ja hoffe es hört denn im 2te Trimester uf. aber me weis es ja vorher nie so gnau.... mer werdes gseh... :)

ja has gfüehl döf i dere ss ned jommere wege de Übelkeit. die erste hanis 24h gha. jez hani zwöscheine au gueti täg. das esch so vell wert zom chraft schöpfe för di schlechte täg!
ui Emma verstoh di. fende buebenäme au so schwer. meitli chöne mer unenadlech näme ge,bimene bueb dömer eus so schwer!
schlossentli losset ehr de eifach ove chli und nenned s Baby "bubi"

ou da metem schal esch en guete tip Emma i ha jez eifach Emmer mega schlabber Pullys ah. aber i has gfüehl me gsehts glich! ha au s gliche gmacht wi du und de buch vergliche met de erste ss :) jetzt chomi denn idi 12ti ssw. und gseh us wie die 16ssw die erste ss
i 2 Woche hemmer ETT und nachetene sege mers denn. wenns ned scho all selber tschegget hend wegem dicke rantze

ou nei lily, hender demfall ned müsse go näihe ai di cheibe Tischkante send Horror... esch so schnell passiert het sis demfall aber guet weggsteckt?

weiss es dänn bi dier s gschäft eifach nonig elea? gli chasch es säge dänn muesch dis schöne büchli au nüm verstecke gäll ihr wend nöd wüssewas es wird? sondern wend eu überrasche lah?

ohje, näme ussueche bi eus isch es bim zweite mal au schwerer gfalle händ sogar bis zur geburt 2 näme zur uswahl gha und die chli zerscht mal welle aluege

neinei, zum glück nöd müesse näihe! sie hät natürli scho brüellet aber dänn scho gli wieder beruhigt! sie sind beid allg. nöd so wehliedigi mer chans dänn sehr guet mit öpisem ablenke und dänn isch sofort wieder vergesse hihi ... aber dä luis häta ja glich gseh gha woner sie agluegt hät

lily, de Chef und min abteiligsleiter send di einzige wo vode ss wösse ehne hanis verzellt weg de Übelkeit. de andere Mitarbeiter aber ned. die Familie weis es ke Person :) drum verstecki de buch vode arbetskolege und de Familie ah, di einzig wos sost no weiss esch mini best fröndin. sost niemert :)

ja d Idee esch mol gsi dass mers ned wend wösse. hoffe mer haltes us! esch halt nor scho schwerig wegem Name. aber stell mers mega cool vor die öberraschig bid egeburt. aber wi gseit, hänget mi ned dra uf wennis i paar Woche glich wet wösse

hey lily, do magi mi sogar no dra erennere wege de 2 näme! weiss no wid gschrebe hesch dass ehr euch erst nach de Geburt wend entsceide! hend emo en wunderschöne Name usgsuecht meitli Name hemmer zo 95%fix, buebe Name tappe mer no voll im dunkle. vorschläg sind willkome

ui gottsei dank ned näihe! glöck em unglöck! het si demfall jez en büle?


Emma, hets bide die erste ss im 2te Trimester ufghört met de Übelkeit oder hesches det au scho so lang gha? du besch ja jez den scho die halbzig gell? wahnsen! ja bubi esch zockersüess vellecht blibts ja als spetzname ;)

morge zeme

ja mer/eus eschs gschlecht mega egal. drom hemmer denkt, vellecht schaffe mers bes z letscht z warte. chaufe ja sowiso ke neui chleider/chenderaage etc. hend ja alles scho, drom spellts förd Farbwahl eh ke rolle was es geht :) ehner wegem Name esch halt bez doof, weld 2 musch ha...

haha, han der ja au scho gschrebe: stille wasser sind tief, snet mega cool wenner das scho erkennt. vorallem wenns ehm de no spass macht, de eschs cool wenner so scho öpis chan lehre!

ah secher, bi du hesch weniger buch as bim erste mal? wie machsch das?

ui zockertest esch langwilig hoffe si seit der gli dass alles oke esch und dass weder chasch go

ah ehr hend d babychleider all usglehnt gha före M. gell?

haha, vellecht en inselbegabig euse chlii het set sim 2te geburi rechti sprüng gmacht met rede. aber leider schnappt er au seich uf. sin Lieblings satz esch momentan "läck du mer".

ah ja de chas guet a dem legge! d muskle hebe ja de ganz buch zeme. und wend jez stärcheri muskle hesch wi letscht mol, machts sinn dass mes spöter gseht!
haiaiai cho em 3. Trim?
machsch der scho bez gedanke weg de Geburt oder schiebsch es no ufd site?

wiso besch denn dore zuckertest gheiht? du ernährsch di ja mega gsund und besch fit! aber guet schiint de test jetzt ja oke zsi!

ja klar ehr hend ja au lang ned gwösst weg emne 2te Baby oder? bi eus esch klar gsi dass mer secher no es 2ts wend. drom hemmer nüt usglehnt.

es geht ja Emmer au weder so Phase wo sech d chend of einzelni entwickligsschrett fokusieret. zb wenn si lehre laufe, maches i dere zit au chum fortschritt bim rede etc. vellecht macht de M. jez grad en schub dorre motorisch oder sost bi öpisem und dorom stoht jez halt s rede bi ehm bez hinde ah? me cha halt nor spekuliere

wow nomeno 90täg? has gfüehl das esch jez cheibe schnell gange bi der wetsch di ned met de Geburt beschäftige wege Respekt/angst vor de Geburt oder eschs der eifach no zwiit eweg?
muss ehrlich sege, i mache mer jez shco gedanke weg de Geburt. hoffe so fest dass es dasmol kes BEL-Baby me geht und i chan probiere spontan gebäre. aber mer werdes gseh. esch ja kes wunsch Konzert

oke. ja hauptsach jez esch de zockertest guet und musch ned luege weg de ernährig. wi gseit, hetti mi jez doch sehr erstuhnt wenn du Problem metem zucker gha hetsch!