so jetzt gahts mer guet. jetzt isch grad d reservierigsbestätigung vom bad horn und de m y emily cho.

nicht registriert

@sanis
ts itze chamer nid mau meh am samsti hürate? das wär nämlech ou e option gsi... vieune gescht gängs ame samsti sicher besser weder ame friti womer no mues schaffe

HAllo Zämme

Juhu, bi üs im Gschäft esches weder bez ruiger worde und ech ha weder mol zyt zum schribe!
Mi Arbeitskolleg esch vor 2 wuche för 6 mönnet nach Singapore go schaffe, jetzt hani velli ufgabe vo ehm
no dörfe/ müsse öbene.
Hoffe es goht üch aune guet und der chömmet fora mit der Hochzitsplannig.
Bi üs esches au beträffes Hochzitsplanig bez drunder und drüber gange...Mer händ jo d'Sagi in Oberwil buechet ka.
Grundsätzelch wäri das s'Perfekte Lokal für üs gsi, aber well mer me Lüt wänd ilade wie döte platz händ, hämer jetzt weder abgseit.
Zusesätzlech wänd mer e fiir wo jede cha hei go wenner wott und ned ufe transport agwise esch. Usdämgrund hämmer üs jetz förne Zeltfiir entschede wo vo afang
a mi wunsch gsi esch :-) Au mim Schatz gfallts super! So à la American Style!
Mer wändes zelt mit wissem Himmelsdach und schön elegant dekoriere.
Mit Runde Tische, wiss deckt, wissi hussene und grüen mit Blueme dekoriere.
Dusse wämmer de überall latärne ufhänke und fakle in bode stecke. Hoffe nur s'Wetter spielt met.
Wenns i 1 Johr am Samstig genau so esch wie das Wucheänd- das wäri perfekt!!!

Zuesätzlech wämmer am spötere obe no en bar mache und live music lo spele.
S'fest wir bi üs ufem "husberg" stattfinde. dete hets en wisse wo öpperem kört wo mer kenne, sogar es WC het döte!!!
Wörkli mega cool! Jetzt esch de nur no d'frog wie vell WC's das es brucht för ca 90-100 Persone.
Meinet Ihr 1 WC & 1 Pissoif würde lange?

Wäge mim Hochzitschleid beni au bez am luege. Mer gönd im Dezember för 3 wuche nach Thailand.
Han überleit öbi mis chleid döte söll schnidere lo? Mim cousin sini frau geit ändi Oktober bis im Februar öbere, si cha d'sproch und alles
und wörd au met mer met cho. s'Chleid wör si de au met hei ne oder noche schicke fauses ned wörd länge. Mi Schatz loht aber sicher sin Anzug döte lo mache.
Het öpper erfahrig met däm?

Beträffend üchem Thema alter, jahreszal und chinderwunsch:
Min Schatz und ech händ letscht Sunnti s'10Jöhrige ka :-) Esch werde am 7. Septämber 26i und är im Janurar 30i.
Bi also am Hochzit de zemmli gnau 27i :-)
Chinderwunsch hämmer (är wett minimum 3 am liebste 4!), im Momänt simmer aber no för nes hüsli am sparre.

Händ der a üchem Hochzit es Thema?
Mer händ s'thema"Ferie/ Reise" und gänd am ganze Hochzit die länder döre womer zämme bsuecht händ :-)
z.B am Apéro git wie chline märet, mit ständ und de wämer food serviere vo de jewillige länder oder en wi us däm lang.

D'länder am Ober wärde Schwiz und Brasilie si. (ech be z'brasilie gebore).
de wärmer bim ässe äbä so resse grillspiess mache wies z'brasilie git- churrasco.
Und dessert / käsebuffet wird de us de schwiz si.
Vorspis gmischt :-)

Vorgester hani der Zivilitrauigstermin 12.08.13 (11. Johrestag) mol provisorisch chönne reserviere.

Höt abig fahremer zo üsem Ex-Pfarrer und gönd dä go froge öber üs traut .-)
Zu däm hämmer no en bezug zu frühner-JUBLA-zite.

Freu mi reesig!

So jetz hani üch öppe ufe nöisti stand brocht.

E gutet wönschi!

nicht registriert

@Bella: vo wo bisch du wenn i froge dörf?

das mit de samstigstrauige isch ja en witz. die würded lieber mäntig/zistig keini meh abüte oder so.

nicht registriert

@Bella: han denkt bisch i de nöchi vo horn. i wohn no in rorschach, zügle aber etz denn uf rheineck