nicht registriert

E hp chunt für üs nöd in frog. di meiste chömed do nöd so zschlag

mir händ ja nur 40 gäst i denk i mach scho eher was zum umege.

Aber merci für euen Tipp

nicht registriert

ich sammle im internet bilder vu sache wo ich gern hett die speichere ich den... den machemer es foti buech..

die erschte 10 siite hend föteli druf vu eusere zivile hochzit so impressione... den chunt e erchlärig wie mer cha säge das mer was wil schenke, zwar isch links es bild vu dem was es isch und rechts hets so feldli wo mer cha dri schribe wer mer isch, den gits je nach dem wie tür de artikel isch die feldli mit verschidne höchne vu betrag. 20chf 50chf 100 chf und so witer und zwar bis de artikel zahlt isch. entweder schribets i verschidni ine was sie wend geh, z.b 200chf oder wens s ganze wend müends i jedes ihre name schribe und den das geld ad hochzig mit bringe.

det hemmer e moneybox wos das chönd dri tue

Bi doch nur gschwing goh gipfeli hole..... Und dir schriebed sooooo viel.... Also

@ ladywolverine... Ig bi us em untere baselbiet, also laufetal...

Blueme... Mi schwöster het immer rose wellä roti mit wiss, ihri lieblings farb isch aber blau, jetzt ha sä super berote und ihre brutschtruss wird us cremefarbige rose und blaue hortensie.... I lieb hortensie.... Ig will mol lilafarbigi!

Jep ig bericht gärn, daninici! Isch nur s zivile aber glich... Viellicht dörf i es föteli inestelle und suscht halt per pn!

Also glaub s wichtigste wo mäh muess abkläre isch, öbs die blueme wo mäh wett, denn au git! Glaub bi galla ischs chli es problem! Ig find tulpe wunderschön aber ebe die gits nur im winter und friehlig!

nicht registriert

ig wetti liäbr nid Orchideä.. .aber we mä Bluämä im Februar googlet chömä diä zum teu fasch aus einzägi aus denn saisonal...

@reebee: ja das hani ebä au ghört dases uu tür isch, aber s gaht mer au drum dasi kei bock han das nacher go reinigä lah und ich will das au nöd dähäi ha und so.

wiä machet ihrs, händer würkli all esi kauft?

hallo zäme!!
@all: mir mached e homepage. deht tüemer au das wäg de gschänk druf. mir wünsched eus au nur geld fürd flitterwuche. has jetzt aber so bitz ufteilt, das mer chan vom reisefüerer bis zum flug oder ateil vom flug alles schänke. mir macheds so, dass mer denn das uswählt wommer wot und denn de betrag uf euses konto überwiest.
@blueme: eusi blueme chömed mit struss, wurfstruss, handglöänksstrüssli fürd TZ, asteckstrüssli für GG und TZ und deko (die wird ufwändig) uf ca. 2100 franke. dezue chömed no d'cherzäständer, wo ich jetzt im dütsche kauft han. die sind au nomal 300 euro. also ca2500 für die ganzi deko udn blueme.
@allne neue: HERZLICH WILLKOMME BI EUS!!!!