hallo ihr liebe

han mer au scho dänkt was da los isch oder ebe au nöd und bin scho go luege obi viellicht eifach kei benachrichtigunge becho han

himbeer, wie gahts eu? am chline?

elea, soooo schön lauft eue schatz jetzt jööööö, sicher mega herzig!!!! so gsehter t welt wieder vonere ganz andere perschpektive chch und du häsch kei kaputti hose meh
ooh cool gönnsch där es weekend mit dinere bescht fründin! mega schön! <3 eifach mal in ruhe shoppe und esse, das isch uf eimal öpis ganz speziells, gäll?
ich wär glaubs e psychotante 1 nacht ohni t chind

mir sind immerno am irichte... leider passet es paar sache vo dä alte wohnig nüm so richtig i die neu... jetzt müemer immer wieder chli öpis däzue chaufe oder ersetze! geschter han mer no lavendelstöck kauft eigentlich hani ja gar kein grüene dumme... aber han gläse und isch mer au gseit worde das lavendel sehr eifach z handhabe isch jetzt mal luege wie lang die überlebet!? finds ebe uh schön

lilly, ich (oder mer) chönes ebe au nome gnüsse well eusi buebe dehai bide papis send. wenn de chlii bi mim maa esch chani voll abschalte. aber gluab werde denn am sonntig scho au vergible zom hai go

aso meinsch passts vode grössi her nöm oder vom stil? musch mer de sege ob dini lavendelstöck öberlebt hend mer gfalles au mega und i schmöcks so gern. ha au scho ghört dass lavendel chend (ofd nacht he) beruhigt. und wenn me de Emmer frösche lavendel dehai hetti, wer das mega cool!
hender euch aber sost scho guet iglebt die neue wohnig demfall?

hallihallo
ha grad bitz pause

elea, das hät öpis, wenn min ma dihei wär mit dä chind würs mer sicher au eifacher falle... stimmt! so chönders wüki so richtig gnüsse! und am sunntig freusch di dänn umso meh uf din wurm wünsch eu uf jedefall ganz es cools weekend! wenn gahts dänn los? morn abig?

ja beides chli, zum teil passts mitem parkett nüm so zäme :/ oder au vo dä mass her... s wichtigscht womer nonig händ isch s sofa haha hocket im moment no ufem bode ok dä esstisch hämer no immerhin! s chinderzimmer isch aber scho mal igrichtet (isch mer am wichtigschte gsi) bruch det nur no en teppich, det hani eine kauft gha wo dänn schlussentli aber z chli gsi isch, jetzt hani dä weder chöne verchaufe und en neue (grössere bstellt) hehe und no s eint oder ander detail, pressiert aber nöd! s spielzimmer isch eigentlich au so guet wie fertig... am balkon bini grad no dra, ebe z.b. t lavendel stöck woni bsorgt han und hüt no bitz schniggschnagg... euses schlafzimmer hät scho no s eint oder ander und die gröscht baustell isch def. s wohnzimmer und die zweit terrasse (chöntemer au uh schön irichte) aber müsstemer alles neu ha und isch natürli au e geld frag :/ drum eis nachem andere... so hani immer wieder freud wenni was neus poschtet han

sent, han t föteli uf facebook gseh vo eune ferie, mega herzig! gseht us als obers guet gha händ
ou isch dä m. au so en kandidat wo nöd ruhig sitze chan? das isch dänn wüki sehr asträngend/mühesam! mir händ das immer extrem gha bim luis, halbe müesse zwinge und bim flüge!!! uiuiui! aber irgendwie muess es dänn schlussentlich eifach gah, gäll?! jetzt ischer zum glück bitz grösser und verstahts au besser... t estelle isch da dure vöööööllig anderscht, wüki total! scho luschtig

min maa hät au grad sones Weekend gha, er isch in London gsi miteme fründ. has ihm also sehr möge gönne, nur für mich sind die letzte 4 täg chli astrengend gsi, haha... de chli isch am zahne und glaub susch au chli am schube, er dreht sich jetz doch no und zwar die ganz ziit und schlaft am abig au nüm so guet ich bzw. wacht teilwiis i de nacht eifach wieder uf will er sich dreht hät und irgendwie uf de rugge manövriert hät, obe in egge vom bett so dass er sich nüm cha bewege oder so... haha.

aber susch laufts guet. ich ha d usbildig gmacht zur trageberaterin und muess jetz prüefig no bestah, die nächste zwei wuche werded nochli stressig, au da im Büro... aber denn händ mer 2 wuche ferie, ich freu mi scho voll.

ui himbi, da metem omerange die nacht kenni. de roggele si ergend ine egge und chöme nöm weg. ond sobald me si weg löpft rogele si scho weder em züg ome. en tüfels chreis
ah zor trageberoterin muss me no en prüefig mache? dröck der demfall düme! ;) de hesch der denn dini ferie aber rechtig verdient :) gönder denn fort?

ah guet so lang er ned brüehlet het! do wer ich scho zfrede i ha primär chleider före chlii kauft. er het grad weder e grössi gwechslet und jez escher usgstattet. för me hani vell Basics kauft und en genial schöni softschell jagge. het es vermöge kostet aber esch en traum und super funktional

du, euse het momentan ehn reeese papi Phase. de papi muss alles gseh und Emmer debi si und esch sini absoluti nr 1 momentan.

hihi, er esch scho mega gros :) euse esch glaub 78cm oder so. es zwergli :)

i ha no en Learn Tower bstellt. kenne der das? http://www.anibis.ch/de/kind-~-baby-kind...--12728530.aspx! euse chlii wet Emmer debi si die choche aber met ehm im arm chame eifach npt mache, i erhoff mer mega dass er de learn Tower denn cool findet und ich bed händ frei han erhoff mer vell devo :)

elea, mir gönd natürlich uf Elba, ich freu mi!

ehrlich gseit hetti au nöd erwartet dasses sone grossi prüefig git, ich muess echt no gas geh i de nächste 2 wuche... isch also definitiv nöd eifach nur sones kürsli, sondern richtig hert. aber isch ja au richtig so.

ich muess au nochli go lädele die wuche, de chli brucht no badhose für d ferie, sunnecreme etc., isch ja scho mega bald! bi voll gspannt uf sini erste ferie

e kollegin vo mir macht die learning Towers bzw. ihre maa. ich glaub ich bstell denn au eine wenns sowiit isch, hihi. finds e super sach. ich mag mi erinnere das mir früener au immer ufeme Schemel gstande sind und am mami gholfe händ choche.