nicht registriert

@Lus: mir wäred bi de letschte planig au nur 24 lüt gsi. tante und onkel wäred eifach an apero iglade gsi.
es wäred au nöd meh in wintergarte gange.

nicht registriert

I fingä zum Apero iladä wäri doch ä auternativä nid?
und wes sötti diskusionä gä sägä dir eifach, dir wöugät im chlinschtä kreis firrä und de wird das ischr vrstandä...

auso ig hätti dr büätsch vo mim mami niä anäs bankettässä igladä... aber itz ab abä ir disco chunt är wüu är "Pflichtgascht" isch...

nicht registriert

@sanis
Hm ja aso es chöme ja e huufe lüt "nume" as apero.
Mi unggle nume as apero ilade isch aber chli blöd. 1. chunnt är vo relativ witt wäg und het e lange wäg für bös gseit "nume" anmes apero (ohni trauig etc.) 2. isch är schlächt mobil (krankheitshalber) und 3. isches ja de würklech fies wenn sini schwoschte (mini tante+mis mami) as ganze fescht witergöh und är cha wider i zug höckle und hei.
naja vilicht chunnt mir no die zündendi idee :-)

nicht registriert

@sanis
Ja blausee mues sehr schön si zum hürate! Hani zerscht ou no überleit aber es isch schier chli witt wäg und i ha mau gläse gha, dass aui hz-gescht no müesse itritt i blausee zahle ou wenn si nume ad trouig chöme. ha de das nid so toll gfunde und drum isch dr blausee usgschide.
mis mami het sech - so isch si äbe - natrlech grüündlech informiert und dä arm ma dete äue mit frage glöcheret.. und schiiins isches äbe doch nid so das d gescht müesse itritt zahle
I chönnt mis mami bitte, au die ZA uszteschte und ga z prüfe
Hihi nenei es wird münsige oder schlosswil wärde..... oberhofe wär zwar ou no schön

nicht registriert

@Sanis
s wär dr absolut hammer dete ds apero no grad z näh... aber i hami nid defür überhoupt azfrage wüu i weiss, dases eh nid bezahlbar isch

nicht registriert

Hmmm aso bi DERE Ussicht gloubeni nid dases sehr priisgünschtig isch.
Meischtens zaut mer ja würklech no d ussicht mit derzue
Apropo Apero: i ha no es Restaurant agfragt gha und die hei gseit si düegesech de telefonisch mäude... mim gg hani das aber vergässe z säge ei tag am abe geit ds telefon und är hets abgno und när isch genau die vo däm resti dranne gsi. chli e tschäderli base. di het ihn weis wie bezirzet är isch gar nid zum rede cho und het mi nume lang agluegt und mi hets natürlech verputzt vor lache schlussändlech ischer guet 20minute am telefon gsi...
wie isches eigentlech bi öich im felix gange sanis?

Zuletzt bearbeitet am 11.09.12 14:27

Datei-Anhänge

Schloss Oberhofen.jpg (11x) Mime-Type: image/pjpeg, 82 kB