@beauty Phu, i gloube, bi mir isch Hopfe und Malz verlore Nei i versueche no es paar Kilo abzhäh, stresse mi da aber nid z fescht. Schliesslech bini so wieni bi. Für das Fitnessprgramm hani e junge Vierbeiner daheime wo liebend gärn mit mir ufere Wise umegumped Schüsch gani neuerdings regumässig zur Kosmetikerin und vor dr Hochzyt wottimer d Negu schön la mache.. aso nid irgendwie verlengere oder weis nid was la drufschlaarge, sondern eifach schön striche, i ha für das gar kes händli Und d Trouzüge si no mit em Vorschlag cho, öb mer nid vor em Hochzyt mit ihne e wuche uf Kroatie ines ganz chlises privats Hotel chäme cho entspanne... so chönnt mer no chli brun wärde Vorem Hochzyt wärde natürlech no die wisse haar überfärbt und gschnitte U de hoffeni, dass mini Kosmetikere und d Coiffeuse doch no es schöns Brütli us mir chöi zoubere
hui ihr sind ja scho rächt flissig am beauty machä. :-) also ich mach eh immer chli sport aber just for fun und für mich. ich gah sozägä wäns nöd grad 30 grad isch täglich go joggä. und mängisch go schwümmä. aber nöd wäg de figur, glaub bi minä knapp 50kilo gits nöd viel abznäh.
vo wägä brüni machi mir au kei sorgä, han rächt dunkli huut und muäs amel nur ad sunnä dänkä wirdi scho brun. :-)
schminkä und augäbrauä zupfä das söti vilicht mal lernä oder ä schlaui kosmetikerin ha. :-) bin gar nöd dä schminktyp. negäli hani au mal gmacht aber ich bin so ungschickt, das isch nüt für mich. gsächt zwar scho no schön us am hochziit aber ich müässt mi rächt überwindä. mal guckä
Also bezüglich Brüni mmm i ha gar ned drübert denkt ka. Zum glück werdi schnell brun. Mues velecht de no vor de HZ es ganzes weekend ad sunne ligge hihihi
@Daninici Also ig wird sobald die erste Sunnestrahle und d Wärmis zuelost nur no schulterfrei ummelaufe... und mit guetem Sunblocker.. bi ä sehr helle typ (obwohl i dunkli hoor ha) Ig wird mega schnell rot und ha dennso wunderschöni verfärbige.. am HZ vo minerä schwöschter hei mi alli usglacht, will ig Rückefrei agha ha und dummerwies ei wuche vorher mi Rücke verbrennt ha und halt es Tanktop agha ha.. Das heisst wunderbar schöni bruni Schulter blätter und d Mitti wiss!! Das söll mir nächscht Joohr nüm passierä und gege SChluss gang ig sicher no bitz is Solarium! aber nid übertriebe..
@Lus jedi brut isch hübsch... es isch halt eifach chli krasser wenn sich öbber chum schminkt und denn am HZ voll is Töpfli längt oder halt eifach immer so.. find eifach mäh muess au sich selber bliebe.. Also wer eher zrughaltend isch mit schminki muess am HZ nid voll zukleischteret si!
@ daninci, ja das steue ig mir äbä o sehr entspannend vor
@ lus, ou ja das isch e super idee, no id ferie gah! isch härzig vo de tz, dass si das vorgschlage hei ach chum, was hopfe und malz verlore du wirsch für di schatz di perfekti brut si!
@schmetterling: i bi früehner e zit lang is solarium. i werd ebe kum bru. bi normal so wiss das i fast durchsichtig bi.
i ghör zu dene wo sich fast nöd schminked. werd au a de hz nöd viel mache. eifach d auge chli mit anthrazitfarbigem lidschatte und glitzer drüber, d lippe nur liecht rosa und natürlich mascara
i mue eifach luege das i nöd zviel seich iss vorher das mini hut nöd wieder spinnt
I bi ou eini wo eigentlech fasch ungschminkt umelouft. U drum wetti am HZ eifach dezänt aber schön gschminkt si I ha eifach chli bammel dasmer aues abelouft wenns allzu heiss isch I wett gärn sone töife Dutt oder wiemers nennt... I ha extrem vieu und schwäri haar, d coiffeuse rächnet aube schier äxtra stunde i wes ums färbe geit so öppis ähndlechs chönnti mer no vorsteue, vilicht sogar mit eme blüemli dinne.. findi no schön
bin au eini wo sich nöd schminkt (wüsst nöd mal wäni s letscht mal än iliner idä hand gha han) drum sägi au gschider nöd z fest schminkä sust erkännt mä mich ja gar nöd
Anmelden
