@sanis
mir hend i dem sinn au keis bankettesse. da mim fründ sini eltere es restaurant hend, werdet mer quasi catering ha :)
eusen fotograf isch nid ganz eso tüür, mir zahled für meh oder weniger de ganzi tag, inkl. bearbeitig, afahrt usw. CHF 1650.-
gueti fotene sind scho wichtig. es werdet sicher au no lüüt fötele am tag selber, aber eus isch ebe scho wichtig gsi, dass öper sich nur ufs fötele konzentriert.

Guete Morge zämme

Dir sit jo wiedr flissig am schribe gsi gescht..

Willkomme isa.bella :)

@Fotograf
Mir lönn euse Hochzytsreportage vo em guete Bekannte lo mache:
http://www.fotolabor-spiess.com/wir-biet...tagen/index.htm
Koscht eus zwar au übr 2'000 Stei, abr dafür isch er de ganze Tag drbi. S foht a mit em Shooting am vormittag, denn d kirchliche Trauuig, denn dr Apéro und denn d Fiir am Obig :)

@Trauringe
Was heit dir budgetiert für euri Trauring?
Wais grad nit ob mir das Thema scho gha hei...
Irgendwie isches frustrierend, dass mer als Frau so vil meh koschtet.. S Chleid, dr Schmuck, d Accessoires, de tüüreri Ring wägem Steinle etc.

@Vorbereitige
Hüt cha ich ändlich afoh d Iladigskarte z beklebe :) Mit em Text-Inlay müenn mir no warte wo mir de Apéro wend mache...

@Apéro
Ladies, ich bruch emol euri Hilf:
Mir hend im Moment 2 Locations für de Apéro zur Uswahl. an dr Chilä wei mir's nit mache, wil's nit überdacht isch..
- Location 1...
...isch e Usstelligsruum von enere Innenusstattere. S isch relativ 'kahl' und nit würklich eso 'gmüetlich', abr mer het's warm und es isch dinne... Mir müesste denn aifach selbsch wägem Catering luege. Numä de Ruum zmiete koschtet eus rund 340 CHF.
- Location 2...
... isch de Buurehof vonem Kolleg vo eus. Dört hets e überdachti Schüüre, wo sie regelmässig Apéros mache. D Schüüre isch zu 2 Site offe, mer cha's abr je nach Wetter au mit erer Plane verhänge (hend sie alles do). Die Mieti wäri 300 CHF und debi wäri s parat mache vo der Schüüre, inkl. s Dekoriere voneme grosse Buurewage wo denn s Apérobuffet druf wird si und inkl. Kühlschränke und -truhen für d Getränk etc.
Wil sie selbsch es Hoflädeli und e Hofbäckerei hend, chönne mir au s komplette Apéro direkt dört beziehe. Z. B. es grosses Zopf-Härz, Speck-Zöpfli, Partybrot etc. Und d Getränk chönne mir jo 'günschtig' dusse go ichaufe, bis uf de Wyy.

Was meinet dir? Ich find dr Buurehof passt chli besser zu eus (und es i-Tüpfeli isch, dass mer vom Hof übr s komplette Tal mit eusem Wohnort und eusem Hürotsort cha luege :)), abr s chönnt halt ungemüetlich kalt si... Isch halt März... Gasheizer wär sunnsch no e Idee... Hmmm...

@Trauzüügin
Morn zobe cha ich mit ihre spreche. Ich wais numä nit wie afo :(
Vilicht würklich aifach mit erer Entschuldigung, dass ich es aifach so ha bestumme und sie nie gfrogt ha, ob sie das wett mache. Und ihre denn sage, dass ich s Gfühl ha, dass sie nit eso Freud dran het und dass ich gärn öpper andres würdi ha, wo mi meh tuet unterstütze und meh mit mir aneme gmeinsame Strang zieht?
Was mach ich, wenn sie sich partout will ändere, um de 'Job' zbhalte?
Für mich sälbsch hanis jo scho entschide :/

Liebs Grüessli

Anette

Zuletzt bearbeitet am 15.08.12 07:28

@TZ
i denk du muesch etz eifach mache, was für dich s'richtig isch. au wenn sie sich mit händ und füäss wehrt muesch ihre halt sägä, dass es für dich vom gfühl her nüme stimmi und bevor ihr beidi mit de situation unz'friede sind, gschider was ändere.

@ring
mir hend eusi nonig. ich weiss nid recht, öbi eifach no en schlichte ring zuesätzlich zum verlobigsring söll neh oder de verlobigsring nach möglichkeit vergrössere la und denn en ganz andere ehering kaufe... mal luege...

morgääääää ladys

Bin ja gestär im brutladä gsi mit zwei kolleginä und han eu natürli welä än bricht abgäh. :-)

han ziit gha zum 4 kleider aleggä und s eintä hät mi eifach fascht umghauä. sind all schön gsi und d verkäuferin hät gseit mir chömet all guät aber bi eim isch eifach dä WOW effekt cho. äs hät eifach voll passt und hät d figur adä richtigä ortä super unterstützt.

ich han mi so verliäbt i das kleid. :-)
han mer immer gseit ich wel eis im internet chaufä oder eis miätä aber jetzt muäs äs eifach grad das sie. :-) das isch dä hammer.

kännt öpert maggie sottero?

han sogar vo däm teil träumt.

PS: ich schrib jetzt dä text zweimal eimal bi bräute 2013 und eimal bi bräute juni 2013. also nur für dä fall das öpert dä glich text a zwei ort findet. hihi