Hoi zäme

Ja das glaubi dass d Chind Freud hend ide Kita, s lauft au immer öpis und sie hend sicher uu Spass unterenand

Ich han hüt d Zuesag übercho für min Wiederistieg im Gschäft bin uu froh, hetts nöd denkt. Leider chani nöd ganzi 6 Mönet Muetterschaftsurlaub ha, dörf aber bis Endi Jahr dihei sii, sicher mal besser als di 14 Wuche. Und im Januar mit 20% istiege. Abem Februar den 30% verteilt uf 2 verchürzti Arbetstäg vo 9-15:30, jetzt müemmer nur no d Betreuuigssituation fix abkläre und denn hoffe dass alles guet klappet.

Sust gahts mär immerno chli glich, 17ssw und immerno täglich Übelkeit s chan nur no besser werde. Morn isch wieder Baby-TV.. freu mi so!!!

Allne en guete Wuchestart!

oh emma das tönt aber sehr guet bi dir! die verchürzte täg sind ja au cool. ich bi a mine arbeitstäg immer mega lang unterwegs.

himbeer, so isch natürli ideal (wenn dä chli so guet mitmacht ) dänn fallts eim au eifacher wenni aber wüsst dass sie trurig sind, sich nöd wohl fühlet, chönti nüm richtig schaffe wäri mit dä gedanke nur immer bi dä chind! bi mim mami weissi aber gnüssets es meeega und händs es volls programm, mit allem drum und dra im summer schicki dänn dä luis 1x i dä wuche id waldspielgruppe (chönds mit 3) und t estelle dänn au wenn sie gnueg alt isch! das wär dänn so chli e krippe alternative

oh emma, haaaaaammer! das tönt ja perfekt!!!! freu mich sehr für dich häts so guet klappet jetzt bisch sicher beruhigt und chasch wiiterhin dini ss gnüsse und scho gli wird no züglet hihi meeega ufregend alles

me, t chind fanget jetzt a is spielzimmer gah und türe zue mache fanget ja scho frühe a

ou waldspielgruppe oder waldkindergarte findi au öpis mega lässigs, das macht dim chline sicher mega freud lilly! ich würd ja selber gern gah, hahahaha

ui bi eus isch grad im büro mega viel los und jetz isch no de server abgläge... immer wenn eh scho kei ziit häsch chunnt no so öpis

ou nei das esch mega mehsam wenn das nie üfhört met de Übelkeit. het der d FA denn öpis chöne degäge ge oder möchtsch lieber ke medis neh?
ohhh en bueb! so schön das wird mega cool! euche chlii freud sech secher scho mega ned? Sender scho bezeli am öberlegge wege näme?

mer gohts soso lala. ei tag guet, ei tag schlecht ha scho en mega buch gopf und ha ke ahnig wini de no sell verstäcke be froh wenn mers denn allne mol chöned sege...

hach, das mit dä übelkeit müssti echt nöd unbedingt si und bim zweite chamer au nöd eifach so ane ligge wämer wot ich bin immer froh gsi wenn min ma am abig nöd z spat hei cho isch und ich mich uf s sofa han chöne legge hihi... aber emma, immerhin isch es jetzt sit paar täg besser, hoffentli gahts so wiiter! und bi dier elea dämfall immer ziemli unterschiedlich? dänn häsch wenigstens au tage wo dich guet fühlsch jö und gseht mer s büchli scho? bim zweite seit mer ja gseht mers schneller (scho mal usdehnt gsi )!

emma, freu mi ja scho sooo eue zweiti prinz dänn dörfe z kennelerne sooo herzig!!! und dä v. freud sich ja scho jetzt mega gäll? meeega herzig!

mir händ letscht wuche euse erscht richtig umfall gha, t estelle isch vom sofa uf dä salon tisch (tischkante) gheit das hät uuuuusgseh, hilfe!!! aber schlussentli schlimmer usgseh als es wüki gsi isch... aber ich ha natürli glich en riese schock gsi mein gott!!! und dä luis au, hät immer gsrit, nei mami gahn mit dä estelle hindere is zimmer go umelaufe hät sie nöd chöne aluege hehe