habe den Termin Ende Juli, bin schon ein wenig nervös deswegen.

Sonst läuft es besser mit Schlafen, habe nun 4 von 7 Nächten gar kein Medi genommen und es hat gut geklappt. Nur jetzt wo mein Mann gerade nicht zuhause ist, läuft es nicht so gut und heute Nacht hat es mal wieder nicht geklappt. Aber kein Problem, es wird sich alles einrenken.

Und ich habe Gartenstühle gefunden! Occasion, darf sie bald abholen. Freue mich schon!

@elea: So schön, dass der Kleine nun einen Cousin kriegt. Hat dieses Paar nicht schon ziemlich lange geübt?

Hoi mitenand

Ou nei elea, das tuet mär mega leid dass ihr in Notfall hend müesse mitem Chline das isch sicher mega schlimm gsi. Hets fest blüetet? Hoffe fest dass d Zähnli heilblibe sind.
Oh schön hender sonen spontane Tripp gmacht, tuet amigs guet eifach bitz abschalte..

Snet ich hoffe es besseret bald mitem schlafe, das isch uf Duur sicher sehr astrengend. Hesch denn Müeh mit ischlafe oder verwachsch immer wieder?

Mir sind au zrugg vo eusem schöne Städtereisli s het richtig guet tah es paar Täg weg gah, de Chlii het super guet mitgmacht, und alles het problemlos klappet.. sogar s Esse im Restaurant han chli Angst gah will mir selte mitem Chline i Restaurants gönd go esse aber er isch so brav gsi, bin uu froh das er kein heikle Esser isch... het alles probiert, Tapas, Paella, Glacés... alles het ihm gschmöckt nur de Buggy hettemer locker chöne dihei lah, das Pfüdi isch Kilometer gloffe am liebste i di ander Richtig wie mir

Ouuu jöö nei, das tuet mär grad weh z'läse... sonen arme und chan mär genau vorstelle wie's dir debi ergange isch, ganz schrecklich so öpis. Drucke eu d Duume dass mite Zäh alles guet isch, säg nüd.. da isch mär froh het mär sone Versicherig abgschlosse Oh, ihr gönd die Wuche scho id Ferie? So toll... wie lang gönder?

Jaaa echt, ich bin uu froh... de Chlii isch jetzt scho 8x gfloge (Hi- und Rückflüg) I sim Alter han ich höchstens mal e Busfahrt gmacht Nei, s isch würkli so, es isch überhaupt nöd selbstverständlich und eus isches bewusst dass mir da grad recht Glück hend, drum nützemers au us sone Städtereis isch halt scho nöd ohni ebe vorallem wenns idem Alter sind wo's nüm im Buggy wend inehocke. Aber mir hend jetzt natürli meh Sache gmacht wo ihn au freuet, also nüd mit Musee aluege oder so, sondern sind is Aquarium und in Tierpark etc. Mir hend imfall selber gstunet wieviel er gloffe isch, und denn richtig zackig klar, amig simmer im Schneggetempo vorwärts cho will er es Blüemli het wele pflücke oder es Chätzli entdeckt het oder de Tuube hinenah grennt isch aber im Grosse und Ganze hets würkli super klappt und de Buggy hemmer als Transportmittel für eusi Rucksäck benutzt defür isch er am Abig amig würkli kaputt gsi und in Sekunderekord igschlafe

Mir sind bis jetzt immer mite swiss gfloge und hend jedes Mal de Buggy bis an Flüger dörfe mitneh, churz vorem istiege zämeklappe und det abgeh, jedes Chind bis zume gwüsse Alter (Weiss jetz nüm gnau bis wenn) het kostelos Aspruch uf en einteilige zämeklappbare Buggy. Ufem Rückweg ischs jetzt verschiede gsi, dasmal hemmer de Buggy erst mitem Gepäck übercho, womer uf London sind, hemeren wieder bim Usstiege vom Flüger grad übercho.

Gäll das mitem Restaurant isch sone Sach.. ich wär da ebe glaubs au nöd so glasse wie din Ma... (min Ma wär da ähnlich wie dine) stimmt, ide Regel reagieret d Lüüt recht locker, hend mir au gmerkt aber glich, für d Eltere isch das nöd so eifach wenn d Chind plötzli afanget umeschreie oder nöd wend esse etc. aber ja, wenns so isch, macht mär halt s beschti drus

Zuletzt bearbeitet am 09.05.16 15:05

ja er esch wörkli en arme höt am mettag het er denn au s muul no ade Tischkante agschlage jez escher gar nöm happy, de arm chli...

wow scho 8 mol gfloge! en mega jet-setter haha en bus fahrt ja aber i ha em fall au scho denkt, i Fends scho krass dass euse chlii scho s Meer gseh het. i ha das glaub met 13i oder so zom erste mol gseh

haha das metem blüemli, de tuube etc. chamers bildlich vorstelle genial!

ah wow das metem Buggy hani gar ned gwöst! das tönt jo super! ha jez Emmer denkt mer stenkts wenni muss extra före Buggy zahle. aber ebe wer jo au e zuemueteg wenn me jez es chliners chind denn di ganz zit müsst ome träge im flughafe well me de Buggy scho het müsse ufgeh! hey merci för die Infos, das hani echt ned gwösst!

ja gell d papis gsend das Emmer veeeelll lockerer.

ja mer fahre am fritig z nacht ab uf Elba. aber nor för en Woche! hend super tipps becho vode himbi womer fein chöne go esse. freue eus scho sehr! ;)

super, himbi hesch öpis gfunde wo gege de usschlag ghulfe het!
hey so cool! glaubi der sofort dass di ofs neue Auto freusch! metem Auto eschs halt, speziell met chend, shco vell eifacher as met ÖV (fend ich). me het halt au e grössere radius :) was för es Auto hesch der denn usgsuecht?