lily, ja i seg der denn wie guet/schlimm de Altersabstand esch. glaube ja es spelt weniger s alter e rolle sondern de Charakter vom chend. ond do werds bi eusem grosse mami höck auä schwerig
de plan esch momentan, dass mer s gschlecht ned wend wösse. aber mol luege ob mer i paar Mönet emmerno so denket :)

hihi mach das e charaktersach isch es ja eh immer ich dänk aber wenn s grössere chind scho bitz selbständiger isch isch es zumindescht körperlich scho mal liechter

oh wüki?? das wär ja mega toll! ich hät mi au uh gern überrasche lah! stell mer das nämli uh schön vor aber t neugier isch dänn doch z gross gsi und ha au welle afange shoppe

Hoi zäme

Schön hender gester echli chöne quatsche

elea, het d Übelkeit demfall agfange? Wenn das so mitem Chef abgmacht hesch, den würis wohl au säge oder sicher mal de ersti US abwarte, wenn hesch eigentli de ersti Untersuech?

zügle mit Chind, also ich bin scho froh züglet mir no ohni Baby, eis Chind langet mär eifach vorallem weg de viele Sache und denn müesstemer ja au no Bettli/Schrank/Chleider etc. meh zügle, also denki machts scho eher Sinn wenn ihrs so chönd irichte himbi, aber ebe.. plane chan märs eh nöd gross

snet oje, hoffe du versinksch nöd grad ide Arbet. Wie wirsches nachher eigentli mache? Dörfsch wieder zrugg und wieder en verlängerte MU mache?

Mir hend en guete ETT gah, Böhnli wachst und stramplet fröhlich vor sich hi hüt hani no min Chef informiert, han recht Schiss gah vor de Reaktion aber er het sich gfreut und mir gratuliert und gseit ich sölli mir mal Gedanke mache für d Zuekunft, weiss jetzt eifach nöd mit was füreme Vorschlag ich söll cho. Zviel verlange chan mär ja nöd, aber glich würi halt wele ufd Bedürfnis vom Baby igah, find 14 Wuche MU eifach sooooo unglaublichh wenig

guete morge zeme

haha, ja vergoht no vell zit, aso vellecht semmer de plötzli glich neugirig ond wends gschlecht wösse. aber em Moment fallt eus de gedanke es ned zwösse. nues züg chaufe mer sowiso ned, unds zimmer wird so oder so eher neutral met de farbe. send ned d rosa oder hellblau fans

himbi, mega spannend! du hesch ja gleb scho mol bez verzellt wie underschedlech die 2 architekturbüros send. be gspannt för wele ehr euch de schlussentli dönd entscheide! freu mi scho druf wennd denn vo euchem huusbau verzellsch. ha das bide sonne und de dandi scho Emmer so cool gfonde :)

Emma, schön esch bim ETT alles guet gsi jez chöned ehrs met emne guete gfüehl verchönde! das wird mega cool! henders euchem chline eigentli scho gseit dass er ehn grosse brüeder wird? fals jo, wie het er reagiert? ja 14woche MU goht so schnell verbi. bim 2te auä no schneller as bim erste hanis gfüehl. esch denn unbezahlt neh, en Option för dech allefalls? nemme a du wetsch aber scho a dem ort blibe nacheten doer?

ja d Übelkeit het agfange aber ganz anderst wi bide erste ss. det esch mer 24h schlecht gsi. jez eschs Emmer so schwall mässig, e stond gohts mer guet, denn esch mer so schlecht dass mer fast sturm wird. denn sacket mer de zocker abe und i fo a zittere, muss öpis esse. ond denn wird mer vom esse weder schlecht. und das wederholt sech so all 2-3 stond es mega ufe und abe! jäjo schön esches


bruche no churz zo öpisem euchi meinig! mis schwegermami luegt jo ei tag zo eusem chline. si chont de Emmer zo eus hai, was natürli super praktisch esch. mini schwögerin (d frau vom brüeder vo mim ma) het em herbst au es Baby becho ond i 3 Woche foht si weder a schaffe. i ha scho vor de Geburt gseit dass mer s grosi ned pachtet hend also wenn mer öpis sele schiebe so dass si au of deses chend chan ufpasse chame met eus rede! mer send do sehr flexibel ond offe. item, i 3 Woche goht si weder go schaffe (mini schwögerin) und het jez me gfrogt wini da wörd fende wenns grosi of beid chend glichzitig wörd ufpasse. euse chlii chönt denn zo ehne cho (wer för eus 35min ein weg). i ha de gseit zerst müsst me ja s grosi froge ob si das öberhaupt wet. anschinend het si s grosi gar nonid gfrogt. aber i be ergendwie ned so begeisteret vo dere Idee. eifach wellis bez en zuemuetig fendi dass si muss of en 2jährige und es 3mt alts Baby ufpasse. meine das esch ja shco för es mami schwer. i ha de s gfüehl si wird de so beidne chend ned grecht! ond was mer fast no meh sorge macht esch d tatsach dass weder mer no mini schwögerin usgröstet esch för 2 chend. aso es geht ke gschöwstertechinderwaage und au ehres huus esch s gegeteil vo chindersicher (vell stäge, en undeckte pool, garte offe he zor sross usw.
und vorallem fendis au total doof dass si fang 3 Woche vor ehrem arbetsbeginn met dem chont. so hend mer (im fall das mer das ned wend) gar ke uswich möglechkeit (krippe igwöhnig etc).
mi maa het gseit er wörd do metmache, es änderet ja sowiso weder gli, aber mer stenkt das glich. füehl mi ned wohl wennî ned weiss ob de chlii guet versorgt esch...
sorry för de lang ego post, aber ehr hend all au chend und es nemmt mi wonder wie ehr öber das denket!

ou ihr chömet da miteme thema ich ha mich eewigs laaang mit dem thema usernandergsetzt hi und her studiert! emma bi eus isch ja so das mini schwiegis eh z wiit weg wohnet und mini schwiegermuetter immer nur am mo. frei hät, drum sind sie sehr schnell wegfalle... mis mami hani au nöd welle zfescht "belaschte", sie hät sich dänn aber bereit erchlärt 1 tag z luege, das sägi no ushaltbar es isch nämli en riese unterschied ob 1 chind oder es chlichind und no es baby! mittlerwilä hämers sogar uf 2 halbi täg gänderet, ich schaffe a 2 mörge und gahn uf die ca. 1 hei so dasi t chind is bett tue chan! für dä moment isch das bi eus für all die bescht lösig! mis mami chund aber zu eus hei, ich ha alles für beid chind da, inkl. doppelbuggy etc.! elea, ich dänk für dis grossi wärs sicher stressfreier wiiterhin 1 tag uf eue chli z luege und en andere tag uf s baby... aber weiss natürli nöd wie ihri möglichkeite sind! mis mami seit immer, sobalds grösser, sprich eigeständiger sind chan sie au problemlos 2 ganzi täg luege... hät ich e stell agnoh für 40%, hättemers 1 tag mit mim mami lah und 1 tag id krippe bracht (das han ich aber ja dänn nöd welle/nonig mit dä krippe) drum bini froh hämer e vorübergehendi lösig gfunde wo paast! isch nöd z unterschätze mit 2 chline

hallo zeme

gopf Emma, jez wods seisch, du hesch ja schomol verzellt das euche chlii so herzig esch zom buch! sorry dassi nomol gfrogt han, be so vergässlech
es esch mega schön so wi du schribsch! er erlebts rechtig aktiv met. und ebe esch jo wörkli zuckersüess wenner jez scho so freud het! was wönscht me sech meh
ah sicher, eschs bider bide 2te ss au spöter cho met de Übelkeit? wetzige zuefall :) ja müsst au wi du Emmer bez pis esse, denke aber nie dra.... :)

ja genau, si wet s grossi erliechte well si ned wet das s grosi 2 täg igspannt esch. ja und s grosi chan ebe au gar ned amene andere tag no frei neh.
ja weisch s grosi traut sech alles zue. si esch so eini wo meint si chan ellei met 12 chend in zoo i ben da ehner de realischt ;)
mer werde jez höt zobe mol zeme hocke, aber i has gfüehl i stoh so ellei do. all andere send so "ja probiere mers doch eifach mol". aber wenn i ned weiss ob alles passt för min chline, de chani au ned entspant go schaffe. muss do vertraue ha! und da ich au nachem 2te no wet 60% go schaffe wird spöitens denn das nöm go. si cha jo ed of 3 chlini chend ufpasse. min maa meint jez ziemer da dorre bes zo miener Geburt. aber i be ehner demaig dassi jez en suberi lösig wett und ned das euse chli sech i paar mönet scho weder a öpis andrs muss gwöhne!

ou demfall wird sech bi euch au bez öpis äneder Emma? wiso wetsch denn ned ei tag Kita? aso generel ned Kita oder eifach ned för ein tag? het der de Chef denn die 3mt unbezhalt scho zuegseit? das esch natürli mega cool! i dere zit chan au no vell passiere. aber i be do au ehner de planet und wet wösse das alles greglet esch! ja verstoh au dini schwegereltere, 2 chlini chend send taff. scho för mami esch das vell arbet! geschweige denn för d grosseltere! ja und ebe lily ehr send ja de au usgröschtet för 2 chend! bi eus esch das niemert! und wenns bi sech dehai send esch au nomol anderst!



ja genau lily du seisches, ob eis chliichend oder es chliichend ONd es Baby! das send welte! so vell underschätzet das (oder emo mini schwimu underschätzt)
aber guet hender en lösig gfunde wo före Moment passt! ebe me weiss ja nie wasd zuekunft brengt! aber es muss Emmer för all parteie stimme!

i wörd de chlii am liebste de tag id Kita due. wörd ehm guet due. aber min maa röits Geld eso. sorry er geht Geld för dömmers us

snet, ja klar muss mini chwimu sech das zuetroue. aber ebe wi scho gschrebe si esch eini wo alles Emmer total easy nemmt und chend send ja ke arbet etc. si underschätzt das extrem! si meint zb au dass mini schwögerin ehre huus gar ned muess chindersicher mache, euse chlii sig ja sone vernünftige! nei escher ned. er esch 2 und kes chend esch vernünftig i dem alter wenns om stäge, messer, verkehr oder was au Emmer goht... so ussga enerve mi denn welli mi i mine sorge au ned ernst gno füehle.
ja mi maa het au gmeint en buddyseat chaufe. aber mer stenkts ehrlich gseit ehres huus go irechte för mis chend und si wend dass mer ehn zo ehne brenge. si wend net metem Baby so wiit/lang fahre....


ja be sehr gspannt was höt zobe usechont.