| Bräute 2013 |
|
|
1 .. 1844 .. 3685 3686 3687 3688 3689 .. 3723 .. 3757
|
|
|
|
|
05.07.16 14:24
Lilly4 
|
Re: Bräute 2013
hallo ihr liebe
ich meld mi au mal wieder 
elea, das tuet mer leid dass dä chli grad so am zahne isch  tuet eim scho mega leid gäll?  ich han där leider au nöd wüki en andere tipp als scho ufzählt worde isch... am luis hani amigs (wenns wüki mal ganz schlimm gsi isch) es zäpfli gäh und das isch dänn prima so gange! muess aber säge er häts nöd so oft brucht gha, ihm häts amigs glange womer zu ihm sind, bitz gstreichlet, chli gel ane ta und dänn hätter, gott sei dank, guet chöne wiiters schlafe... bi dä estelle merkemers bis jetzt eifach wenn sie es füürrots füdli hät  und schwups, sind scho zwei zähnli da gsi   mal luege was die nöchschte dänn mit sich bringet 
snet, das isch dänn doof daser das mit dä füechtigkeit händ  aber guet händer e lösig gfunde und hoffentlich isch es dänn nach eune ferie wieder tiptop!
wenn gahsch dänn go lasere?
me, mir sind hüt morge i dä badi gsi hehe t chind händ uh dä plausch gha 
und ich hät eh stell übercho (20%) ABER han abglehnt, hät 1, 2 sache gha wo für mich nöd so passt hättet und drum hani dänn nei gseit... s richtig chund no, bin mer sicher :) scho schön staht mer nöd unter druck, so chamer/dörfer bitz wählerisch si 
|
|
|
|
|
|
|
|
|
|
|
|
07.07.16 14:30
sonne13
|
Re: Bräute 2013
huhu zäme!
be au wieder mol do! d Mädels sind no am schlöfele, ech ha eigentli welle neui büechli bstelle aber d Exlibris-page isch irgendwie abgstürzt oder so... goht uf jede fall grad nüd meh. debii hätti das so gärn grad gmacht. mir hend jo e ganzi chischte voll büechli aber langsam sinds laaaaangweilisch - finded zumindescht mine maa und ich  nei, so langsam föhnds aa zuelose und mir chönd es "Level" wiiter goh. und die wo mer hend hani wirklich fängs z Tod verzellt
eus goht süscht guet. d ladies tüend inzwüsche au scho trötzle und wenn mer ned gross use chönd wägem wätter oder so denn sinds ned zum ushalte süscht sinds zwei luschtigi Mädels - plaudered de ganz tag und reded wirklich scho rächt guet. sie sind wirklich zwei tolli luusmeitschi und mir hends mega lässig do im huus - jetzt isch au de garte fertig und mir hend en sandchaschte, en grosse sunneschirm und platz zum spiele, plansche usw. also wenn s wätter guet (troch länget scho ) isch gnüssed mers mega!
bald stöhnd eusi ferie aa - mir göhnd wieder is wallis. leider liided eusi beide zwärge so starch under reisechrankheit dass sie scho noch 10minute Autofahrt s Auto verch... mir hend jetzt zäpfli, bim erschte versuech heds zwor ned gnützt das isch sehr es leidigs Thema - ha mi immer gfreut denn wieder chli mobiler z sii wenns chli grösser sind und jetzt hocked mer gliich chli deheim fescht... klar hend mers guet deheim und ab und zue gohni mitem zug mol chli furt aber das isch au umständlich... für d ferie hend mer jetzt no en protable DVD-Player bstellt in de hoffnig dass es chli ablänkt... hed öppert tipps was mer süscht no chann mache? freu mi uf eusi ferie aber d fahrt wird wohl de Horror... mir müend eus au no überlegge wenn mer sellid fahre. was empfähled ihr???
was gids süscht no so z verzelle? ah jo wägem zahne - be eus hed s zahnöl no guet gwirkt aber schlussändli heds denn alle algifor gäh dass sie in de nacht hend chönne pfuuse. vor allem die "chlii" hed grossi müeh gha mit ihrne zähnli. immerhin isch s gröbschte überstande - no baggezähn fähled.
ah jo, ässe tüend eusi Mädels jo wie die grosse! eusi "chlii" isst meh als ich ich be nur sehr fantasielos be de menüs: was choched ihr so??? kenned ihr gueti chochbüecher? ich ha so kei Idee - es ged immer s gliiche dunkts mi. eusi Mädels wetted jo immer "geigage (Teigware), Pizza, beisss (fleisch) und iebli (rüebli)... be also dankbar für tipps
jo, und denn bin ich tatsächlich trauzügin vo minere kollegin!!!! ha mi soooooo gfreut und be grad geschter goh mis chleid abstecke. und es esch sooooo toll gsii mit de kollegin goh s chleid ussueche und ich freu mich also tierisch! jetzt muessi no de polterobe organisiere. es ged ned eine im klassische sinn (us dem alter sind mer use) sondern en gmüetliche obe. hed öpper no Idee was mer no so chönnt mache???
sodeli, what else? chunnt mer nüd meh in sinn probier jetzt nomol die blöd Exlibris-page...
ganz e tolli ziit euch allne! viel erfolg bim chindermöbeli sueche (wird be eus au demnächscht aktuell), bim jobsueche (gseht jo sehr vielversprächend uus be dir lilly) und bim zähnli becho
|
|
|
|
11.07.16 10:32
elea
|
Re: Bräute 2013
guete morge zeme
snet, hesch di scho entschide welle stuehl före M. wetsch poste?
lily, wenn hesch denn s vorstelligsgsröch för die 40% stell? du vellecht chöne der euch jo uf 30% einige oder so. ja met de chinderbetreuig esch Emmer so e sach, aber die regel fendet me Emmer e weg wenn me möchte.
merci förd nohfrog, ja metem zahne esch vell vell besser. hends zemli dorre hanis gfüehl. er lengt sech zwar emmerno nonstop is muul, aber er schloft weder besser und es dud ehm gleb nöm so fest weh wi vor paar täg no. trink hemmer kene usegfonde. abwarte bes es dorre esch
sonne, so schön vo der z ghöre :9
haha ja das met de büechli chani noh vollzieh. euse chli esch e mega bücher-worm, und er chiem z schlag met em Emmer gliche buech, i go amigs nor go büechki chaufe dassi weder mol öpis neus gseh
ou nei das dud mer mega leid hend grad beidi euchi meitli so starch met reisechrankheit z kämpfe ja das schrenkt natürli mega i. mi erst gedanke esch natürli au grad zug gsi. aber das esch met so vell Gepäck natürli shco bez umständlich! ossert er seget dass zb din maa metem Auto und em Gepäck abe fahrt und du ellei met de meitli em zug abe fahrsch. so hetsch kes gstelasch debi.
em mai semmer jo of Elba gfahre, det hemmers probiert durd nacht zfahre- ei weg esch super gange, ei weg scheisse. aber das esch Pech gsi weller denn grad chrank wurde esch. ja vellecht wer das au no öpis dass er wördet probiere dord nacht zfahre. oder falls euchi meitlis no es mittagsschlöfli machet, dass si das chönte im Auto mache ond so di halb fart wördet verschloge? guet neme a dass hender secher shco usprobiert. :)
schön hend dini Mädels so grosse apetit. de chocht me au vell lieber wenns au gässe wird! du i ha au emer sgfüehl i mache all pot s gliche. eusi standart menus send stocki met bohne, (Spargel-)Risotto, Tomate-Mozarella-Toast, Polenta met Pilz, selber gmachti Pizza, Fajitas, ond natürli nudle met gmües be aso au offe för menu-Idee ich choche amigs no züg usem Betty Bossi "neue Altagsrezepte". det hets feini Pasta Sauce denn. de hanis gfüehl i mache emmerhen ned Emmer di glich Sauce und sost changi amigs no uf pinterest bez menu Idee go sammle...
hey gratuliere zor Trauzügin hach s chleid ussueche, dasch doch s schönste a allem so toll hesch chöne dra teilha! hmm, vellecht chönte der zeme choche, Sushi mache zb
be selber ideelos gsesch
so, sost wönschi allne no e tolle wuchestart!
|
|
|
|
11.07.16 11:43
Emma13
|
Re: Bräute 2013
Hallo ihr liebe
Ich meld mich au wiedermal. Mir sind sit letzt Wuche zrugg vode Ferie und hends uuu schön gah. Mir hend ganz e herzigi Unterkunft gah, sind ime Bungalow gsi ganz ide nöchi vom Strand, isch ä super Lösig gsi mitem Chline will er problemlos vorem Hüsli het chöne spiele und tobe. S het au en Pool gah und e super feins Restaurant. S isch sehr familiefründlich gsi, mir hend am Morge gmüetlich uf de Veranda chöne zmörgele und au zum Zmittag oder zNacht s Esse problemlos im Resti bstelle und uf eusem Sitzplätzli chöne esse, das isch echt e tolli Lösig gsi wenn mär mal kei Lust gah hend zum uswärts gah. Und mir hend e richtigs Strandchindli – er het s Meer und de Sand gliebt. Er het au das mal super mitgmacht und mir hends richtig chöne gnüsse. Nur hemmer jetzt dihei echli Problem gah mite Umstellig… s isch oft mal spöter worde am Abig und am Morge hemmer en chline Morgemuffel gah aber jetzt hemmers glaubs gschafft und hend de Rhythmus wieder duss.
Schön z’lese dases eu au guet gaht. Elea bin froh dass dis Schätzeli wieder chli fitter isch, sonen arme...weli Zähnli drucket den grad? Hender Viburcol-Zäpfli scho mal probiert?
Sonne, jööö dini Ladies schiinet 2 Plappertäschli z’si.. so süess, und isch sicher uu herzig wie sie mitenand Spass hend. S isch würkli e tolls Alter. Ojee das tuet mär Leid weg de Reiseübelkeit da wärs vilicht hilfricher wenn ihr ide Nacht chöntet fahre, mite Hoffnig dass sie würet schlafe. Ich verstahn di wegem choche, ich han amig au s Gfühl s gitt immer meh oder weniger s glich. Euse Chlii isst zum Glück au sehr guet und probiert eigentli alles aber au er het natürli sini Vorliebe. Pasta isch au da s allerfeinsti ich probiere denn eifach mite Sauce z’variere, mal nur mit Gmües, mal mit Tomate oder Fleisch. Es Lieblingsmenü isch au Spätzli mit Brätchügeli, Pilzli, Erbsli und Bratesauce. Lachs isch höch im Kurs, da machi denn meistens Gnocchi, Broccoli und Rüebli dezue. Mir hend leider meh Problem mite Frücht… s werdet nur Truube und Heidelbeeri gässe und vilicht mal es Erdbeeri… 
Ohhh gratuliere zum Trauzügin-Amt, so schön!
Mmmh was gitts sust no? Ah ja, s neue Zimmer für de Chlii nimmt Form a, s grosse Bett isch bstellt und wird Endi Monet glieferet und ich bin sust echli Dekosache am chaufe, han grad uu Freud aber s isch scho komisch die Babysächeli z’versorge, er wird scho bald 2… s gaht eifach so schnell!
|
|
|
|
11.07.16 12:16
Lilly4
|
Re: Bräute 2013
hallo ihr liebe
sodeli, mittagspause jetzt gönn mer mal es redbull
jö sonne, das tönt mega herzig mit dine zwei mädels! so schön!! haha das mit mal nöd grad chöne use gah und dänn es riese theater ha kenni zu guet! ich gahn drum am morge und nami use (soferns nöd grad i ströme regnet) suscht hätti dihei nämli au es riiiiese gschiss bzw wür sich dä luis mit dä ziit eifach langwille und afange seich mache 
ooh s gaht mer genau glich mitem choche ha au s gfühl mach immer öpe s glich haha ... bi mier isch aber halt no die chli ume, dänn muess es zuesätzlich no öpis si wo schnell gaht zerscht isst t estelle, dänn dä luis und dänn s mami IN ALLER RUHE!!! bin froh wenn t estelle dänn au vom tisch esse chan, dänn chömer wüki richtig, alli zäme am tisch esse, aaaah uf das freu mi scho richtig!!!
elea, han s gspröch am fritig gha und isch super gange, er hät mi direkt zume zweite gspröch iglade t stell wär wüki super, hät mer sehr guet gfalle, jetzt chund aber wieder es ABER 40% sind FÜR MICH irgendwie glich no z viel mis mami chönd ja 1 tag uf die chline luege und 1 tag müsst ichs aber ine krippe bringe und irgendwie hani s gfühl isch mer das wie nöd wert... bin glaubs eifach e riese gluggere irgendwie muess es glaubs eifach bi däne 20% si, ok, 30 wür au no gah, aber max.!!!! han dem jetzt gseit das es weg dä betreuuig nöd gaht mit däne 40%, sie bruchet aber zwingend öpert a zwei täg :-/ janu! sehr schad eigentlich, aber s richtig chund no... ich glaub gib eu erscht wieder bscheid wenni dänn öpis han
supi gahts wieder besser mitem zahne bi euem chline, gott sei dank! tuet eim scho mega leid, gäll? :-/ armi schätzelis... t estelle hät erscht 2, bin ja gspannt wies bi dä nöchschte wird!? die erschte 2 hämer ja nöd mal mitbecho aber die sind ja au nöd sooo schlimm, chömet dänn no anderi wirds gseh
die chli chrücht jetzt wie e weltmeischterin soooo herzig, chrücht und chrücht und chrücht, pause mit sitze und wiiter gahts dä luis findets glaubs au mega cool isch sie jetzt bitz mobiler
emma das tönt ja PERFEKT mit euem bungalow woner gha händ - HAAAAMMER!!!! und au dass dä chli so freud am meer und sand gha hät, soo schön! händers richtig chöne gnüsse das freud mich mega händers so super gha! gesse nimmi a händer au super? mmmh... !!!
ou, hätter dä rhythmus vo da wieder müesse finde? aber guet händers ane bracht :) jöö sinder sies zimmer neui am irichte? schlafter jetzt au i sim zimmer oder chund dä schritt erscht no?
ich ha mer au scho überleit am luis es neus bett z chaufe, aber iiirgendwie hani s gfühl brucht er s gitterbettli no, fühlt sich so wohl und gitem glaubs eifach e gwüssi sicherheit... aber uf endi jahr werdemer bestimmt au eis zue tue... so mit 2.5 hani dänkt, mal luege!? jetzt wirder i nöd mal meh eme monet au scho 2i!!!!! krass... ah und ab sep gahter dänn 1x i dä wuche, am morge für 3x id spielgruppe chch bim schnuppere hätters scho mal super toll gfunde hehe das isch au öpis womer sich erspare chan wenns bi dä nonni oder i dä krippe sind
wünsch allne ganz en schöne mittag/namittag!
|
|
|
|
|
|
1 .. 1844 .. 3685 3686 3687 3688 3689 .. 3723 .. 3757
|
Anmelden
jetzt isch sie bereits au scho mobiler